امل الوجار وخلي الباب مفتوح=خوف المسير يستحي ماينادي

يانمر مافي صكة الباب مصلوح=ولاهي بلنا يامضنة فؤادي

ياراكبن ثنتين شقرن بالالوان=شقرن يبيدن النظا بالشليلي

ماهن لفايق كلهن عقب جروان=امعقبه جيلين على ترث جيلي

ينصن سويلم حي من قيل حفيان=وايوصلن العلم ليه عميلي

ترعى القريشع وانت منزلك حيان=ماكن اهلها يلطمون القبيلي

لاتحسب انك بعد ميتة سليمات=ترا المجازا يالحويطي حقيلي

يحرم عليه حضن ميال الاردان=ان كان ماخلي ذودك شليلي

الا ان تبريتم عن القود باديان=دينا تخلص عن رقبة القتيلي

فكيتها منهم بخشم الفتــيله=وخليتهم كل يـفزع طوابــير

هذي هي السنفه وسيل اللحايين=حتى الى انه ضاق صدرك تجيني

ان كان لك ديره ومرباعها زين=انا كمان اشوفها مثل عيني

عند الربوع اللي على الجود عجلين=وجيه لو شان الدهر ماتشيني

خبرتها يوم المواتر بعارين=قبل الكهارب واختلاف السنيني

يوم القلوب اصحاح والناس زينين=والزوم ماخيم على العالميني

حطيت ثالث مع الثنتين=وهذا هو اول غرابيلي

يوم العدو ابنجدنا غــــــــار=عينيك يالدار العـــــــــفيه

اربع عشر واعيار جبــــــار= قامو على تسعين ميـــــه

بارودهم من دق بيــطــــــار= بين الجباده والشريــــــه

قمنا عليهم والدفــــق ثــــــار=اسواة شباب الجــــــــحيه

تسعين من عـــدلات الازوار= بين الابيرق والحنيـــــــه

واميرهم خلوه منعــــــــــــار=وامهارهم منهم شليــــــــه

وشنك لحق من عقب مشوار=عوفيت ياشوق الصـــــبيه

اركا على جبعاه بعيـــــــــار=لاما رمى منهم شليــــــــه

امس الضحى دخن البارود=في خشم حبران بالقنه

قوم انشد الخيل يامسعود=خويهن وين كبنه

الخيل كبن نما واسعود=وثامر جلس يزعج الونه

اللي قعد يومه الماعود=واللي على الهجن جابنه

ياراكبا من فوق حرا يسوفي=ركابه اللي ماينقض كلامه
يمشي من اليره حلي الوصوفي=وابيت ابن شامان نثر علامه
يبغو حلايب مكرمين الضيوفي=امقلط المنسف وينثر يدامه
اول هددكم بالمره والضعوفي=والطايح اللي منجضع في منامه
لو ان ربعي كاملين الصفوفي=كثيركم تنبت عليه العدامه
اول هدد ربعي وعينك تشوفي=اول هدد ربعي تركا سلامه
قامو عليك امطعمين الزروفي=والذود كبيته بليا كرامه
خيالنا من فوق صفرا زهوفي=يضرب على صبوركم في عزامه
عشير بنتن عند اهلها هنوفي=شوق الهنوف اللي تشوح بشامه

