الحلتيته والعنزروت

رد: الحلتيته والعنزروت

برجع لكم اسوي صعووووط لواحد من اخواني الله يعينه على مابتلاه
(أما العلب تحفه يامشعل ) لي عوده
اللي مايحب الحلتيته وعاجبه الموضوع يتلطم ويكتب

رد: الحلتيته والعنزروت

جبت لك علبه صلصله تسوين فيها الصعوووط




ههههههههههههههههههههههههههااااى

رد: الحلتيته والعنزروت

اقول لاتدري عنكم حماية المستهلك > والله من السبات

الحلتيته والعنزروت

بدون وصفه وبدون تشخيص

اصعط نفسك وحظك وعزتي له

هلا وغلا ابو مروان يارجال ماعندك احد احيانا ننسى ان فيه حمايه مستهلك
الموضوع صحيح فيه فكاهه ولكن من جد لابد من الحذر من الافراط في استخدم هذه الاعشاب

رد: الحلتيته والعنزروت

هههههههههههههه ,.موضوع رائع ,. المواقف كثيرة بس اللي أعرفه إذا جت الحلتيته إخواني يهجون من البيت .,. هههههههههههههههههه.

هلا وغلا بدر
ليه كل هالقسوه على الحلتيته والله شي خاصه مع الشاي وانت مروق الصباح تصحى وتشفط لك كم شفطه وعلى كيف مخك وراح تدعيلي :d

رد: الحلتيته والعنزروت

أعرفها أو أتذكرها جيداً أيام ( الصعوط) اللي يوقف الرعاف من الأنف بعلبة الصلصة والسمن البلدي الحار ههههههههههههههه

ماأجمل تلك الأيام ،،،،،،،،،

هلا وغلا ابو فيصل
العلب بحد ذاتها عالم اخر ياعلبه صلصه او علبه بندوره ومصديه احيانا
مره سوتها لي الوالده وانا صغيره بغى يغمى علي ماتحملت
هي ايام جميله بذكرياتها والله فيني ضحك حاسه الكل جرب الحلتيتيه بس مو عارف وش يقول

رد: الحلتيته والعنزروت

ماشاء الله ، خبرات في كل شي
فيه محل بالسوق (أدويه شعبيه ) معروض للتقبيل وش رايك تشترينه
أرشحك طبيبه شعبيه مليئه بالثقافه والله تكسبين ملايين وأقترح أسم المحل
شروق الأمل للعلاج الشعبي

هلا وغلا
افلحت ,,اجل اتفقنا خليها شراكه بينا انت برأس المال وأن الله يعيني بعد الدوام ع السوق والله راح تربح ربح خيالي بس خلك على موقفك وقدامك الشارع العام أو السوق الجديد شوف لك موقع وجهز المحل ,انا بتفق مع حرمه كبيره تعالج الحريم ووعرف شايب يعالج الرجال ويمكن فيها تلطيع ومحاور وانتظر الخير انت مستهين بالحلتيته والله أن الحريم اللحين يسمعون لحقين الاعشاب ويصدقونهم أكثر من الاستشاريين والدكاتره ’’والله يعيني على فعل الخير

رد: الحلتيته والعنزروت

واوويلاااااااه ، واويليييييه !!!!!
شكلي انا المستهدف بالصعوط ، تكفا يالمتبرع بعلبة الصلصة لاتكون مصديه اروح ضحية تسمم من طبيبتنا الشعبيه !!! بس أي باد هديه يعوض الموضوع

رد: الحلتيته والعنزروت

مرحبا وينك شروق كملي القصة انتظرك يالغلا البنت موهوبة لازم نفتح لها محل على قوله ابوطرفا ولا ليه الخساير غرفه بالبيت وتكفي هههههههه

هلا بك قلبي أما غرفه بالبيت عزالله بيشرد الجيران
ابشري ماطلبتي شي بكملها,,,,
أن شاء الله أن وافق ابو طرفا نشترك وتزورينا في المحل وابي منك طلب تروحين الديره وتجيبين معك بعيثران وشيح وقيصوم ومن الاعشاب اللي يحبها قلبك وتعالي نشتريها منك ونبيعها بالمحل رغم اني عارفه انك ماتدرين وش هي الاعشاب اللي قلتها

رد: الحلتيته والعنزروت

واوويلاااااااه ، واويليييييه !!!!!
شكلي انا المستهدف بالصعوط ، تكفا يالمتبرع بعلبة الصلصة لاتكون مصديه اروح ضحية تسمم من طبيبتنا الشعبيه !!! بس أي باد هديه يعوض الموضوع

