محمد عوده القويعاني البلوي
09-23-2011, 03:38 AM
السلام عليكم ورحمة الله وبركاته
.
.
طبتم وطابت اوقاتكم بكل خير
.
.
اعتذر عن ما اشعر به وكأنه عقوق
ولكنه غياب إجباري
.
المشاركه كما اسلفت للوطن والملك وعموم الشعب
واخص من الشعب
المواطن /أحمد عايد
والمواطن /عايد سالم
.
.
البارح الهاجس اللي في سما الفكر حام=طيّر مواعيدي ووقع بمنزالها
لكن له الأولوية عن جميع المهام=ما دام عندي ركابه حطت رحالها
من زود قدره لو اقلّط له أم السنام=يستاهل الوافية وأنا من رجالها
من فضل ربي ومن خيره حزامي حزام=والصعبة الكايده مشروب فنجالها
ما يلفت النظرة ويستاهل الاهتمام=إلا من يطاول العليا ويرقى لها
والشعر سحر البيان اللي يقص العظام=ويليّن القاسية ويغيّر أحوالها
نعمه على من حمدها واتقى واستقام=ثم انتقاء من بديع القول موالها
لا جت من إحساس صادق مثل وبل الغمام=على الوعد صح .. صح لسان من قالها
وانا من القلب أحب وحب ما هو حرام=محبتي للوطن وملوكه لحالها
من باب رد الجميل أنا وكل الكرام=ما نرخص اللي تربينا على رمالها
المملكة حارسة حق ومنارة سلام=من يوم تأسيسها لين أخر أجيالها
منهاجها نور ما يجرا عليه الظلام=تمشي على ضوه ويضوي من خلالها
ومن شافها في زمنها مثل بدر التمام=يقرءا عن الرحلة الغراء من هلالها
من يوم أبو تركي أرساها بحكم ونظام=توجهت للمعالي وانشرح بالها
ولا زال عبد الله يحث الخطاء للامام=والكل خلفه بحال النفس وبمالها
وتبقى السعودية أرض المسجدين الحرام=للمجد متصاعدة والخير يبرا لها
على الهدى والمحبة والعهود القدام=نعمر فجوج الديار ونحتمي جالها
ما نقبل الضيم واللي عندنا ما يضام=هذي حياة الكرام ومبلغ أمالها
البقعة اللي عليها شرع ربي يقام=راع البدع والضلالة ماله ومالها
على العلم كلمة التوحيد فوق الحسام=هي ظلنا القايم الدايم وحنا لها
وافين وصفوفنا ما تقبل الانقسام=ومن بيننا طابت النيات وأعمالها
مدامنا خلف أبو متعب نزيد التحام=ندعس على حيلة الفتنه ومحتالها
ما أبغى أتلكم بشي ما يبي له كلام=يمنى الرجل تغني عن أقواله أفعالها
وهنا ما ني قايل إلا دمتم وكل عام=المملكة بألف نعمه والسعد فالها
.
.
تحياتي
.
.
طبتم وطابت اوقاتكم بكل خير
.
.
اعتذر عن ما اشعر به وكأنه عقوق
ولكنه غياب إجباري
.
المشاركه كما اسلفت للوطن والملك وعموم الشعب
واخص من الشعب
المواطن /أحمد عايد
والمواطن /عايد سالم
.
.
البارح الهاجس اللي في سما الفكر حام=طيّر مواعيدي ووقع بمنزالها
لكن له الأولوية عن جميع المهام=ما دام عندي ركابه حطت رحالها
من زود قدره لو اقلّط له أم السنام=يستاهل الوافية وأنا من رجالها
من فضل ربي ومن خيره حزامي حزام=والصعبة الكايده مشروب فنجالها
ما يلفت النظرة ويستاهل الاهتمام=إلا من يطاول العليا ويرقى لها
والشعر سحر البيان اللي يقص العظام=ويليّن القاسية ويغيّر أحوالها
نعمه على من حمدها واتقى واستقام=ثم انتقاء من بديع القول موالها
لا جت من إحساس صادق مثل وبل الغمام=على الوعد صح .. صح لسان من قالها
وانا من القلب أحب وحب ما هو حرام=محبتي للوطن وملوكه لحالها
من باب رد الجميل أنا وكل الكرام=ما نرخص اللي تربينا على رمالها
المملكة حارسة حق ومنارة سلام=من يوم تأسيسها لين أخر أجيالها
منهاجها نور ما يجرا عليه الظلام=تمشي على ضوه ويضوي من خلالها
ومن شافها في زمنها مثل بدر التمام=يقرءا عن الرحلة الغراء من هلالها
من يوم أبو تركي أرساها بحكم ونظام=توجهت للمعالي وانشرح بالها
ولا زال عبد الله يحث الخطاء للامام=والكل خلفه بحال النفس وبمالها
وتبقى السعودية أرض المسجدين الحرام=للمجد متصاعدة والخير يبرا لها
على الهدى والمحبة والعهود القدام=نعمر فجوج الديار ونحتمي جالها
ما نقبل الضيم واللي عندنا ما يضام=هذي حياة الكرام ومبلغ أمالها
البقعة اللي عليها شرع ربي يقام=راع البدع والضلالة ماله ومالها
على العلم كلمة التوحيد فوق الحسام=هي ظلنا القايم الدايم وحنا لها
وافين وصفوفنا ما تقبل الانقسام=ومن بيننا طابت النيات وأعمالها
مدامنا خلف أبو متعب نزيد التحام=ندعس على حيلة الفتنه ومحتالها
ما أبغى أتلكم بشي ما يبي له كلام=يمنى الرجل تغني عن أقواله أفعالها
وهنا ما ني قايل إلا دمتم وكل عام=المملكة بألف نعمه والسعد فالها
.
.
تحياتي