رفيقـك اللـي بالمــواقف يخلــيـــك =ما هو الرفيق اللي عليك إحتماله
خليه يسند واديا غير واديك =لا عــــاد مــا تنفــع يمـينه شمــــاله
وإن فاتت الهيه بدابك يناجيك =وده يرقــع عثـــرتـــه من هبــالـــه
هيهات لا فات المقدر دعاويك =الاولــــــه ما تنـــلحق بالسهــــاله
لاعبت ما تدرك مع الناس عانيك =مثــل الـذي تقصـــر عـن الما حباله
مذموم بين الخلق لا حل طاريك =ومـــن يتبـــــع الهـــــين قليـــلن نـواله
لو هو ولدك اليا انحرف عن مباديك =اطــلب من المعبــــود يــــــــــرزق بــداله
لا صار ما هو ماشيا في مراضيك =كبضاعة اللي ما دركت راس ماله
أما الرفيق اللي دواما مصافيك =هـــذاك يعطــى واجبـــه باكتمــــــــاله
لا غيت كنك حاضز الدار كافيك =نطـــــاح للـكـــــــابد بحــــــاله ومـــاله
ماهو من اللي لا فعل طيبه فيك =يستـــــافي المعـــــروف قبـــــل اكتمــــاله
من صار ذا طيبه عطا باغيا ذيك =كصحبــــــة الــــدلال حــــول الـــدلاله
الايحق الجار والضيف ابا وصيك =لا تحتـــمــــل عــوجــــاه قطـــــع حبــــاله

شبيت ناري ماتحريت جــــــــاري=جبنا حطب وابهار والبن جـــــبناه
وسويت فنجالن وفيه الشـــــــقاري =فنجال منقيا عن الحرق ما جـــــاه
حماسه اللي ماقلط له فـــــــشاري= لا منقص بنه ولا امكثرن مـــــاه
والا الثريا طالعه بالمــــــــــحاري= يالله عساها تسقي النجد بامــــــلاه
تسقي بدا وابا القزاز الحـــــــداري=وتاصل ورا اقبيقيب واوجد روحاه
ترعد على السرين وتملا الخباري=وايسيل وادي اشواق للي تلــــــــقاه
وايسيل واد العيص حتن الفجاري=وكل اجنبيا سال واديه والهـــــــــاه
وتسقي بلي هل البيوت الـــمذاري=وابيوتهم للضيف دايم مــــــــــــبناه
سحابها شفا عليهم عصــــــــاري=وهبت قبول وللاجاويد تنـــــــــحاه
تيامنت لنقيع وهاك المــــــحــاري=قفا على حبران واللحف واســــــقاه
انا اطلب الله ماعليه مــــــزاري=من عرض حيا يطلب الرب واعطاه
يالله ترزق موقدين العصــــــاري=اللي يسووا للاجاويد ملــــــــــــــهاه
اطيب من اللي هرجته بالفشاري=ماشاف ماصادف ولا شاف ماخطاه
واطيب من اللي نازلن بالمـذاري=لني لقيت الضيف راعيه ما لقـــــــاه
وان ربعت يقطم قطيم العــشاري=يزرا على اللي باع ضانه ومـــــعزاه
والا على المحلاب وده يـــماري=تقول كنه تذبح الكبش يـــــــــــــــمناه
كنه على نقل الثقيلات ضــــاري=ولكن عمر الضيف ضافه وخــــــلاه

يارازق اللي ينتظر شوفة الطير=وعينه على الاحرار دايم شفوقه
الخير عندك وانت ماتذخر الخير=والعبد يسعى وانت تعطي حقوقه
وجدي على اللي يمنتنوه الصقاقير=مافيه طير بالوصايف يفوقه
ابيض وله عند الصقاقير تقدير=هو منوة الصقار عشقه وشوقه
صارم وجارح باللقا كنه الزير=له هدتن عند الرجال امعشوقه
مخالبه صلبه سواة المسامير=طير الحباري مايعيزه لحوقه
لو انها عن موتها ودها اطير=يجيبها الجارح ولوهي سبوقه
فعله وزينه زاد قدره عن الغير=غلاه في قلبي سكن في عروقه
حنا على شانه مشينا مداوير=والعين لاجله نومها ماتذوقه
جبنا الزريق امع الشبك دون تقصير=وجبنا له البرقع وجبنا سبوقه
ماودنا الا شوفته حزة اعصير=ويسوقه الله في شبكنا يسوقه
واحنا لنا بالصيد خبره وتفكير=نحرص عليه ولا يجي فيه عوقه
والريش نحرص مايجي فيه تكسير=خوفن عليه ايقل سعره بسوقه
وفيه انتباشر بعد كل المخاسير=بشرى السحاب اللي تلامع بروقه
عبرت ما بالقلب ياناس تعبير=يازين شوف الوكر والطير فوقه

