عرادات فيهم خير , وعلومهم سفرِه

[عبدالله المعيقلي]

تحيّه طيبه وبعد:
..
إحدى قصائدي في أمسية حفل الهشيّمات لتكريم
المتفوّقين والمتفوّقات من أبناء وبنات قبيلة بلي
واللتي أقيمت في محافظة العلا
..


....


أنا يارفيق الخير ,, ماتردّني سُفره

أجي لابتي لو كان أسافر لهم سَفرَه
.
دعوني على علمٍ يحثّ النوايا البِيض

عرادات فيهم خير , وعلومهم سفرِه
.
ولبّيه ياربعي ,,,, وانا كان مالبّيت

ياظُلم الرفيق بحقّ ربعه ,,,, وياكُفره
.
سلامي على ربعي أعمّه وأخصّ رجال

نباهم يسرّ القلب ,,,, وايمانهم ضفرِه
.
سلامي على حمّاد ورجال مع حمّاد

رقوا للمعالي ,,, وأكثر الناس محتفرِه
.
يطوفون للتكريم ,,, والله مكرّمهم

عساهم قبول إليا وجبت ساعة النفره
.
محبّة رفاقتهم ,, نَمت منهم وفيهم

وحقّ الرفيق بشهقة الصدر والزفره
.
زحول النقا والطيب والعزّ والناموس

وفا , والوفا جينات , يامحلّل الشفره
.
وهم للرفيق ,,وقالوا الناس بالأمثال

ترى الآدمي ,, ماحكّ جِلده مثل ظفره
.
تعيش العرب في خير ماهي بـتستغني

عن علوم تسقي مِمحل البيد مع قفرَه
.
أقوله بـ حفلٍ يبهج الخاطر المحزون

وانا معيقليٍّ ,,يقدح الشعر من وفره

[مقرن البلوي]

صح السانك الشاعر :عبدالله المعيقلي
قصيدة جميلة

[سعود السحيمي]

صح لسانك ولاهنت يالغلا

[مشعل بن مشحن السرحاني]

صح لسانك على هالقصيدة الرائعة............

[عبدالله سليمان الوحيشي]

مااااااااااااافي جديد
سوى الابداع
صح لسااااااانك اخوي عبدالله
ويستاهلون الهشيمات
ودام وجودك

[بدر سليمان الرموثي]

سلامي على ربعي أعمّه وأخصّ رجال

نباهم يسرّ القلب ,,,, وايمانهم ضفرِه


انعم واكرم , ونعم فيهم والله

وصح لسانك يالغلااااا


كُن بخير دومآ

[عايد السميري]

ونعم بالعرادات


وبكــ يابو لمار



وسلمت ودمت بهذا الحظور المشرف ياعبدااله



تحياتي

[بن صقير]

صح السانك ويعطيك العافيه