وين خالك يالقصير

شكراً للجميع مرورهم ومتابعتهم والقادمات
احلا باذن الله
والشكر موصول للشاعر القدير القصير

تحية من القلب لك يا ابا سالم ومرورك عطر صفحتنا

صح السنتكم

الماهر والقصير

إبداع وطارووق متميز

مبارك عليكم الشهر
يعطيكم العافية

الله يعافيك وكل عام وانت بخير وعافية

انا من المتابعين للمحاورة

وخاصة بالثلاثي المميز ... القصير .... عايد ..الماهر

متعة الشعر والمعنى عشناه معهم

تحياتي للجميع

مرورك عطر صفحتنا ياشاعرن الكبير

الماهر

علام خالك يالقصيـر مايبيـن=يالله لعله بالف خير وعافيـه
العام يقرأ في رياض الصالحين=من قبل ماتذرا عليه السافيـه

القصير

خالي بمكة في ديار المسلميـن=من فضل ربي ما عليه أ خلافيه
اليا حضر خلاك يا لقاسي تلين=يشب ناره يوم "ي" نارك طافيه

الماهر

مكه وطيبه وانت سيد العارفيـن=ماهي عذر عطنا العلوم الخافيـه
يكفي حضورك خل عنك المدبحين=وان شب نيرانه فلا هـي كافيـه

القصير

ماشي يسار الدرب ماتمشي يمين=يالله عسى نيتـك نيـه صافيـه
ياشين حظ اللي يا حسبنه ذهين=ياطأ على الرمضا ورجله حافيـه

الماهر

امشي مع ادروب الرجال الغانمين=والله عليمـن بالنوايـا الهافيـه
منته وكيلن للعبـاد أولا ضميـن=خل السوالـف والتفـت للقافيـه

القصير

أقول وافي من ربـوع"ن" وافييـن=و أنـا تحـرى للعلـوم الوافـيـه
إن طعت شوري روح دورلك عوين=ياللي تحسب السمن زيت العافيـه

الماهر

انا اسألك وابغى علوم الغايبيـن=والسيل من تحتك وعينك غافيـه
وانكان تبخص بالزيوت اوبالعجين=اجلس على السفره مع الاصنافيه

القصير

ماهر لكنه ضاع بين الماهرين=لا جاء نهار الجد ما ينشافيـه
ياصاحبي عوذمن ابليس اللعين=اللي فراشاً لك ونوب الحافيـه

الماهر

ماضاع غيرك يامعايد قريتيـن=عند الشدايد يركبـك رجافيـه
وابليس منه ومن هله متعوذين=وايضا من اللي عينه ميلافيـه

القصير

ترى الغضب معميك ياابونيتين=باقي دقايق وزهـم الاسعافيـه
أقرأعليك من السورلو سورتين=دامك خوياً في عصابة ما فيـه

الماهر

علم النوايا عند رب العـالمين=مــايكشفه ساحر ولا عرافيه
وانكان تحفض يالقصير آيتين=عليك في نفسك تراها شافيه

القصير

راحت عليك ونمت يالرجل الفطين =راحت عليك و عدت المشرافيـة
الحمد لله كل يوم "ا"و كـل حيـن=العقل صافـي والجسـم متعافيـه

الماهر

ماراح اسيبه من هزيل ومن سمين=ماعود اعيوني تلد اخلافيه
دامـك بـخــير وكـل شـيئاً فـيـك زيـن=تسلم لنا ياكامل الاوصافيه

القصير

عزيل حال اللي مع العالم حزين=كنه في ظلمى ما معه كشافيـه
أنا رجل و انته رجل متقابليـن=محنا بحراس"ن" مع القذافيـه

في بداية شهر رمضان عام 1429ه

الله الله الله
تــــــــــــســـــــــلمون

الشاعر /القصير

و

الشاعر /الماهر

شعراء محاوره مبدعين

فتل ونقض المعنى

تحيتي لكم جميعاَ