---

ياناس خلوني بطبعي به ارتاح=مادام طبعي متفق مع هوايه

حول الدلال امر من قبل الاصباح=والنوم ماهو للاجاويد غايه

ادله بشب النار والبال ينساح=والعمر ماهو دايما له نهايه

شبه عقاب الليل والصبح ماضاح=تدل سراين عن الدار تايه

لافاح ريح البن وابهارها فاح=كيفا لوافين المعاني كفايه

ندله بهم ساعه تعاليل وامزاح=اهل الوفا والجود ماهي دعايه

واللاش لامازح ولاهوبمزاح=ولايرافق الخيال راع الوقايه

في ديرتن عل الحيا فوقها طاح=ديره بها وقت الحمايه حمايه

ايضا بها لمحرك الرجل مسراح=احبها ماطيع ناصح برايه

واليوم كلن له مزاعم ومسباح=وقتا به المالي يدور الولايه

شفت الادامى زاهماتن على البير”=”يوم الزكاه ويوم قطع البراوي
بالوصف يشدن العفارا قشامير”=”ياهل الهوي عزي لقلب الشقاوي
بتله من الخفرات ماهي تعابير”=”جادل رسم باقصى حشايه مكاوي
العين عين امن اوقعن بالمواكير”=”مرقاه طف وللمدالي مهاوي
والقرن ذيل اللي تعج المعاصير”=”او ذيل شقرا بالصرايم تلاوي
والحد وصف اللي تصوغ البواطير”=”يقطع مع اللي يوردون الاهاوي
والشيب عيبني وعقب مغاتير”=”وشيبي يعيضك بالصبي الفتاوي
كم شايبن وان جو ضيوف ومسايير”=”عزمه ولا عزم الردي الغناوي

عشيرة البوينات من عشائر الزباله
اشتهرت بالكرم وتحدث عن ذلك الشعراء قديما بذلك
وقد حصلت على بعض الابيات التي قالها بعض الشعراء

ومنهم الشاعر المعروف معوض التلفيه حيث قال:

على البوينات مرواسي=ربعن كثيرن ترحبها

مع دلتن تقعد الراسي=وامكملاتن مواجبها

عييت يامفلح تسوق البعارين=الى نعام اللي تزايد ربيعه
لورحت في نفسك وقررت بالعين=وكلامنا اللي تسمعه لاتطيعه
حشرتهن يالقرم في خشم عيرين=وانته تعرف المال مثل الوديعه
الارض صارت مثل خضر البساتين=وانته تعيشهن بحزمة صريعه
اما انت بيعهن لناسن محاسين=والا توجهن طريق البديعه

وقد رد الشاعر مفلح سليمان البويني رحمه الله بهذه القصيده:

حي الجواب اللي موزن بتلحين=شرحه مبين والمعاني رفيعه
موزنن من صافي الفكر توزين=مثل الدوا يشفي القلوب الوجيعه
خطك وصل يابن الرجال الكريمين=وعرفت مايحويه خطك جميعه
البل تراها وجهت يوم الاثنين=وصلت نعام وحومت في فريعه
لولا الوعر والضيق به مرتعا زين=لكن هو الفاطر ديارا وسيعه
ويم البديعه روحت عقب يومين=ولقيت ياعواد ديره نفيعه
نباتها يبسط وتفرح به العين=وارتاح قلبي من جمال الطبيعه
ودعتها رب الملا فارض الدين=الواحد اللي كل مسلم يطيعه

واقلبي اللي به هواجيس ترعاه”=”من رعيهن ما يمرح الليل للهالله على فنجال وامقيسا ماه”=”واليا شربته تنتهي كل عله

