مشعل بن مشحن السرحاني
07-19-2011, 12:29 AM
ماهوب كفو الوقت حبك يمحّيه
ياللي تخاف صروف الأيام تمحاه
أرتاح دام أن المواصل يقويه
أنت أنت و أنا أنا وقلبي هو إياه
حتى ولو بتغيب ذكراك تكفيه
يا واحدٍ تكفي عن الناس ذكراه
حُبك على رملة خفوقي مواطيه
و رياح عذلي عَنك ماتمسح خطاه
واللي يعذل القلب عن درب غاليه
يالله عسى اللي يبلا المواليف يبلاه
اخفيه يا بلفيت والحال يبديه
ادناة واحد ينظر الحال يقراه
مخفيه فيه ومعتنيٍ به وحاميه
عن كل عينٍ ودها تنزل حماه
قلبٍ يحبك والهوى الذرب ماليِه
كانك مكذبني بعينك تحلاه
شرط أن تشوفك فيه منت بحواليه
ويمكن تشوف ديار و أماكن رعاه
وتشوف به تمثال والوقت هاريه
وبتشوف زرعٍ ميتٍ واقفٍ ماه
وبتشوف جرحٍ فيه سكين راعيه
راح ونسى السكين والجرح ينخاه
وبتشوف حصنٍ عجّ الأقدار سافيّه
وبتشوف باقي بيت راعيه خلاه
لا تنزعج هذا خفوقي وباقيه
ولا تضايق من تصّدع زواياه
قَد زلزله فرقا وهزه عراويه
والله ستر والحظ عانه وعافاه
كانه صلح لك و أعجبك زيد تبينه
ابنه وجهزّ للمقابيل مبناه
ابغيك بس من المفارق تداريه
و ازهل من يداري شعورك ويدراه
وحلل وحرّم فيه يا أبرك بلاويه
وحله و راع رضاي ورضاك وارضاه
جعلك بعد بعض الوجيه .. امحق وجيه
ناسٍ مراتعها الرفيق بتقفاه
أنواع و أخطر نوع مانيب ناسيه
نوعٍ على تفريق الاثنين مسعاه
تلقاه دوم وكل يومٍ تلاقيه
و إذا بغيت الصدق ماعاد تلقاه
وإلا أنت ردك كُل ما أدعيك لبيه
أنا أشهدٍ ما أنتوا في عيني أشباه
ما أنت بمعى العالم ولا تقولي ليه
أنت أدرى مني وش جوابي وفحواه
كذيه ومن الله يا زين وإليه
و أغلى طروش القلب ودواه من داه
الحلم ياتيني بزولك و أراعيه
وفي كل حلم أقوم قبل اتحفاه
وأعشق سميك في البزارين وادعيه
وأقبل خطاه إليا أخطى واتلقاه
واسمك يروعني إذا مرّ طاريه
وأحب ملقوفٍ يسولف وطراه
وأمرّ بيتك من بعيدٍ ولا اجيه
وأنا لو أنه في يدي ماتعداه
حتى تواير موتري تلتفت فيه
تبغي تلفّ ويستحي العقل والجاه
وصلك يخيط الصدر والبعد يفريه
ويابري حالي كان صديت برياه
ويلي على ادري حبنا ويش تاليه
وويلي على ادري وش ورى الغيب ويلاه
عشان أشوف إذا محبتك ترفيه
والله لاقفي عنك .. استغفر الله
ياللي تخاف صروف الأيام تمحاه
أرتاح دام أن المواصل يقويه
أنت أنت و أنا أنا وقلبي هو إياه
حتى ولو بتغيب ذكراك تكفيه
يا واحدٍ تكفي عن الناس ذكراه
حُبك على رملة خفوقي مواطيه
و رياح عذلي عَنك ماتمسح خطاه
واللي يعذل القلب عن درب غاليه
يالله عسى اللي يبلا المواليف يبلاه
اخفيه يا بلفيت والحال يبديه
ادناة واحد ينظر الحال يقراه
مخفيه فيه ومعتنيٍ به وحاميه
عن كل عينٍ ودها تنزل حماه
قلبٍ يحبك والهوى الذرب ماليِه
كانك مكذبني بعينك تحلاه
شرط أن تشوفك فيه منت بحواليه
ويمكن تشوف ديار و أماكن رعاه
وتشوف به تمثال والوقت هاريه
وبتشوف زرعٍ ميتٍ واقفٍ ماه
وبتشوف جرحٍ فيه سكين راعيه
راح ونسى السكين والجرح ينخاه
وبتشوف حصنٍ عجّ الأقدار سافيّه
وبتشوف باقي بيت راعيه خلاه
لا تنزعج هذا خفوقي وباقيه
ولا تضايق من تصّدع زواياه
قَد زلزله فرقا وهزه عراويه
والله ستر والحظ عانه وعافاه
كانه صلح لك و أعجبك زيد تبينه
ابنه وجهزّ للمقابيل مبناه
ابغيك بس من المفارق تداريه
و ازهل من يداري شعورك ويدراه
وحلل وحرّم فيه يا أبرك بلاويه
وحله و راع رضاي ورضاك وارضاه
جعلك بعد بعض الوجيه .. امحق وجيه
ناسٍ مراتعها الرفيق بتقفاه
أنواع و أخطر نوع مانيب ناسيه
نوعٍ على تفريق الاثنين مسعاه
تلقاه دوم وكل يومٍ تلاقيه
و إذا بغيت الصدق ماعاد تلقاه
وإلا أنت ردك كُل ما أدعيك لبيه
أنا أشهدٍ ما أنتوا في عيني أشباه
ما أنت بمعى العالم ولا تقولي ليه
أنت أدرى مني وش جوابي وفحواه
كذيه ومن الله يا زين وإليه
و أغلى طروش القلب ودواه من داه
الحلم ياتيني بزولك و أراعيه
وفي كل حلم أقوم قبل اتحفاه
وأعشق سميك في البزارين وادعيه
وأقبل خطاه إليا أخطى واتلقاه
واسمك يروعني إذا مرّ طاريه
وأحب ملقوفٍ يسولف وطراه
وأمرّ بيتك من بعيدٍ ولا اجيه
وأنا لو أنه في يدي ماتعداه
حتى تواير موتري تلتفت فيه
تبغي تلفّ ويستحي العقل والجاه
وصلك يخيط الصدر والبعد يفريه
ويابري حالي كان صديت برياه
ويلي على ادري حبنا ويش تاليه
وويلي على ادري وش ورى الغيب ويلاه
عشان أشوف إذا محبتك ترفيه
والله لاقفي عنك .. استغفر الله