بدر الالبد
11-25-2005, 12:26 AM
السلام عليكم ورحمة الله وبركاته
الالفيه المشهوره لي الشاعر ابن عمار
اتمنى ان تحوز على رضاكم واعجابكم
الـف اولـف مـن كـلام نظيفـى =ودموع عينى فـوق خـدى ذريفـى
من لامني فـى حـب ذاك الوليفـى =دقاق رمش العين سيـد الخونـدات
خونـدات ياللـى مابعـد عاشرنـه =قلـة تراهـن بالهـوى يذبحـنـه
قلبـى وقلبـك يالمـولـع خـذنـه =عزيل من مثلـى تعـرض للافـات
الباء بليت بحب خلى علـى مـاش =ولا حصلى منـه مايبـرد الجـاش
غديت انا وايـاه طاسـه ومنقـاش =بالوصف كنـه يالمعـزى سلامـات
سلامـات للـي هــم يذكـرونـه =يبغى المعزه منـه وهـى المهونـه
يقول طيـب مـار غـارت عيونـه =سبب ولدكم واحـد صابـه و مـات
التاء تبعت الزيـن والزيـن مقفـي =أمشي وحتفى شايلـه فـوق كتفـى
لا شفـت مجـدول وكتـف وردفـي =ما أقوى التفت لو طوحولى بالاصوات
أصوات قالـوا يـا هبيـل وسايـح =طرد المقفـي يالشقـاوى فضايـح
قلت ماطعت اشوارهـم والنصايـح =مثل المطر فوق السحـال المكفـات
الثاء ثمـان حـب رمـان طايـف =أو قحويان فـى ريـاض عطايـف
متنفـل بالزيـن سيـد العفـايـف =عمهوجة فيها من الحـور شـارات
شارات فيها مـن ظبـي الحمـادي =هـى لـذة الدنيـا وغايـة مـرادي
من يوم قفى صويحبي من بـلادي =عليه جاوبت الحمامـه بالاصـوات
الجيم جانى مـن عشيـري كلامـي =ولا لقينـا مـن يـرد السـلامـي
علية زرع القلـب هايـف وظامـي =مالي جدى كـود البكـاء والتنهـات
ابكي على ما فاتني مـن زمانـى =يوم الحبيـب زارنـي فـى iكانـى
وراى ما خذت القضـا يـوم جانـى =تـوى دريـت البيـض فيهـن رات
الحـاء حليـه بالوطـن مالقيـتـه =عدلـت قلبـي عنـه ولا قويـتـه
لـوه يذكـر يـم أمريكـا نصيتـه =أنصاه لـو بينـي وبينـة مسافـات
مسافات فى وسط البحور الظلامـي =فى وسط منـدوس حـداه الولامـي
والى حصـل لـى بلـوغ المرامـي =أصبر ولوهو فى بحـور الظلامـات
الخاء خليلـى صـار منـى قريبـي =جعلى نصيب له وهو مـن نصيبـي
ودي أواجـه نـور عيبنـى حبيبـي =مـار الوحيـد اللـي فيـه وهـات
مافيه نوهات ولو من غثـاء البـال =دب امشي طول النهار عمال بطـال
ولا استراح البال عن ذيك الاحـوال =دنياك هذى ياأريش العيـن نشبـات
والـدال دامـي ماقضبـت الذوايـب =لوقيل لك طيـب فـلا نيـب طايـب
دنوا استاد القبـر ودنـوا النصايـب =دنوا دوات الحبـر نكتـب سجـلات
سجلات أريد أكتـب لخلـي وصيـه =عمري غدى ياوجـد أهلـى عليـه
قولوا لصافى اللون يعطـف عليـه =كود يرجـع ويتحسـف بمـا فـات
الـذال ذالـى عنـه مـدة ليـالـى =لو قيل لك طيب فانا ابخص بحالـى
والله مايطـري علـى شـف بالـى =الا انت ياراعي الثمـان الرهيفـات
ارهيفـات فيهـا للمشقـا طـرابـه =مجمـول مدلـول ولابـة طنـابـه