البن عند اهله تقهويك ثنواه”=”وعند الشوايا مايقهويك كله

تقنع عن الشاوي ليا شفت مبناه”=”بيته كبير ولا يقيلك ظله

مد المديد وشيخنا صار مقداه=ركبو على جرد المهار الاصايل
امصلحاتن للديار المهواه=اللي حموهن ذاهبين الحمايل
اللي خويه لاتقا عنه ينساه=من هوش ربعن فعلهم بالصمايل
الغزو عاب وقامت الخيل تتلاه=لولا ذوي عفنان ماشي مسايل
لحق الامير ولحقت الخيل تتلاه=امقلدين ارماحهم ريش مايل
واللي معادينا ترانا عديناه=يابى الثرا ياهل حميرا القبايل
طاح العقيد وخلو الشمس تنداه=من بندق احمد يوم صارت دبايل
كم طرف عين يوم علمت دفق ماه=يبكونه اللي يم برزا وحايل
شيخا ولد شيخا حباله ترد ماه=امنتعين من الجدود الاوايل

البارحه قلت آه من علة الحشا=من واهجا بالكبد حرق اركونها
من علة باوسط ضميري محلها=عجزو هل الاطباب لاياجدونها
اسبابها لي عشقتن عذبتني=عجزت لا اميز تشابيه لونها
مر تجيني ما ينبغي شوف وجهها=ومر تجيني مكحلات ايونها
ومر تجيني تبتسم لي بضحكها=ومر تجيني كالحات اسنونها
عجزت اميز كذبها من صحيحها=ابغا اتعداها وانا جيت دونها
اللي مونسني وطيب خاطري=على جميع الناس عمت ديونها
مافيه فوق الارض من لاعشقها=وكلن بثوبه شابكات اغصونها
انا نويت انكف ولاني بتبعها=عزي لكم ياربعتن تهتوونها

غارو علينا بلي بالسيف والرمك=وجانا نهارن فيه ضيق اصدورخذيت سيفي ولبست جوختي=وركبت فوق السابق الحشور

محجل الثلاث طلقٍ يمينها=مخبور ما فيها ردى مخبور

كلها لعيني بنات في عربنا تلبّسن=محشّمات وينثرن عطور

يرخن قرون لها مثاني وسوطهن=مثل السفايف يوم تبرى الكور

والله يا لولا حبهن ما فعلنا=وحب الخلايا زاهيات النور

اللي اليا من بركن في محلنا=نملى الصملان منهن والقدور

ويوم فطنا بغرِِّةٍ منا=واليا الخيل مدعيتٍ بهن دبور

وقلت عليهم يا ولاّد المعمر=نياقنا ماعاد بهن مذخور

وحول دونهن جويعد واحتماهن=وضاري في فك النياق الخور

في بندقٍ له يوم يضرب سهمها=تقول نجم ضاربٍ له صور

ياشوق عذراً يوم يبدي وشامها=تقول كتبٍ كاتبه هجور

ضرب خالي وخلّى الضواري تعشّتَه=عساه في جنة بنات الحور

كله على شان هرجاً من الطمع=وعداة من يمشي بهرج الزور

ومن بعدها وأني لأطلق حليلتي=فشرت في قولي وأنا مجبور

كان الدلاله ياحليمه لكم ثار=الله من دينا على الله سداده
جبتو لنا الدمام يضحي على الدار=تقل دبانا طايرا من ابلاده
من حمد ربي فيدكم هدم واحمار=واحنا لنا بديار الاجناب عاده
ياويلكم من طيرنا حين ماطار=اللي قنصنا فيه باول هداده
اذا ضرب بالكف من غير الاظفار=يصبح معلق بالضماير سواده
ماشفت نوره تقشع الثوب بجهار=راحت مفرع عقب طريا الحشاده
جبنا ركايب شيخهم زين الاذكار=ابن رشيد اللي له الطيب عاده
يحرم عليكم بالمسا شبة النار=وانضفكم بالحزم ضف القراده

