رشيد البلوي
11-06-2005, 04:39 PM
السلام عليكم ورحمة الله وبركاته
وكل عام وأنتم بخير
ومن العايدين الفايزين
بمناسبة عيد الفطر والأضحى مدامنا بين العيدين
جيت بعد رحلة قنص وسباق بل وأنا مشتاق للمنتدى واعضائه ومشرفينه ومميزينه
وأن شاء الله يكون الجميع بخير وعيدوا عيدن زين وبقولكم عن موقف صار لي منذ مبطي
هو يعني ماهو مبطي بالحيل تقدر تقول ابو سنتين او ثلاث
في ليلة من ليالي العيدوتحديداٌفي ثاني أيام العيد اتصل علي واحد من شلة الأستراحه
أخبرني ان الشباب مجتمعين في الاستراحه كما جرت العاده ، قلت يا ولد فرصه نسلم على الشباب ونعيد عليهم
و أشوف كان عندهم عيديه اخذناها لأن آخر مره عطاني أحد عيديه كانت عام 1415 ومن عقبها صراحه
وانا كل عيد أحس بحسره لأني بدون عيديه .
المهم اني رحت للشباب ودخلت الاستراحه وسلمت وسولفت وعيدت وكل شي
ويوم تأخر الوقت قررت اني أروح لبيتنا قبل أبو هيثم ما يفقدني >>>>>>>>>>> اسم الدلع للوالد
رحت لبيتنا ووصلت تقريباً في حوالي الرابعه صباحاً وفتحت باب البيت ودخلت وأنا أختل .....
وتوي داخل الا ويقابلني أبو هيثم عند الدرج ويخزني بعينه وبعدها السؤال المعهود وهو (( وين داج بهالليوله ؟
قلت : ابد والله بس رحت مع الشباب يوزعون الضحايا وتونا خالصين !!!
الوالد قلبها براسه شوي وقال لي: بس ما تلاحظ يالهبود ان الضحايا بعيد الضحيه مهي بعيد الفطر
وبصراحه يوم قال ابوي ( ما تلاحظ ) حسيت انه يمون وان حنا خلاص نصلح انا وياه نصير اخويا
المهم سمعت السؤال وجاو بت وقلت : الاملاحظ بس المشكله ان كل الاعذار قلتها لك ومابقى الا هالعذر <<<<< ما ودكم انه يسولف
المهم وبعد وقت من المشاورات والروحات والجيات قرر الوالد وبما لا يدع مجالاً للشك انه يطبق قانون مجلس الأمن رقم خمستالاف وشوي واللي كان يتوعدني به من زمان وهو طردي من البيت غير مأسوف علي >>>> يا حسره على شبابي
المهم تونا بنقاشات وبلاوي الا وتنزل امي من فوق صاحيه ودها تصلي الفجر وانا اللي يوم شفتها الا وتتجدد الآمال
لدي وصرت العب بفرصتين الفوز والتعادل لأني عارفن أنها حنونه وبتفزع مع وليدها
لكن الوالده الله يهديها قلبت علي مع ابوي كقلبة النصر على لجنة التحكيم
افا والله ليه يمه وش شفتي مني يا الغاليه؟
ردت علي امي وقالت: ما شفت منك شي بس ما تجيب خبز الا عقب الشقا وتسهر لين الفجر ولا تعبي غاز ولا تجيب اخوانك من المدرسه مساكين كل يوم داقينها رجليه وغيرها الكثير تبي اسرد لك بعد ؟؟
بصراحه بالرغم من اني تضايقت الا ان كلمة اسرد لك اعجبتني واللتي كانت وبلا شك تنم عن ثقافة والدتي الله يحفظها
وانا اللي التفت واسألهم : طيب وش الحل ؟؟
رد ابوي بعد مشاورات مضنيه مع الوالده كنهم بوش ورايس قائلاً : بعد مشاورات مع امك قررنا ما هو آتي /
أولاً : رح نم عند اللي جيت منهم
ثانياً : مافيه ثانياً انقلع الحين
وانا اللي ارجع مطأطأ الراس للاستراحه ومن محاسن الصدف ان اجد بعض الشباب لا يزالوا >>>فعل مضارع مجزوم بحذف النون ما أدري ليه ماسكه معي بقوه من بعد ما أكملت في النحو
و بالاستراحه متواجدين وانا ادخل واسلم واجلس اشرح لهم حالتي من طقطق الى أنقلع الحين
فسألني واحدن منهم وقال :طيب وش المطلوب الحين ؟
قلت لهم :هي وحده من الثنتين يا اروح انام عند واحد منكم يا تخلوني انام بالاستراحه .قالوا لي : تروح عند احد شلها من مخك اما الاستراحه ترانا ما لنا فيها من كل اسبوع الا هاليوم
قلت طيب والحل ؟؟
فقال لي واحد من الشباب وكان اشدنا ذكاء مع أنه من جنبها مالك الا تاخذ الخيمه وتغزها عند مسجد العيد
قلت : طيب هالخيمه عمود والا عمودين ؟؟؟
قالوا لي : وانت وش يهمك خذها واحمد ربك بعد اننا فزعنا معك .
