خــــــــــــط الشمـــــــــــــال [الأرشيف]

خيالة بلي

12-13-2011, 02:39 AM

,,,

خـــط الـشـمـال .. وحِـسـبـة الـكــاف والـمـيـم

بـالـلـوحـه الــلـــي تـحــمــل حـــــروف وأرقـــــام

وصـمـت الطـريـق .. ولـفـحـة الـريــح لـلـديـم
وتـعـلـيـقــة الــنــظــره .. وخـــــــدران الأقـــــــدام

وعــــزف الـمـطــر طــــول الـسـفــر للتـقـاسـيـم
لا دنـــــدن بـلــحــنٍ تـســاقــط عــلـــى الـــجـــام

وبــــرد الـشـتــا .. والـهـمـهـمـه .. والـتـرانـيــم
مــن هيجـنـة نـجـد ٍ .. إلــى ميجـنـة شـــام

كـــل مـــا طـــرا لـــي شـــي مــــن هالمـفـاهـيـم
قـلـت : الله أكـبـر .. يــا حـلـو ذيـــك الأيـــام

أيـــام .. تُــطــوى مــــن صــــدر كــــل تـقـويــم
لــكــنــهـــا فـــالـــبـــال عـــــــــام ٍورى عــــــــــام

كـــنــــت آتــعــنّـــا .. بــالــلــيــال الـمـجــاهــيــم
لصويـحـب ٍ لــي عـنــده آمـــال .. وأحـــلام

مـلـهـوف أشــوفــه .. لـهـفــة الــقــاع لـلـغـيـم
وامــرفـــرف ٍ بــالــشــوق رفـــرفـــة الأعــــــلام

وفـي داخـلـي رغـبـه .. وفـرحـه .. وتصمـيـم
أســـبــــق عـــلــــى داره رهــيــفـــات الأنـــســــام

و(السـيـن) فــي فـكـري تـبـي فـزعـة (الجـيـم)
مــــن غــــزوة جــيــوش الـهـقــاوي والأوهـــــام

وشـوفــي نــطــح نــــاس ٍ لـفـونــي مـقـاديــم
وقــلـــبـــي قــــبــــل لا نـــاصـــلـــه راح قـــــــــدّام

وإلـــيـــا وصـــلـــت لــــــدار بـــنـــت الأكـــاريــــم
الـــلـــي لـــهـــا تــبــكــي الــنــواظــر والأقـــــــلام

بـــــدت مـــعـــي لاْحـــبـــاب قــلــبــي مــراســيــم
من شوق .. وعتاب .. وسواليف .. وهيام

وأسـمّــعــه حـــــرف ٍ كـتـبـتــه وأنـــــا مــقــيــم
يـــومـــه بــعــيــد الــــــدار .. والــعــالــم نْـــيـــام

وأنــســـى بـقــربــه لــوعـــة الــبُــعــد والــضــيــم
والـخــوف .. والـحـيـره .. وهــمّــي .. والآلام

وقـــت ٍ مـضــى .. لــكــن عــلــيّ الـمـلازيــم

مــن كـثـر مــا يـطـري عـلــيّ .. كـنّــه الـعــام

,,

,,

رااااقت لخاطري