ياراكب اللي توماعد الاميال=يوم اكمل التمرين غيرت زيته
جمسن مصفح منسرد ماله امثال=ناوي على المشوار يومي شريته
ماجيت اسومه واقفن عند دلال=من بين الوف موقفاتن قنيته
يقطع بعيد الخط وعرات واسهال=لولاي عارف مذهبه ماقديته
يلفي صديق بوادي الكر نزال=يضحك حجاجه حيث لني لفيته
نعما بابو فالح على طيبة البال=يونس الخطار زين اتهليته
يلفي محلن للاجاويد مدهال=شيخا علىساس الاهل قام بيته
ريف المقاوا يوم الارزاق شمشال=وقتن يبور ابه الردي لو نخيته
ولا هو من اللي للسوايات نقال=مع الكرم والجود زين السميته
وابغى قبول العذر ياطيب الفال=اوضحت عذري حالفن ما كميته
اخلفت وعدك والسبب كثر الاعمال=شيا يجول بخاطري ماقضيته
وان كان ربي زاد بالعمر الامهال=لابد ما وفي بعلم حكيته
اللي مضى محفوظ لو راحت اجيال= والله ترا ان اجواركم ما نسيته
ما ينكر المعروف يا كود الانذال=واللاش يخلف هقوتك لانصيته
دنياك يالمحبوب نازل ورحال=كم واحد عقب السفر ما لقيته
واقبل سلامي عد ما واديا سال=واعداد عشبا بالمفالي رعيته
وصلاة ربي عد ماهل همال=على نبيا بالهدا عم صيته

مكه عليها نور والكر به نور=والكر نوره مجلس ابن رخيه
رجال عند البدو والحضر مشهور=ويمدورين الذكر سوون زيه
ان جيت ابو نافل على شعة النور=جاك الفطور وقبله الشادليه
ولوجيت نصف الليل مجلسه مخبور=تلقى الدلال وتاجد النار حيه
والصبح قبل اتقوم والدم منثور=ماتسمع الا مرحبا والتحيه
من ساس ربعن تاخذ الضيف بالدور=اهل الوفا واهل النفوس الصخيه
وانا اشهد اني ماتكلمت بالزور=لو قلت حاتم طي بالجاهليه

يالله يامدعــــــــــي الهبايب يهــبن=من عندك اتنزل لنا المرحمــــــــــيه
هذي سنين(ن)بس ماعمرهن جن=واللي توفى قبلهن واهنـــــــــــــــيه
حنا نهوش وهن علينا يهوشـــــن=هوش المحول عند تال الونيـــــــــيه
والوقت مزري والعشـــاير تثاون=والوقت مزري والمساعر غليـــــــه
نومي لهن من خوف قولة تعـدن=والرزق عندك ياوسيع الثنيــــــــــــه
ياريف قلبي يوم بالغوش يبــــدن=واليا اقبلن يفرح بهن كل غيــــــــــه
والمال يفنى والمقادير يقضــــن=والطيبين اعلومهم دوم حيـــــــــــــــه

قلت آه وارجلي لوهن بلا اوجـــــــاد=وجدي عليهن وجد مظمي على بير
ماصونهن لاقيل للربـــــــــــــع وراد=لاعاضب المسرا بناخ الدنــــــــاقير
ياما لويناهن على خرج واشــــــداد=وياما بدن في عاليات المسابــــــير
وياما بدن في راس عرنان من غاد=على ديار امصلحين الخواويــــــــر
لو خيروني بين جده وبــــــــــــــغداد=والله ما ارضى بالقوايم مخاســــير