قلت : انا عارف اني باخذها بس حبيت اسأل كانها عمود فأنا بنام فيها وبس وكانها عمودين بقسم نصين و بحط القسم الثاني مطبخ او اني بأجره
المهم الشباب ما قصروا فزعوا معي ووحطيت على الخيمه يافطة أوسكار يرحب بكم
وما جت الساعه سبع الا وانا باني خيمتي عند بيتنابأرض برحه جمب بيتنا بالضبط المهم خلصت من خيمتي ونمت وعندما استيقظت رحت وجبت لي غدا وتغديت وبعدها طلعت قلت اتمشى بغرض التعرف على الجيران مع اني اعرفهم من اول ، درت بسيارتي لين دخت واروح للخيمه اضبط العشا بعد ما قلبت النصف الثاني من الخيمه مطبخ
سويت عشاي وتعشيت ونمت على أمل يستجد شي الصبح ..........
راحت الايام وانا ما بين هالخيمه والا اتنقل بسيارتي بين هالشوارع حتى طفشت من جد وتمنيت ارجع لبيتنا ، صح عندي خيمه وامي كل يوم ترسل لي عشره مع اخوي الصغير وابوي ما يدري وافطر بالعشره واعبي بنزين ولكن ولو اشتقت لتصفيق اخواني واشتقت لتشويت ابوي لي واشتقت لكل شي ببيتنا
المهم وفي احد الاوقات كان ابوي طالع يصلي العصر وانا اللي احاول اكسب وده وقمت وشغلت مسجل السياره وحطيت اغنية (( بابا فين )) قلت يمكن يسمعها ويحن علي ويشملني العفو
وفعلاً حدث ما توقعت وجا ابوي بتجاه خيمتي الموقره وانا الضحكه ماليه شدقي << مثقف
وصل ابوي وعلى نقزتي ودي أحب راسه واوقع معه معاهدة الصلح الا ويستقبلني بذاك الكف وهو يقول : مشغلن اغاني وقت الصلاة بعد ؟؟
وديور وراح للمسجد وهويناقر ويسخط ومدري وش يقول .
جلست كم يوم وانا مدري وش اسوي قلت ما في غير أوسط ابو جيرانا وفعلا بعد جهود مضنيه وحب خشوم
ودخول اكثر من شخص في هالمعمعه وافق ابوي ارجع لبيتنا وعلى مضض بعد ، وبصراحه يوم رجعت لبيتنا حسيت براحه نفسيه رهيبه .... بس الشي الوحيد اللي فقدته هو نومة الخيمه ما كان احد يزعجني
وسلامتكم
وكل عام وأنتم بخير
ومن العايدين الفايزين
بمناسبة عيد الفطر والأضحى مدامنا بين العيدين
جيت بعد رحلة قنص وسباق بل وأنا مشتاق للمنتدى واعضائه ومشرفينه ومميزينه
وأن شاء الله يكون الجميع بخير وعيدوا عيدن زين وبقولكم عن موقف صار لي منذ مبطي
هو يعني ماهو مبطي بالحيل تقدر تقول ابو سنتين او ثلاث
في ليلة من ليالي العيدوتحديداٌفي ثاني أيام العيد اتصل علي واحد من شلة الأستراحه
أخبرني ان الشباب مجتمعين في الاستراحه كما جرت العاده ، قلت يا ولد فرصه نسلم على الشباب ونعيد عليهم
و أشوف كان عندهم عيديه اخذناها لأن آخر مره عطاني أحد عيديه كانت عام 1415 ومن عقبها صراحه
وانا كل عيد أحس بحسره لأني بدون عيديه .
المهم اني رحت للشباب ودخلت الاستراحه وسلمت وسولفت وعيدت وكل شي
ويوم تأخر الوقت قررت اني أروح لبيتنا قبل أبو هيثم ما يفقدني >>>>>>>>>>> اسم الدلع للوالد
رحت لبيتنا ووصلت تقريباً في حوالي الرابعه صباحاً وفتحت باب البيت ودخلت وأنا أختل .....
وتوي داخل الا ويقابلني أبو هيثم عند الدرج ويخزني بعينه وبعدها السؤال المعهود وهو (( وين داج بهالليوله ؟
قلت : ابد والله بس رحت مع الشباب يوزعون الضحايا وتونا خالصين !!!
