كم قريبٍ صار بالشِدَّه غريب

الملف الشخصي · 04-10-2016, 01:07 PM

القِصِيد اليوم مِنْ طَبعي قِريب

في خَفُوقي حام قافي يَشْرَحَه

المعاني سيل و الخافِق شِعيب

يَا يشيل ....... القاف والاَّ يطرَحه

لو يضيق ... البال والفَرحَه تغيب

جَرحِك اللي طاب .... إحْذَر تَجْرَحَه

الرِّدي يَطْعَنك .. حَتَّى لو تِطيب

والرِّفيق الحُر ....... طِيبِك يَذبَحَه

كم قريبٍ صار ..... بالشِدَّه غريب

والمُصيبَه ..... ضيق بالِي أفرحَه

والمريب اليوم مِن ذاك القريب

زين حالي في حياتي ...... أترَحَه

بالوفا .... ربحان وَافْهَم يا لبيب

ما يِمِنَّ الحُر ........... باللي يربحَه

خالد البلوي