لعبه paint ball في الرياض

[سعود السرحاني]

لعبه paint ball

فــــــــي الريـــــــاض

اذا جاك واحد جاي من برا المملكه يهايط عليك باللعبة هذي ,, قله بدددددري عليك ,, لأنها الحين صارت موجودة بالثمامة

شرح اللعبة للناس الي ما تعرف شئ عنها :

البينت بولPaintball –

‎هي لعبة تمزج بين الإثارة في اللعب وفن التصويب والصيد . ولكن عوضاً عن اصطياد الحيوانات بالسلاح ،
في البينت بول ، البعض يصيد الآخر بواسطة رامية مزودة بذخيرة من الدهان .

‎لاعبي البينت بول المتمرسين ، يلعبون اللعبة في أماكن مصممة خصيصاً لهذه اللعبة . حيث تحتوي على حدود معروفة وأماكن اختباء يمكن لكل لاعب الاختباء خلفها وأماكن أخرى مفتوحة . كما توجد أيضاً صالات رياضية مغلقة يمكن فيها لعب البينت بول وتكون مزودة بإضاءة مخصصة ومناطق رؤية مناسبة

لمعلومات أكثر ننصح بمراجعة الموقع الرسمي الخاص باللعبة بنهاية التقرير

صراحة اول ماسمعت عنها توقعت انهم يعني مصرفينا باستراحة كذا وحاطين فيها برميلين زبالة وكل واحد يطلق وانتهينا

بس يوم رحت ,, طلع شغل مرررررررررررررتب ,, ميادين رهيبة ,, ومبنى رهيب ,, وحكام ,, وتدريب ,, وخدمه ,, باختصار شي رهههههههههههههههههيب

صح ان الوجيه الي هنا مب زي الوجيه الي برا ,, وهذي يقدرون يهايطون علينا فيها المغتربين
بس اهم شي الاخلاق واهم شي اللعب والفله والبسطه والوناسة وتفقيع الوجيه ,, والحين بخلي الصور تتكلم

هذا المبنى حقهم صورة نهاريه وصوره ليليه وقريبا صوره بعد المغرب :P

http://www.1stpaintball.com/email-pic/6.jpghttp://www.1stpaintball.com/email-pic/7.jpg



وهنا طبعا المدخل حقه ,,, لاتسالوني عن ابو شماغ وش جاي يسوي ,,
بس يمكن والله أعلم مار وشاف المبنى الي كله أنوار كنه ملعب ,, حب يشوف وش السالفة ,,
يعجبني حب الاستطلاع عند السعوديين ,, صح أنه على غير سنع بعض الأحيان ,, بس ميخالف


http://www.1stpaintball.com/email-pic/8.jpg


طبعا بعد ماتسجل ,, ويعطونك ابلكيشن تعبيه ,, يودونك لفلبيني ياخذ مقاساتك ويعطيك البدله الي قدك ,, كل المقاسات موجوده حتى اكس اكس اكس اكس لارج

ويعطيك الخوذه ,, ويقولك تفضل ,, طبعا اذا دخلت تلقى سيب طويل .. فيه اربع ميادين ,, كل ميدان يمكن كبر نص ملعب استاد الملك فهد <<<<< والله من زين الشرح

هذا السيب وفيه ميدان يمينك ,, وميدان يسارك ,, وبعد شوي بنشوف الميادين والفله ,,, والشعب السعودي الزاحف

http://www.1stpaintball.com/email-pic/9.jpg



وهذا السيب الي بين الميدان الثالث والرابع

http://www.1stpaintball.com/email-pic/10.jpg


طيب الحين خلونا نلقي نظرة على الميداين من قرب ,
هذا الأول وأهم شي الباص ,, مابقى الا يجيبون فاندام

http://www.1stpaintball.com/email-pic/11.jpg



وهذا ميدان ثاني

http://www.1stpaintball.com/email-pic/12.jpg


وهذا بعد


http://www.1stpaintball.com/email-pic/13.jpg




طبعا اول ماتدخل ,, ويعطونك الخوذة واللبس , وتلبس وتستعد


يعطونك بعدها المسدس ,, ويجي المشرف يشرح اللعبة وكيف تفوز وكيف تنهزم وكيف تستخدم المسدس وهيك أشياء ,, <<<< اهم شي كيف تنهزم خخخ