ياليت من يدخـل معـة فـى ثيابـه =واسج أنـا وايـاه بالعمـر سجـات
الـراء ردوف صويحـبـي ثقلـنـه =مثومنن مـا احلـى بياضـه وفنـه
ونهـود للثـوب الحمـر شلعـنـه =والساق فيها مثل عـرق الارطـات
ارطـات غرمـول ذرتـه الـذواري =والله يالـولاى مـن النـاس اداري
لضوي عليها مثل ذيـب العـذاري =جايع وعياله بالمغابـه مجيعـات
الزاء زمانى شفت منـه الهوايـل =لعـاد حظـي بالغنـاديـر مـأيـل
وراي ما اترك كـل قاصـر وطايـل =مار العقل ياذيـب هيهـات هيهـات
هيهـات لـو ان العقـل فيـة لبـه =ماكـان يتبـع واحـد مـا يحـبـه
لصـار هرجـه لـك خريـط يدبـه =وش لك بشوفه بالعيون المشقـات
السيـن سلمـت الدراهـم وعـيـا =واللي نبي من صاحبـي مـا تهيـا
يقـول والله لـو تحـب الثـريـا =خذنى على السنه تشوف الطرابـات
طرابات ينسنـك جميـع الدروبـي =يكود فـى باقـى حياتـك تتوبـي
اجعل مقرك بيـن جلـدى وثوبـي =حتى تشوف البيض فيهـن جنـات
الشين شاب الراس ياعذب الانيـاب =واللي برجوى توبتـه ذاك قـد تـاب
لي حاجةٍ يا زين بس افتـح البـاب =يرحمنـي اللـي عالـم بالخفيـات
يرحمني اللي فيـك يازيـن مفتـون =من حبك أسهر والخلايـق ينامـون
الهيتنى عن مذهب اللـى يصلـون =معاد أميز ولـو قـران التحيـات
الصاد صيدى يـوم الايـم غريمـى =شفق على الحبه ولمس البريمـى
مهـوب صيـدى قلـة بالحريمـى =مار كل له من البيـض مشهـات
مشهـات فيـك ياظبـي الفـريـدى =حب العرب ينفص وحبـك يزيـدى
لشفتـك ذاك هـو يــوم عـيـدى =تصبح بساتيـن الضمايـر مريفـات
الضـاد ضـد حـال بينـى وبينـه =يقـول هـذا صـانـع لاتبيـنـه
عسى الولى يبلاه فى صبـي عينـه =عساه يسهر مـن الليـل ساعـات
ساعـات يسهـر مايـدل الجـداره =ولا يعرف الليـل هـو مـن نهـاره
عساه يوم البعـث يحشـر حمـاره =محمل من حمل الاسـراف سيـات
الطاء طويت اليـاس والسـد باحـى =معـاد لـى شـف فظبـى البياحـى
لعلهـا هفـت خفـوق الجناحـى =اللى اسبوقه فـوق رجلـه مطـوات
امطـوات طـار فـى يـوم هبـه =راعيـه لـو رز اللـوا ماينـبـه
شـاف الحبـارى رابضـات بحبـه =يبغى العشـاء مـن فخـذ وتنـدات
الظاء ظحانى يالمشقـى بالاثنيـن =لازم تخلـى عشرتـه يامسيكـيـن
والـى ابتغـى بالمرابـط حصانيـن =يجى لهـن هـز ولـز وصقـلات
صقلات يصقل كـل ماجـا طعامـه =يجرى لهن عـن المعيشـه بحامـه
افهـم كلامـى يالهبيـل العدامـه =الى جمعت الحصن فالحصن خطرات
العين عن من ينقل الهـرج حـذراك =تـراك كنـك شايـل داك بـرداك
والى سمع له هرجة مـن حكايـاك =يحطهـا مثـل القصـور المبـنـات
يبـن عليهاكـبـر راس الغـرابـه =ويكدر المشروب عقـب الطرابـه
وهـو يشابـه بومـة فـى خرابـه =لا ناقل هرجـه ولا كفـو هرجـات
الغين غاب العقـل بـاول شبابـي =وأدميت من تلعات الاركـاب نابـي
واليوم شاب الراس والكيـف طابـي =مانى عن الفايت كثير الحسوفـات
