خيالة بلي
10-14-2011, 04:33 AM
قصيدة للشاعر/مرزوق الروقي
*
ناظري دورة زمنا ويش سوت فينا.!
كيف كنا فأول العِشره وكيف اصبحنا ؟؟
**
كيف كانت بهجة الأيام ملك يدينا
وكيف صارت ذكريات أيامنا تجرحنا!!
**
كيف جابتنا الليالي .. ليتنا ماجينا
وكيف ودتنا الصوادف ..ليتنا ما رحنا
**
واعذابي كيف نقدر نرجع لماضينا ؟؟
لو خسرنا المقبلات ..يسدنا مربحنا !
**
(ماضي الايام) عن باقي العمر مكفينا !
كل ماهبت هبايب ذكرياته(نحنا)...
**
به ضحكنا ملي دنيانا وبه غنينا
وبه حذفنا الكون كله خلفنا وارتحنا
**
مع بعض نضحك على وقتٍ عجز يبكينا
كنه إليا مرنا بالموجعه .. يفرحنا !!
**
لا افترقنا فالضحى ميعادنا لا امسينا
ولا افترقنا فالمسا ميعادنا لا اصبحنا
**
ولا سكن ليل البشر .. حنا سرا سارينا
وسط خلق الله وكنه ما حدٍ يلمحنا
**
نبحر ببحرٍ نهاياته بليا مينا
بين الامواج نتهزع كنه يمرجحنا
**
ونتبع الهبه، وكم هبه بغت تغوينا
وآه من هبه غوينا يومها تلفحنا
**
و(دارت الدنيا) علينا واظهرت خافينا
وانتبهنا من مقادير الفراق .. و (صحنا)
**
ثم بغينا الوصل يرجع والخطى تهدينا
و الخطى ضاعت ..وحنا للوصل ما افلحنا !!!
**
وقلت لك شوفي زمنا ويش سوا فينا ؟؟
وقلتي اكتمها بصدرك قبل (لا تفضحنا)!!
دمتم برضا الرحمن
*
ناظري دورة زمنا ويش سوت فينا.!
كيف كنا فأول العِشره وكيف اصبحنا ؟؟
**
كيف كانت بهجة الأيام ملك يدينا
وكيف صارت ذكريات أيامنا تجرحنا!!
**
كيف جابتنا الليالي .. ليتنا ماجينا
وكيف ودتنا الصوادف ..ليتنا ما رحنا
**
واعذابي كيف نقدر نرجع لماضينا ؟؟
لو خسرنا المقبلات ..يسدنا مربحنا !
**
(ماضي الايام) عن باقي العمر مكفينا !
كل ماهبت هبايب ذكرياته(نحنا)...
**
به ضحكنا ملي دنيانا وبه غنينا
وبه حذفنا الكون كله خلفنا وارتحنا
**
مع بعض نضحك على وقتٍ عجز يبكينا
كنه إليا مرنا بالموجعه .. يفرحنا !!
**
لا افترقنا فالضحى ميعادنا لا امسينا
ولا افترقنا فالمسا ميعادنا لا اصبحنا
**
ولا سكن ليل البشر .. حنا سرا سارينا
وسط خلق الله وكنه ما حدٍ يلمحنا
**
نبحر ببحرٍ نهاياته بليا مينا
بين الامواج نتهزع كنه يمرجحنا
**
ونتبع الهبه، وكم هبه بغت تغوينا
وآه من هبه غوينا يومها تلفحنا
**
و(دارت الدنيا) علينا واظهرت خافينا
وانتبهنا من مقادير الفراق .. و (صحنا)
**
ثم بغينا الوصل يرجع والخطى تهدينا
و الخطى ضاعت ..وحنا للوصل ما افلحنا !!!
**
وقلت لك شوفي زمنا ويش سوا فينا ؟؟
وقلتي اكتمها بصدرك قبل (لا تفضحنا)!!
دمتم برضا الرحمن