البارحه من هاجس القلب محتــــــــار=عيني حربها نومها من شقـــــــاها
بالله يا احمد قوم وقد لي الـــــــــــــنار=وقده تدل اللي غوا في سنــــــــاها
واحضر لي المطلوب من بن وابهـــار=لاتحرق الطبخه وحرصـــك نيــاها
تصرف بنجرن زين حسه ليا عـــــــار=مرسال للي يصتنت في حراهــــــا
واحرس شروب البن خله بمحكــــــار=سته لواحد يوم قايست ماهـــــــــا
بادلال شاميات منوة هل الكــــــــــــار=مطعومهن يجلا عن الكبد داهـــــا
وان كان جوك اهل المعاني بمســيار=الطبخه اللي فايتتهم ابلاهـــــــــــا
صلح لهم فنجال من كف بيطــــــــــار=الاوله يالظفر فايت سناهــــــــــــا
سقها على يمناك عن كشف الاسرار=من خوف شكة خاطراللي ولاهــا
بعدين خصص بالعوايد ليا ســــــــــار=خص الظوامي لين تقطع ضماها
الجود مايقصر من الرزق لاصــــــار=والبخل دلوه ماتحي في ملاهــــــا
لنك خضعت النفس للضيف والجــار=يستر عليك المعتلي في سمـــــاها

ياراكبا ثنتيـن شقـرا بالالـوان=شقرا يبيـدن النظـا بالشليلـيماهن لفايق كلهن عقب جـروان=معقبه جيلن علـى تـرث جيلـي

ينصن سويلم حي من قيل حفيان=وايوصلـن العلـم ليـه عميلـي

ترعى القريشع وانت منزلك حيان=ما كن اهلها يلطمـون القبيللـي

لاتحسبنك بعـد ميتـت سليمـان=ترا المجازا يالحويطـي حقيلـي

يحرم عليه حضن ميـال الاردان=ان كان ماخليـت ذودك شليلـي

الا ان تبريتم عن القود باديـان=دينا تخلص عن رقبـة القتيلـي

وعندما وصلت القصيده للحفيان حضر لابن رفاده
وقال ياطويل العمر والله الناقه ماهي عندي ولا اخذتها هذي عند حفيان الشمال..
قال ترد منه يقولون وفعلا رد الناقه من حفيان الشمال

والقصه اخذتها من رشيد المطرفي رحمه الله

نضرب على دار العدا قد حيلــــه=والعمر في راس القلم حط باكتــــابكلن حضربالقيظ وده نخيلـــــــــه=وحنا نوقف عنــــــــد فــــتاح الابواب

في خبرهن ما نستعيز الدليـــــله=من كثر ما نركب على عوج الارقاب

والهرش حنا اللي طوينا صميله=ذوده نقسمها مصاعيب واركــــــــاب

نخنا لها بين النخل والدبيـــــــله=والخيل طاير عجها عقب الاتعــــــاب

ممدينا من جيده اللـي تخبـرون=وعلى اللبيدي مطلقيـن النظيـرهساقة عقيداً لا مشى تقل مجنـون=يمد من ديـره ويصبـح بديـره

نصبح على كبد العدا تقل طاعون=في جمع كنـه لابـة مستديـره

يا جاهلين بحربنا مـا تعرفـون=البل ليـا حلنـا عليهـا عسيـرة

الوضح أخذناها ونمشي على هون=وعود مكيس وحرها في ضميره

ماهي مغازي قالط اللي تخبرون =ضاف القحم والصبح قاد المغيره

ولا تركبون الخيل لاما تموتـون=والخيل مقناهـا عليكـم معيـره

طليت رجمن والن الليل ممسينـــــــي=.بديار غربه لعل السيل ماجاهـــا
هبت هبوب الشمال وبردها شينـــــي=ماتدفي النار لو حنـــا شعلناهـــا
مايدفي الاحضن مريوشة العينـــــــي=ولياعطشنا شربنا من ثناياهـــــا
هو ليه ماتزعجين الدمع ياعيـــــــني=على هنوفن جديد اللبس يزهاها
ياشبه وضحا تمطرح بين ذودـــــــيني=.وردت على عقلتن ماغثبرو ماها
اضحك مع اللي ضحك والهم طاويني=طيت شنان الروا وان قطرو ماها
اليا صفت ليه اعييده تداويـــــــــــــني=تجيب ليه كحل عيني وتجلاهـــــــا