احسوفات لاتفرح على اللي يجى فيك =ايضا ولا تندم على اللي عدى منك
مدراك لو هو واجب صدتـه عنـك =ناهيك والى العرش رب السمـوات
الفـاء فـؤادك لاتولـيـه حـسـاد =واحذر يجى لك مع هل الفى مقعاد
اضحك وكنك عن جميع العرب صـاد =ثم اعتبر بالذيـب يضـوى بغـارات
يضوى بغارات وهم مـا دروا بـه =واللي يوقـف بالمحـارى حكوبـه
كم واحد وقـف ولا قضـى نوبـه =يكسر الى شاف الطعم كنـه حـدات
القاف قـل للـى يريـد النواميـس =واللى شقا بالهوا يرخـى الكيـس
والى جمعت النفس والفلس وابليس =يطيـح نـاس يدعـون الديـانـات
طاحوا وصاروا للخلايـق علاجـه =يلقاهم راع الهوى قضـى حاجـه
والى نثرت الحب جتـك الدجاجـه =حارت وباضت لو تبى عشر بيضات
الكاف كن السد فى كـل الاحـوال =واحذر لسانـك لايقولـون ذا قـال
حتى تجي عند العرب خوش رجـال =لا صرت بالمجلس نواظرك صقلات
صقلات لاتجلس مع اللـى يشاكيـك =هـو علتـك ودواك هلـى يشانيـك
ياذيب كان الله على الرشـد هاديـك =أكتـم كلامـك بالضلـوع المحنـات
الـلام ليـت العمـر ينكـس لحلـه =قيمة ثلاثين السنـه هـى محلـه
الرجـل قبـل الشيـب ياحلـو دلـه =وان لاح فيه الشيـب مافيـة لـذات
مافـيـة لــذات ولا يقـبـاونـه =لو حط له رده وكحـل فـى عيونـه
أهل الهوى عقب الغـلا ينكرونـه =لره مصافيهـم فـى فايـت فـات
الميم ماغيري مـن النـاس جـرب =وما غيري أحد فـى حياتـه تطـرب
لاويت صافى اللون فوق المضـرب =كن العدو عينى عيونـه مـداوات
امداوات جعله ما يجى لى عبـاره =واللي يصد عنك وش لـك بكـاره
الحذر مـا ياطـا بوسـط الحبـاره =لازم يجى فيهـا عفاريـت حيـات
النون نام الحـظ ولا فيـه حيلـه =عيا يبارينى وانـا أزريـت أشيلـه
من يوم خلانى عريـض الجديلـه =دليت أكسر فى حشا الصدر عبرات
عبرات اكسرهـا بداخـل اضلوعـى =عليـك ياخلـى حسيـن الطبوعـى
دين القطع ما قـط جفـت دموعـى =دايم عيونىفى مهـاواك سهـرات
الواو ويل أهل الهوى من هواهـم =وان كان هلى سم حالـى وطاهـم
كم ليلـة يصبـح جفيـف عشاهـم =الا لقيمـات مـع الحلـق مـرات
مرات لين أقضي من الترف شفـى =ووسـده عضـدى وزنـدى وكتفـى
وأكشف على اللـى وارم ومتخفـى =حتى يجى للاكـل والشـرب لـذات
الهاء هـواى الخافيـه يـا فطينـى =والعاشره ياللى تعـرف الرطينـى
كلامـى مـا ودى بـعـد يبيـنـى =وقولى محمود وما يجى فيـه نيـات
نيات مات القلب مـن كثـر همـى =واشكى عليك الحـال ياولـد عمـى
حيثك سنادى وانـت لحمـى ودمـى =ترضاه يجفانى ولا نيـب مجفـات
الى حلف حبه صلف ومراقده كلـف =لو هو يتمم مطلبي كان اقول الـف
حيثه يقرر لى على الحـب بالعـرف =والا فغيره لو يبـى عشـر بيـزات
بيـزات تبغـا ونفلهـا للـفـراش =راسه مثـل الظبـي مابـه عـراش
