بسم الله ابدا بقافي والهدف سامي = جابه لي الفكر واستحسنت موضوعه
حب الوطن دافعي وسيوفي اقلامي = والطيبه صدرها الميدان وانقوعــــــه
يالله لك الحمد يوم ان السعد قامــي = يا دارنا الخير ينبع منـك ينبوعــــه
ياموطني دام عزك طول الايامي = دايــــم و رايتك بالتوحيد مرفوعـــه
علمّـك ياموطني من فوق الاعلامي = موصول بالله والاعلام مقطوعـــه
سلام يا دارنا يا دار الاسلامـــي = انتي للاسلام واهل العلم موسوعه
النور منك انتشر جنوبا وشامي = الشرق والغرب منـّك نارة اشموعه
يامهبط الوحي انتي مورد الظامي = ايضا وفيكي غذاء للروح من جوعه
مكه وطيبه عليها الناس بزحامي = تهوي اليها الفواد الطاهره طوعه
ارضك مشاها نبي الله بالاقدامــي = طلع لك الخير ياذا الــدار بطلوعــــه
ارضك ذهب غير ماكي طب الاسقامي= انتي من الخير واهل الخير مزروعه
وحّـدك صقر الجزيره فارس اعصامي = الله يرحمك ياذا العود وفروعــــه
ومن بعده امرك بيد حكام(ن) اكرامي = حكّام بالعدل والاحكام مشروعه
حكام 0 لكن انهم للدين خدامــــي = القوه اللــي لهـم بالضـد مردوعــــه
والان في عهد ابو متعب لك اعوامي = له بصمة في قلوب الناس مطبوعه
له حب بقلوب شعبــه حب وهيامي = له طاعة عند كل الشعب مسموعه
للدار وقت الشدايد درع واحسامي = من ذاتــه المقدره بالعفو متبوعــــه
حنا حماة الوطن يوم الوغى حامــي = الروح والمال لجل حماه مدفوعـــه
يادارنا ماتصيبك رمية الرامـــي = في قدرة الله عنك اتكون ممنوعــــه
يادار شعبك عليك احصون وحزامي = جندا من العز والايمان مصنوعــــه