بــلـــي

بسم الله الرحمن وازكى التحيه
وبعد التحيه زان كيف المعاميل

وللقاف وعيون الشعر جاذبيه
ويطيب فاله في عيون الرجاجيل

افوّح حروف الشعر شاذليه
واملا من جزال القصايد فناجيل

على النقا وسلومنا الاوليه
موروثنا متوارثً جيل عن جيل

مانارد الاهيت والا طميه
ونعدل المايل ولانقبل الميل

اجاري صروف الزمان القويه
واجر صوتي في عروض المواويل

دون البلاد الشعر له قابليه
ويصير بعيون الادب كالقناديل

الدار في حكم السعود محميه
بالدين والسيف الحدب والحلاحيل

ومن الشجاعه والسطر والحميه
اللي نوا بالغدر جيناه ابابيل

مكه وطيبه والبلاد الاابيه
لاشاطي الراحه ولاشاطي النيل

والا على نبض القلوب العذيه
اللي هواها بن واشواقها هيل

واهل الهوى وقلوبهم جرهديه
اشواقهم تكفي عن الحط والشيل

والا عن احوال البلد والرعيه
صارت حروفه للقضايا مداهيل

وانا هجوسي مابها عنصريه
وتاريخنا ماهو قليل محاصيل

اسري الهاجس على كل نيه
واقطف من الجزله ولافيه تبديل

انحت صخر مالي ومال الرديه
منزهن نفسي عن القال والقيل

ارضي ضميري وافتخر بالسميه
هم راس مالي بالليال المقاابيل

امجد اهل الفعل في كل هيه
اللي لهم تاريخ بالسيف والخيل

اهل الكرم واهل الكفوف النديه
فزعاتهم تاريخ واقدامهم سيل

للضيف ريف وللمحبين فيّه
وعلى العدو نارً تلظى بها ويل

اهل الفعل يوم المعارك لضيه
يشهد لنا في بدر عشره مشاكيل

بلي بلي يوم المواقف جليه
مايعشقون الا السيوف المصاقيل

نقدم شجاعه مانهاب المنيه
والصعب بعيون النشاما تساهيل

وكل القبايل بالفعايل غنيه
ولاننقص حقوق العرب يارجاجيل

لافاحت حروف الشعر شاذليه
املا من جزال القصايد فناجيل

#عبدالسلام العامري

صح لسانك اخوي عبدالسلام

ولكم خالص ودي

صح لسانك وسلم بنانك