الا النادى ذاك لاهـن علـى مـاش =هذاك من لـه فلوسـي رخيصـات
الالفيه المشهوره لي الشاعر ابن عمار
اتمنى ان تحوز على رضاكم واعجابكم
الـف اولـف مـن كـلام نظيفـى =ودموع عينى فـوق خـدى ذريفـى
من لامني فـى حـب ذاك الوليفـى =دقاق رمش العين سيـد الخونـدات
خونـدات ياللـى مابعـد عاشرنـه =قلـة تراهـن بالهـوى يذبحـنـه
قلبـى وقلبـك يالمـولـع خـذنـه =عزيل من مثلـى تعـرض للافـات
الباء بليت بحب خلى علـى مـاش =ولا حصلى منـه مايبـرد الجـاش
غديت انا وايـاه طاسـه ومنقـاش =بالوصف كنـه يالمعـزى سلامـات
سلامـات للـي هــم يذكـرونـه =يبغى المعزه منـه وهـى المهونـه
يقول طيـب مـار غـارت عيونـه =سبب ولدكم واحـد صابـه و مـات
التاء تبعت الزيـن والزيـن مقفـي =أمشي وحتفى شايلـه فـوق كتفـى
لا شفـت مجـدول وكتـف وردفـي =ما أقوى التفت لو طوحولى بالاصوات
أصوات قالـوا يـا هبيـل وسايـح =طرد المقفـي يالشقـاوى فضايـح
قلت ماطعت اشوارهـم والنصايـح =مثل المطر فوق السحـال المكفـات
الثاء ثمـان حـب رمـان طايـف =أو قحويان فـى ريـاض عطايـف
متنفـل بالزيـن سيـد العفـايـف =عمهوجة فيها من الحـور شـارات
شارات فيها مـن ظبـي الحمـادي =هـى لـذة الدنيـا وغايـة مـرادي
من يوم قفى صويحبي من بـلادي =عليه جاوبت الحمامـه بالاصـوات
الجيم جانى مـن عشيـري كلامـي =ولا لقينـا مـن يـرد السـلامـي
علية زرع القلـب هايـف وظامـي =مالي جدى كـود البكـاء والتنهـات
ابكي على ما فاتني مـن زمانـى =يوم الحبيـب زارنـي فـى iكانـى
وراى ما خذت القضـا يـوم جانـى =تـوى دريـت البيـض فيهـن رات
الحـاء حليـه بالوطـن مالقيـتـه =عدلـت قلبـي عنـه ولا قويـتـه
لـوه يذكـر يـم أمريكـا نصيتـه =أنصاه لـو بينـي وبينـة مسافـات
مسافات فى وسط البحور الظلامـي =فى وسط منـدوس حـداه الولامـي
والى حصـل لـى بلـوغ المرامـي =أصبر ولوهو فى بحـور الظلامـات
الخاء خليلـى صـار منـى قريبـي =جعلى نصيب له وهو مـن نصيبـي
ودي أواجـه نـور عيبنـى حبيبـي =مـار الوحيـد اللـي فيـه وهـات
مافيه نوهات ولو من غثـاء البـال =دب امشي طول النهار عمال بطـال
ولا استراح البال عن ذيك الاحـوال =دنياك هذى ياأريش العيـن نشبـات
والـدال دامـي ماقضبـت الذوايـب =لوقيل لك طيـب فـلا نيـب طايـب
دنوا استاد القبـر ودنـوا النصايـب =دنوا دوات الحبـر نكتـب سجـلات
سجلات أريد أكتـب لخلـي وصيـه =عمري غدى ياوجـد أهلـى عليـه
قولوا لصافى اللون يعطـف عليـه =كود يرجـع ويتحسـف بمـا فـات
الـذال ذالـى عنـه مـدة ليـالـى =لو قيل لك طيب فانا ابخص بحالـى
والله مايطـري علـى شـف بالـى =الا انت ياراعي الثمـان الرهيفـات
ارهيفـات فيهـا للمشقـا طـرابـه =مجمـول مدلـول ولابـة طنـابـه
ياليت من يدخـل معـة فـى ثيابـه =واسج أنـا وايـاه بالعمـر سجـات