والله مت ضحك (ضحيه هاه) احمد ربك
مادري عن سعود من وين جابهم ولكن وش المانع خلنا نجرب فيك وابشرك فيه مسابقه بالمنتدى وعليها جوائز كبيره ادعيلي اني افوز وابشر باللي يعوضك والا شايفني وزيره الاخطاء الطبية ترا على باب الله

رد: الحلتيته والعنزروت

جبت لك علبه صلصله تسوين فيها الصعوووط

ههههههههههههههههههههههههههااااى

سعود تعرف المقلاعه ّاللي زمان يسوونها ويصيدون فيها ابي اسوي علب الصلصه هدف وارميها,,

والله ياسعود مصديه بتذبح العالم ابو طرفا شرد وهج بعمره والا يبي آي باد اذا رضى نسويله صعوووط فيها للتجربه فقط

رد: الحلتيته والعنزروت

صباحكم جوري ,,,,,,نكمل قصتي مع الحلتيته ,,,احس اني اشمها في الكيبورد
طبعاً خويتي اخذت الحلتيته بعد ماوضحت لها كيف تستخدمها والكميه والمهم البنت حطتها لزوجها في علبه مويه وورجت فيها لين ذابت واعطتها زوجها وعلشان الريحه قالت: سكر خشمك لان ريحتها ماهي حلوه (شكله سكره لين فطس) المهم شرب شوي وتغصب عليه يالله وصل حلقه ويغص وهي تقوله اشرب زياده وجلس يشرب لين طلعت عيونه المهم ماوصل للمعده الا الرجال بدأ يرفس من الالم ودخلت دوره المياه وجلس يستفرغ( الله يكرمكم) ويصارخ عليها ويسب ويلعن البنت من الخريعه ظلت واقفه تقول ماعرفت وش اسوي حسيت اني قضيت عليه وراح يموت بسببي وعلى طول اتصال بواحد من اصحابه وجاه على البيت ونقله المستشفى ويعملوا له غسيل معده ,,,,,كان هذا على ماذكر الاثنين البنت غابت الثلاثاء والاربعاء استغربت اتصل ماترد قلقت عليها قلت يمكن صاير شي المهم مره ماترد مره تعطيني مشغول لين كتبت مره لا تتصلي قلت اوكي يمكن فيه مشكله واختكم بالله ناسيه موضوع الحلتيته
المهم داومت السبت اسلم ماترد اتكلم تدير وجهها والله شكيت بعمري
تخيلوا اسبوع كامل وهي ماهي خويتي اللي عارفها مره كانت الغرفه فاضيه ولقيتها لحالها سكرت الباب وقلت اشفيك يافلانه عسى خير صاير مني شي ضايقتك
تكلمي مارضت في البدايه تتكلم لين ضغطت عليها وانفجرت تقول زوجي محرم علي اكلمك علشان الحلتيته هنا أنا انفجرت ضحك هي تبكي وانا اضحك ,,, الله يااخذ الحلتيتيه واللي عملها زوجي بغى يموت وانت السبب ومن هنا الى هناك اهديها قلت لها احكي لي وش صار بالضبط
علمتني بالسالفه واكتشفت أن الاخت حطت كل الكميه اللي اعطيتها لها وبغت تقضي علي زوجها وهو عنده مشكله اصلاً في المعده
قالها بعد ماصالحها وفهم منها السالفه يويلك تكلمي صديقتك او تتصلي عليها واطلبي نقل من المدرسه ,,,,,وفعلا طلبت نقل بس موعلشان الحلتيته للاسف ولكن علشان ظروف اخرى الله يفرجها عليها وين ماكانت

رد: الحلتيته والعنزروت

فيه دواء أسمه ( خوا جوا ) أضيفيه للقائمه المطلوبه من مضا لي زمان
بالنسبه للشراكه أعتذر مامن فلوس بس ممكن أشارك متطوع بمهمة طرح الرجال المسحورين علشان تكوينهم وتصعطيهم

رد: الحلتيته والعنزروت

مسكين الرجال راح فيها من الحلتيته

الله يشفيه يارب من كل داء

رد: الحلتيته والعنزروت

صباح الخير سعود
مايحتاجن فزعه ، كيد النساء عظيم ، لكن اطمئن اطلع من عجاجتهن والله مايشفن إلا الغبار
قالت تصعطني قالت !!!!!

رد: الحلتيته والعنزروت

صباح النور يـ أبو طرفا

انا بفزع معك ماعليك منها ههههههههههههههههاااى