الوالد قلبها براسه شوي وقال لي: بس ما تلاحظ يالهبود ان الضحايا بعيد الضحيه مهي بعيد الفطر
وبصراحه يوم قال ابوي ( ما تلاحظ ) حسيت انه يمون وان حنا خلاص نصلح انا وياه نصير اخويا
المهم سمعت السؤال وجاو بت وقلت : الاملاحظ بس المشكله ان كل الاعذار قلتها لك ومابقى الا هالعذر <<<<< ما ودكم انه يسولف
المهم وبعد وقت من المشاورات والروحات والجيات قرر الوالد وبما لا يدع مجالاً للشك انه يطبق قانون مجلس الأمن رقم خمستالاف وشوي واللي كان يتوعدني به من زمان وهو طردي من البيت غير مأسوف علي >>>> يا حسره على شبابي
المهم تونا بنقاشات وبلاوي الا وتنزل امي من فوق صاحيه ودها تصلي الفجر وانا اللي يوم شفتها الا وتتجدد الآمال
لدي وصرت العب بفرصتين الفوز والتعادل لأني عارفن أنها حنونه وبتفزع مع وليدها
لكن الوالده الله يهديها قلبت علي مع ابوي كقلبة النصر على لجنة التحكيم
افا والله ليه يمه وش شفتي مني يا الغاليه؟
ردت علي امي وقالت: ما شفت منك شي بس ما تجيب خبز الا عقب الشقا وتسهر لين الفجر ولا تعبي غاز ولا تجيب اخوانك من المدرسه مساكين كل يوم داقينها رجليه وغيرها الكثير تبي اسرد لك بعد ؟؟
بصراحه بالرغم من اني تضايقت الا ان كلمة اسرد لك اعجبتني واللتي كانت وبلا شك تنم عن ثقافة والدتي الله يحفظها
وانا اللي التفت واسألهم : طيب وش الحل ؟؟
رد ابوي بعد مشاورات مضنيه مع الوالده كنهم بوش ورايس قائلاً : بعد مشاورات مع امك قررنا ما هو آتي /
أولاً : رح نم عند اللي جيت منهم
ثانياً : مافيه ثانياً انقلع الحين
وانا اللي ارجع مطأطأ الراس للاستراحه ومن محاسن الصدف ان اجد بعض الشباب لا يزالوا >>>فعل مضارع مجزوم بحذف النون ما أدري ليه ماسكه معي بقوه من بعد ما أكملت في النحو
و بالاستراحه متواجدين وانا ادخل واسلم واجلس اشرح لهم حالتي من طقطق الى أنقلع الحين
فسألني واحدن منهم وقال :طيب وش المطلوب الحين ؟
قلت لهم :هي وحده من الثنتين يا اروح انام عند واحد منكم يا تخلوني انام بالاستراحه .قالوا لي : تروح عند احد شلها من مخك اما الاستراحه ترانا ما لنا فيها من كل اسبوع الا هاليوم
قلت طيب والحل ؟؟
فقال لي واحد من الشباب وكان اشدنا ذكاء مع أنه من جنبها مالك الا تاخذ الخيمه وتغزها عند مسجد العيد
قلت : طيب هالخيمه عمود والا عمودين ؟؟؟
قالوا لي : وانت وش يهمك خذها واحمد ربك بعد اننا فزعنا معك .
قلت : انا عارف اني باخذها بس حبيت اسأل كانها عمود فأنا بنام فيها وبس وكانها عمودين بقسم نصين و بحط القسم الثاني مطبخ او اني بأجره
المهم الشباب ما قصروا فزعوا معي ووحطيت على الخيمه يافطة أوسكار يرحب بكم
وما جت الساعه سبع الا وانا باني خيمتي عند بيتنابأرض برحه جمب بيتنا بالضبط المهم خلصت من خيمتي ونمت وعندما استيقظت رحت وجبت لي غدا وتغديت وبعدها طلعت قلت اتمشى بغرض التعرف على الجيران مع اني اعرفهم من اول ، درت بسيارتي لين دخت واروح للخيمه اضبط العشا بعد ما قلبت النصف الثاني من الخيمه مطبخ
سويت عشاي وتعشيت ونمت على أمل يستجد شي الصبح ..........
راحت الايام وانا ما بين هالخيمه والا اتنقل بسيارتي بين هالشوارع حتى طفشت من جد وتمنيت ارجع لبيتنا ، صح عندي خيمه وامي كل يوم ترسل لي عشره مع اخوي الصغير وابوي ما يدري وافطر بالعشره واعبي بنزين ولكن ولو اشتقت لتصفيق اخواني واشتقت لتشويت ابوي لي واشتقت لكل شي ببيتنا
المهم وفي احد الاوقات كان ابوي طالع يصلي العصر وانا اللي احاول اكسب وده وقمت وشغلت مسجل السياره وحطيت اغنية (( بابا فين )) قلت يمكن يسمعها ويحن علي ويشملني العفو
وفعلاً حدث ما توقعت وجا ابوي بتجاه خيمتي الموقره وانا الضحكه ماليه شدقي << مثقف
وصل ابوي وعلى نقزتي ودي أحب راسه واوقع معه معاهدة الصلح الا ويستقبلني بذاك الكف وهو يقول : مشغلن اغاني وقت الصلاة بعد ؟؟
وديور وراح للمسجد وهويناقر ويسخط ومدري وش يقول .
جلست كم يوم وانا مدري وش اسوي قلت ما في غير أوسط ابو جيرانا وفعلا بعد جهود مضنيه وحب خشوم
ودخول اكثر من شخص في هالمعمعه وافق ابوي ارجع لبيتنا وعلى مضض بعد ، وبصراحه يوم رجعت لبيتنا حسيت براحه نفسيه رهيبه .... بس الشي الوحيد اللي فقدته هو نومة الخيمه ما كان احد يزعجني
وسلامتكم