الوجيه / عيد بن عوده بن ناصر العرادي البلوي “رحمه الله”
المجال : وجهاء القبيلة ، موظف جكومي، شاعر
نبذة عن الشخصية :
عيد بن عوده بن ناصر العرادي البلوي من وجهاء القبيلة شاعر جزل ومن الشعراء المعروفين بالقبيلة ويتناقل قصائده الكثير من داخل القبيلة وخارجها عرف رحمه الله عنه الكرم والشهامة وأعمال الخير سخي اليد محب للجميع كسب احترام الجميع وتقديرهم في جميع المدن التي عمل بها ،عصامي طموح حرص على التعليم فتعلم وتغلب على جميع الصعاب وتقلد مناصب عديدة في الدولة.
من عرف أبو عواد رحمه الله يعرف مقدار كرمه وفرحته بالضيوف حتى وهو مريض في بيته بالمدينة يأتيه الزوار من كل مكان للإطمئنان عليه وكان رغم مرضه الشديد لا تسمع إلا ترحيبه بالضيوف وعبارات الفرح بزيارتهم وكان رغم الالم بشوش الوجه يسأل عن من زاره حتى يطمئن بنفسه إنه رجع بالسلامة لأهله كان رجل عظيم رحمه الله واسكنه فسيح جناته
الولادة والنشأة :
ولد في ضواحي الوجه”البلوية” عام 1348 هـ
الحياة العملية :
غادر الديرة عام 1373، أول محطة له كانت سكاكا الجوف ومن ثم عرعر، رأس مشعاب ، السفانية ، وانتقل الى رفحاء ١٣٨٣هـ وعمل مديرا لبريد رفحاء حتى تقاعده رحمه الله في عام ١٤٠٨هـ ثم انتقل إلى المدينة المنورة بعد تقاعده.
من قصائده رحمه الله:
ياراكب اللي توماعد الاميال=يوم اكمل التمرين غيرت زيته
جمسن مصفح منسرد ماله امثال=ناوي على المشوار يومي شريته
ماجيت اسومه واقفن عند دلال=من بين الوف موقفاتن قنيته
يقطع بعيد الخط وعرات واسهال=لولاي عارف مذهبه ماقديته
يلفي صديق بوادي الكر نزال=يضحك حجاجه حيث لني لفيته
نعما بابو فالح على طيبة البال=يونس الخطار زين اتهليته
يلفي محلن للاجاويد مدهال=شيخا علىساس الاهل قام بيته
ريف المقاوا يوم الارزاق شمشال=وقتن يبور ابه الردي لو نخيته
ولا هو من اللي للسوايات نقال=مع الكرم والجود زين السميته
وابغى قبول العذر ياطيب الفال=اوضحت عذري حالفن ما كميته
اخلفت وعدك والسبب كثر الاعمال=شيا يجول بخاطري ماقضيته
وان كان ربي زاد بالعمر الامهال=لابد ما وفي بعلم حكيته
اللي مضى محفوظ لو راحت اجيال= والله ترا ان اجواركم ما نسيته
ما ينكر المعروف يا كود الانذال=واللاش يخلف هقوتك لانصيته
دنياك يالمحبوب نازل ورحال=كم واحد عقب السفر ما لقيته
واقبل سلامي عد ما واديا سال=واعداد عشبا بالمفالي رعيته
وصلاة ربي عد ماهل همال=على نبيا بالهدا عم صيته
مناسبة القصيده:يتوجد فيها على رفاقه عند زيارته لهم وقد كانت الزياره الأخيره له حيث انتقل إلى رحمة الله بعدها وقد كان ملازما لفراشه لمدة سنه بعد اصابته بالمرض الخبيث اعاذنا الله وإياكم من شره
وصيت ابن ناصر ووصيت زوغان =من اجل ياحامد يجيبوك ليـه
لأني على شوف المحبين شفقان=والله عليم البينه والخفيه
نبغى نجد د عهدنا اللي مضى كان =قدام لا تارد حبال المنيـه
في وسط قلبي للمحبين مســـكان=يبلى بمثلي من يلوّم عليه
لولا المرض ياخوك ماقلت تعبان =لاجيك لونك براس ضبة طفيه
من حكمة المولى ماني بزعــلان=هو خالق آدم من دقايق حصيه
أطلب من المولى فسيحات الجنان=وانه يغفر اللي مضى من خطيـه
وفاته رحمه الله :
توفي رحمه الله في المدينة المنورة بتاريخ 1419/1/24بعد مرض عضال ، ودفن في البقيع
مشاركة من : عبدالمنعم العرادي
للتعديل أو الإضافة آمل كتابة تعليق ليتم ادراجها في الموضوع