الـراء ردوف صويحـبـي ثقلـنـه =مثومنن مـا احلـى بياضـه وفنـه
ونهـود للثـوب الحمـر شلعـنـه =والساق فيها مثل عـرق الارطـات
ارطـات غرمـول ذرتـه الـذواري =والله يالـولاى مـن النـاس اداري
لضوي عليها مثل ذيـب العـذاري =جايع وعياله بالمغابـه مجيعـات
الزاء زمانى شفت منـه الهوايـل =لعـاد حظـي بالغنـاديـر مـأيـل
وراي ما اترك كـل قاصـر وطايـل =مار العقل ياذيـب هيهـات هيهـات
هيهـات لـو ان العقـل فيـة لبـه =ماكـان يتبـع واحـد مـا يحـبـه
لصـار هرجـه لـك خريـط يدبـه =وش لك بشوفه بالعيون المشقـات
السيـن سلمـت الدراهـم وعـيـا =واللي نبي من صاحبـي مـا تهيـا
يقـول والله لـو تحـب الثـريـا =خذنى على السنه تشوف الطرابـات
طرابات ينسنـك جميـع الدروبـي =يكود فـى باقـى حياتـك تتوبـي
اجعل مقرك بيـن جلـدى وثوبـي =حتى تشوف البيض فيهـن جنـات
الشين شاب الراس ياعذب الانيـاب =واللي برجوى توبتـه ذاك قـد تـاب
لي حاجةٍ يا زين بس افتـح البـاب =يرحمنـي اللـي عالـم بالخفيـات
يرحمني اللي فيـك يازيـن مفتـون =من حبك أسهر والخلايـق ينامـون
الهيتنى عن مذهب اللـى يصلـون =معاد أميز ولـو قـران التحيـات
الصاد صيدى يـوم الايـم غريمـى =شفق على الحبه ولمس البريمـى
مهـوب صيـدى قلـة بالحريمـى =مار كل له من البيـض مشهـات
مشهـات فيـك ياظبـي الفـريـدى =حب العرب ينفص وحبـك يزيـدى
لشفتـك ذاك هـو يــوم عـيـدى =تصبح بساتيـن الضمايـر مريفـات
الضـاد ضـد حـال بينـى وبينـه =يقـول هـذا صـانـع لاتبيـنـه
عسى الولى يبلاه فى صبـي عينـه =عساه يسهر مـن الليـل ساعـات
ساعـات يسهـر مايـدل الجـداره =ولا يعرف الليـل هـو مـن نهـاره
عساه يوم البعـث يحشـر حمـاره =محمل من حمل الاسـراف سيـات
الطاء طويت اليـاس والسـد باحـى =معـاد لـى شـف فظبـى البياحـى
لعلهـا هفـت خفـوق الجناحـى =اللى اسبوقه فـوق رجلـه مطـوات
امطـوات طـار فـى يـوم هبـه =راعيـه لـو رز اللـوا ماينـبـه
شـاف الحبـارى رابضـات بحبـه =يبغى العشـاء مـن فخـذ وتنـدات
الظاء ظحانى يالمشقـى بالاثنيـن =لازم تخلـى عشرتـه يامسيكـيـن
والـى ابتغـى بالمرابـط حصانيـن =يجى لهـن هـز ولـز وصقـلات
صقلات يصقل كـل ماجـا طعامـه =يجرى لهن عـن المعيشـه بحامـه
افهـم كلامـى يالهبيـل العدامـه =الى جمعت الحصن فالحصن خطرات
العين عن من ينقل الهـرج حـذراك =تـراك كنـك شايـل داك بـرداك
والى سمع له هرجة مـن حكايـاك =يحطهـا مثـل القصـور المبـنـات
يبـن عليهاكـبـر راس الغـرابـه =ويكدر المشروب عقـب الطرابـه
وهـو يشابـه بومـة فـى خرابـه =لا ناقل هرجـه ولا كفـو هرجـات
الغين غاب العقـل بـاول شبابـي =وأدميت من تلعات الاركـاب نابـي
واليوم شاب الراس والكيـف طابـي =مانى عن الفايت كثير الحسوفـات
