ياصاحبي لاهنت ممكن دقايق
في داخلي ضيقه مهي أي ضيقه
النفس ماهي نفس والقلب ضايق
واغرب خيالي في عيوني حقيقه
غيري بدون اهموم يضحك ورايق
ادري بشر وانواع كلٍ طريقه
احيان اقول ان الفرح صار فايق
وهو متى مافاق شبت حريقه
ليت الفرح ينباق واصير بايق
ليت الضما ينساق وابل ريقه
بعض البشر عادي تزوّر حقايق
والطـيب في هالوقت محدٍ يطيقه
بيني وبين الحظ مليون عايق
متى اشوف الحظ يلمع بريقه
ياصاحبي محتاج منك دقايق
ابيك تعرف داخل القلب ضيقه



محمود يسلموووووووووووووووووووووووووو