(ياطير)

البارحه يوم اقبلنّ التفاكير= على العهد ماهي بقلبي جديده
سجّيت باللي سّهر العين تسهير= يا زايري دايم علومك لهيده
إن كان تنوي خير زيد المسايير= هات العلوم وخذ علوماً أكيده
يا هاجسي معشوقي بديرة الغير= تحدّني عنه الديار البعيده
يا هاجسي من بعدهم ماني بخير= إمعزّبك عايش حياةً زهيده
كم ليلةٍ دمعات عيني محادير= وكم رعشه بقلبي نزفها وريده
وكم سقت ليمرسال مع طاير الطير=فيه الغرام وفيه أحلى قصيده
(ياطير)ما بتعبك روحه وتدوير=محبوبتي بأحلى الوصايف وحيده
عيونها حورا تهّد المناعير= والزول ظبي الريم شقرا فريده
سبحان ربّه ماجعل فيه تقصير= حلواً نباه وشامته فوق جيده
لوشافته (ليلى)من أوصافه تغير=وألاّ الحلا يخلف عقولاً رشيده
ياللي جمعت أوصاف كُّل الغنادير=دلالك اللي يِشعل الروح زيده
بأمشي لكم لو هي دروباً معاسير=صادق وأبي نحيا حياةً سعيده
بأوصلك رغم الخوف رغم الحاذير=لوكان طالتني عواقب شديده
وإذا وصلت وخبّروك التباشير=العاشق الولهان لاتكسف إيده

الشاعر عبدالله محمود البلوي

السلام عليكم ورحمة الله وبركاته


ياسر حمدان البلوي
صح لسانك ولسان الشاعر عبدالله محمود
والف شكر على اتحافنا في هذه القصيده الرائعة

ياسر حمدان البلوي

صح لسانك ولسان
الشاعر : عبد الله محمود البلوي

قصيده
اكثر من رائعه
وليس بغريب منك الطيب لا ياتي الا بطيب
دمت بخير
ودام وجودك بهذا الصرح انشاء الله


______________

اخوي يعرب

صح بدنك يالغالي

اسعدني مرورك الجميل

الشاعر

عايد السميري

صح بدنك يالغلا

اسعدني مرورك الكريم

ياسر حمدان البلوي
صح لسانك ولسان الشاعر عبدالله محمود البلوي
قصيدة جميلة وعذبة