احسوفات لاتفرح على اللي يجى فيك =ايضا ولا تندم على اللي عدى منك
مدراك لو هو واجب صدتـه عنـك =ناهيك والى العرش رب السمـوات
الفـاء فـؤادك لاتولـيـه حـسـاد =واحذر يجى لك مع هل الفى مقعاد
اضحك وكنك عن جميع العرب صـاد =ثم اعتبر بالذيـب يضـوى بغـارات
يضوى بغارات وهم مـا دروا بـه =واللي يوقـف بالمحـارى حكوبـه
كم واحد وقـف ولا قضـى نوبـه =يكسر الى شاف الطعم كنـه حـدات
القاف قـل للـى يريـد النواميـس =واللى شقا بالهوا يرخـى الكيـس
والى جمعت النفس والفلس وابليس =يطيـح نـاس يدعـون الديـانـات
طاحوا وصاروا للخلايـق علاجـه =يلقاهم راع الهوى قضـى حاجـه
والى نثرت الحب جتـك الدجاجـه =حارت وباضت لو تبى عشر بيضات
الكاف كن السد فى كـل الاحـوال =واحذر لسانـك لايقولـون ذا قـال
حتى تجي عند العرب خوش رجـال =لا صرت بالمجلس نواظرك صقلات
صقلات لاتجلس مع اللـى يشاكيـك =هـو علتـك ودواك هلـى يشانيـك
ياذيب كان الله على الرشـد هاديـك =أكتـم كلامـك بالضلـوع المحنـات
الـلام ليـت العمـر ينكـس لحلـه =قيمة ثلاثين السنـه هـى محلـه
الرجـل قبـل الشيـب ياحلـو دلـه =وان لاح فيه الشيـب مافيـة لـذات
مافـيـة لــذات ولا يقـبـاونـه =لو حط له رده وكحـل فـى عيونـه
أهل الهوى عقب الغـلا ينكرونـه =لره مصافيهـم فـى فايـت فـات
الميم ماغيري مـن النـاس جـرب =وما غيري أحد فـى حياتـه تطـرب
لاويت صافى اللون فوق المضـرب =كن العدو عينى عيونـه مـداوات
امداوات جعله ما يجى لى عبـاره =واللي يصد عنك وش لـك بكـاره
الحذر مـا ياطـا بوسـط الحبـاره =لازم يجى فيهـا عفاريـت حيـات
النون نام الحـظ ولا فيـه حيلـه =عيا يبارينى وانـا أزريـت أشيلـه
من يوم خلانى عريـض الجديلـه =دليت أكسر فى حشا الصدر عبرات
عبرات اكسرهـا بداخـل اضلوعـى =عليـك ياخلـى حسيـن الطبوعـى
دين القطع ما قـط جفـت دموعـى =دايم عيونىفى مهـاواك سهـرات
الواو ويل أهل الهوى من هواهـم =وان كان هلى سم حالـى وطاهـم
كم ليلـة يصبـح جفيـف عشاهـم =الا لقيمـات مـع الحلـق مـرات
مرات لين أقضي من الترف شفـى =ووسـده عضـدى وزنـدى وكتفـى
وأكشف على اللـى وارم ومتخفـى =حتى يجى للاكـل والشـرب لـذات
الهاء هـواى الخافيـه يـا فطينـى =والعاشره ياللى تعـرف الرطينـى
كلامـى مـا ودى بـعـد يبيـنـى =وقولى محمود وما يجى فيـه نيـات
نيات مات القلب مـن كثـر همـى =واشكى عليك الحـال ياولـد عمـى
حيثك سنادى وانـت لحمـى ودمـى =ترضاه يجفانى ولا نيـب مجفـات
الى حلف حبه صلف ومراقده كلـف =لو هو يتمم مطلبي كان اقول الـف
حيثه يقرر لى على الحـب بالعـرف =والا فغيره لو يبـى عشـر بيـزات
بيـزات تبغـا ونفلهـا للـفـراش =راسه مثـل الظبـي مابـه عـراش
الا النادى ذاك لاهـن علـى مـاش =هذاك من لـه فلوسـي رخيصـات