قصيدة للشاعر عطالله صالح الصريبطي في الثناء على فريج سليمان القرعوطي وأبنائه
ماهو غريب الطيب من راعي الطيب
اهل الكرم واهل بيوت(ن) ظليله
كسابت النوماس واهل مواجيب
عيال شيخ وينطحون الثقيله
دايم على العليا بروس المراقيب
ونعم بلي يكسبون الجميله
ولي نصاكم يبيض الوجه مايخيب
ايمانكم دايم تمد الجزيله
ساس القضاه اللي تحل المناشيب
لصار طلابن يقابل طليبه
اهل الاصايل متعبين المراكيب
تاريخهم بالمجد قصه طويله
قراعطه دايم تعز الإصاحيب
وعدوهم دايم يحصل فشيله
يشهد لهم شايب كسا راسه الشيب
والشمس ماتحجب سناها النثيله
هاذي حقايق دون شكن ولاريب
عيال عم وعزوت(ن) بالقبيلة
كل الرجال مجربه بالتجاريب
من يفعل المعروف يلقى حصيله
فريج وعياله رجال(ن) محاسيب
ومجودن بلجود عمه وخاله
اهل الكرم واهل النباء والتراحيب
يقال له والنعم لجاء مجاله
الشاعر/عطاالله صالح الصريبطي
التعديل الأخير تم بواسطة عبد اللطيف القرعوطي ; 09-04-2016 الساعة 02:15 PM
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
هذا الموقع برعاية
شبكة الوتين
|
رد مع اقتباس
المفضلات