هذا الفلبيني المسئول عن المسدسات لابس كمامة ,, لانكم تعرفون جو الرياض العليل ,, بس احسن علشان حرب وغبار تحس انه اكشن من جد
يعني اتحدا ام ام امريكا يقدرون يجيبون اكشن طبيعي زي كذا


http://www.1stpaintball.com/email-pic/14.jpg



وهذا الشاب اللطيف من المركز ,, يشرحلهم اللعبة علشان مايجيبون العيد
وواضح من الابتسامات الشريره للمتسابقين أن كل واحد ناوي للثاني نية قشرا


http://www.1stpaintball.com/email-pic/15.jpg



والحين عاد نبي نشوف التفلت
الشعب السعودي ,, شعب متفلت
حركات وتكتيك وفن
لا والله فلحنا
نبدا وحده وحده

هذا جون ترافولتا الثمامة

http://www.1stpaintball.com/email-pic/16.jpg



أما هذا الجاي تحففففة ,, العدو من خلفكم
يسسسسسمع بالاستراتيجيات ,, لقاله متغبي ورا كومة هالشعير
بس الشرهه مب عليه الشرهه على فريقه الي ماعلموه أن فيه عدو وراه


http://www.1stpaintball.com/email-pic/17.jpg


ولا عاد هذولا ,, يعني أنا أبي افهم وش فايدة الحركة هذي ؟؟؟
قسم بالله أم بي سي تو خرجت لنا محاربين على كيف كيفك



http://www.1stpaintball.com/email-pic/18.jpg



وهذا مفقوووووووووووووووووووووووع وجهة



http://www.1stpaintball.com/email-pic/19.jpg



وهذا عاد أشهر محارب في تاريخ لعبة البينت بول ,, مطلوب للاحتراف خارجيا
ويقولون عليه طلبات كثير علشان ينضم للجيش السعودي


http://www.1stpaintball.com/email-pic/20.jpg



إنبطااااااااااااااااااااااااااااااااااح


http://www.1stpaintball.com/email-pic/21.jpghttp://www.1stpaintball.com/email-pic/22.jpg


الإتحاد قووووووووووة


http://www.1stpaintball.com/email-pic/23.jpg


وهذولا فريق شكلهم صراحة محترفين
اققققققققققققعد ياكيلرز


http://www.1stpaintball.com/email-pic/24.jpg




وهذا فريق ثاني ,, صراحة مع احترامي لهم ,, من أشكالهم واضح انهم يسمعون بشي اسمه بينتبول


http://www.1stpaintball.com/email-pic/25.jpg


وأخيرا فريق أبو عرادة


http://www.1stpaintball.com/email-pic/26.jpg


الي في الرياض يجمع عيال حارتهم ويروح يضحك
والله ترا الشعب السعودي موهوب ,,,
بس يبيلهم من يصقل مهاراتهم ,,
ممكن موهبه زي الصوره الجايه هذي تطلع معكم ,,
ويضمونه لجيش درع الجزيره


http://www.1stpaintball.com/email-pic/27.jpg




خخخخخخخخخخخخخخخخخخخخخ

مكانهم ,, الثمامة
التوصيف للدشير : الدوار الي بعد مقهى الدانة يمين ,, تمشي تقريبا 800 متر يجيك على اليسار


التوصيف للمطاوعة: الدوار الثاني الي عند هرفي بارك الله فيك ,, تلف يمين الله يحفظك ,, تلقاه على يسارك جزاك الله خير


موقعهم على النت : http://www.1stpaintball.com/arabic/ (http://www.1stpaintball.com/arabic/)
وصفحتهم على وجه الكتاب : http://www.facebook.com/1stpaintball (http://www.facebook.com/1stpaintball)

(http://groups.google.co.uk/group/saudi-students-in-birmingham?hl=en?hl=en-GB)




الأسعار :
من السبت إلى الثلاثاء : 185 ريال سعودي
الأربعاء – الخميس – الجمعة : 250 ريال سعودي



























منقــــووووول


يآهـــوو تحفــه هاللي كاتب التقرير

[يااسرالبلوي]

يعطيك العافية حمستنا للموضوع والسبب اسلوبك الرابع ههههههه