قصة وقصيدة بين ألأخوان..؟؟

قصة وقصيدة بين ألأخوان..؟؟

السلام عليكم
الأخ الكبير شاب ملتزم وراعي كيف ..
والصغير قلبه أخضر ومخربها
الكبير مسوي في المجلس "مشب" ودلال ونجر ..
وهو اللي يسوي قهوته بنفسه ..

وفي يوم من الايام أرسل مسج للصغير يقول:
{القهوة جاهزه تعال} ..

**فكتب الصغير له هذه الابيات من
باب الدعابة .. :
يابو فهد ملّيت شرب القهاوي....
وانا ادري انها كيف روس الرياجيل

شوف الغزال ام الجمال السماوي....
أخير من شوف اشقر البن والهيل

اللي سوالفها غياض وحزاوي.....
ومزوحها تسوى عذاب الفناجيل

**فرد الكبير بهذه الابيات وقال :
يامرحبا وابليس هابي وغاوي....
اللي يورّدنا على وادي الويل

لاصار كيفك شوف ريم ومهاااوي....
ومكابد العلاّت ومجالد الليل

البن كيف مبّعدين الهقاوي....
روس الرجال الصاملين الحلاحيل

اهل الشجاعة والكرم والعزاوي....
حياتهم راحت على ضمّر الخيل

**رد الصغير يريد يرفع ضغطه وقال :
ماني على ترك ابيض الخد قاوي....
نجل العيون اللي هدبها مظاليل

تدري مراقب رمشها وش يساوي..؟
يسوى دلالك والنجر والمعاميل

لو عشت معها طول عمري جلاوي....
سجيت من ربعي كبار المداهيل

**قال الكبير من باب المداعبه :
لاحالك بخاوي ولا العظم ذاوي.....
وتحلل "الكبسه" إلا جات تحليل

وعلى فراق الترف منته بناوي....
ياقوم ياحب القلوب المهابيل

قلبك على العد القراح الرهاوي....
لا صادفه عجٍ ولا سال به سيل
وسلامتكم..
ولكم تحيات
ماجد البلوي

مشاركاتك يابو سعد تسلي وتداوي نتابعها ونشتاق لها والله باللحيل

Sent from my GT-I9082 using منتدى قبيلة بلي الرسمي mobile app

وانت سالم يابو سعد
مشاركه ممتعه جدا