برنامج سواليف (1)

يالله حيهم

وين الناس مالكم حس ياشباب اليوم

عويذا الله من الشر

امسي واصبح عليكم بالخير يالربع اذهنو بيوتكم الحافظ الله لاكن من خاف سلم اعرف لي خوي السرقان خلو بيته عالموكيت لا وبعد ضبطو براد شاي بالمطبخ وفطور الله يحفظكم جميع والله براسي اروح السودان ادري جوها ماينقرب لاكن براسي كمونيه يعني العلا اشوا منها وش رايكم بصلاله واللي يبي يتكي اسبوع كم يكلف الوضع
تركيا حلوه لاكن فيه شوفات لك عليها يازين راحت البال دمتم بحفظ الله

هلابك ابو حمد
ياخي الاختبارات حتى لو ماعندك اختبار بس نفســـية على العموم كلها اسبوع ونفتك من هم الاختبارات نفسي ادج دجــــة اذا جت الاجازة ههههههه
وين الشباب يدخل يشوف ويطلع لازم واحد يجيب لنا سالفة
يالله حيهم

السلام عليكم ورحمة الله وبركاتة
اليوم ياشباب نزلت على الصباح أشغل سياراتي .. المهمـ الخبر يوم جيب وسيارتي مفككه
كلها من إلى يرجال لكن مامداه يسرقها .. مفكك الجوانب ومفكك الشاشات ومفكك الطبلون تشليح سريع ..ههههههه لا وفاتحه بعد مادري كيف فاتح الله يخارجنا ...
جالس أتذكر كلام محمود الهرفي .. صدقت هذا وقت السرقان أما هم غدوا على سيارتي سلطه ياالله لاتبلنا .. شكل أحد كافشهم وشاردين يارجل ..الشاشات مسوي لها تسليك والله تابعين التسليك حقها ومفككينة لكن ماقدروا ياخذون الشاشات ولاقدروا يأخذون شيء .. الله لايبلنا ..
الحمــد الله على أمــر الله ... يارب لك الحمــد ..
أنا ماوقفت غير الساعه 2.30فجراً ,., هذا حرامي كبير ..

المهم علومكم أخباركم .. شباب بالله ودي أروح أتفقد الشنطة ليكون مسروق الكفره والأغراض توني مشتريهن ..




مع السلامــه

وعليكم السلام ورحمة الله
صبحك الله بالخير
ياساتر يارب ول ياكسر الله ايديه ورجليه
والله السرقان ياناس كثروا وجعل ربي يهديهم ولا يفكنا منهم
لكن الحمدلله يابو اسامة الي ماقدر يكمل سرقته يامال السلامة اي والله يابو اسامة

<< فكر انا كوف



مششتااااق لكم



برب فطور على سريع ونرجع لكم في تفاصيل واخباري







=============================


احلى باااكـ >>> يعزز لنفسه



الموهيم منين ابتدي ,,ويا طويلين العمر جوي ها الايام جو افغاني حافر بير بـ الغلط يعني صار برنامجي ,,, اركب السياره واللي تقابله قابله


ما عدت اهتم ,,, نقول طفش لا ,,,,نااايم ,,,صااحي اول مره اتهاوش مع نفسي



ابي اعدل برنامج نومي وحتى في النت قمت اصير نفسيه (( يوتوب + الفيس بوك ...الخ )) مافي شي يملى عيني


ياخي الايام تمشي بسرعه ما تدري وش تسوي ,,, !!



يعني اللحين انا الاجازة تجي وما طقيت خبر ,,, عادي عندي الايام سوا سوا مافي مشكل كووول ونااسه



طبعا تكلمت عن الايام ما يحصل فيها بسرعه ملاحظين صح


,,, صاير بيتوتي على طول مدري من سوني ولا عشان الاجواء غبار على عج يعطيك الجو

تطلع براا تحسبه مغيم ما تدري الا هي غبره


اخر اخبار دجتي عرفتي اتقن البلوت ,,,يعني اللعب اول لكن اللحين تعلمت الغش وكيف (( ادق خشم غير )) لو هو ضامن الفوز



ما تسمع غير هوشات ومناقرات تقول طباين مو بلوت >> فيس يشرب شاهي



مدري نسيت شي ولا ايه ابو اسامه شكرا على ها موضوع


ما ناقصه غير فرشه وثلاجة شاي وضومنه ويد سوني جديده وهاتك ونااسه





راجع لكم بسس خلوني اركز