عباس سواق باص بنات الجامعة..؟؟

[ماجد سليمان البلوي]

عباس سواق باص بنات الجامعة..؟؟


عباس سواق الباص..
شاب باكستاني أسمر شعره ناعم وطويل..
كل يوم يودي البنات ويجيبهم من الجامعه..
يحب الأغاني الهندية..
يحط المسجل على أعلى صوت..
يصفق ويهز قبل ما يمر شكرية..
ما يوطي صوت المسجل إلا إذا مر على شكرية..
بنت ملتزمه شكرية..
البنات ما يحبوا شكرية..
لأنها تكتِم عليهم ولا تخليهم يغنون مع عباس أغانيه الهندية
.............................. ......
البنات يسولفوا في الباص ويضحكوا بصوت عالي شوية..
كل وحده منهم معاها جوال وسماعة إذن إلا المسكينة شُكرية..
فاتن في يدها الجوال وتصيح من آخر الباص وتقول:
إرسليلي رسالة حلوة يا صفية..
صفية ترد وتقول:
أبشري بس تراها وسخه شوية..
عبير وبدرية جنب بعض ..
بدرية توشوش عبير وتقول:
لو عباس يقشر يطلع ميه الميه..
قمر..
بنت ماصخه وأمها هندية..
تجيب الأشرطة لعباس وتقعد ترقص في غياب شكرية
وحده من البنات إسمها حورية..
كانت مع نفس الباص ..
كانت من البنات إللي يكشفون على السواق لأنو من دوله أجنبية..
ومافي مانع يقفلون الستاير..ويشوفهم عباس لأنو ما يفكر في أذيّه!
المهم..
عباس كان مُعجب وطايح عند حورية..
صار يوصلها أخر وحده وهي ما تمانع عن حُسن نيه..
أخينا عباس صار يضبط المرايا على حورية؟؟
ما لاحظت حورية..
وصارت تعطيه وجه وتتكلم معاه عادي وبكل حُريه..
.............................. ................
في يوم من الأيام..
راح عباس للمكتبة..
واشترى كرت من كروت الحب كهدية..
حطه في ظرف واهداه لحورية؟؟!!
حورية بهباله أخذت الظرف وسألته:
وش بوسطه يا عباس حاط ليّه؟؟؟؟؟
قال عباس:
بوسطه فاتورة لقلب مال أنا ..خُذيه وبكرة أعطيني رأيك فيّا؟؟؟؟؟؟؟
جاء عباس اليوم الثاني متعطر ومحلق ولابس كوفيّه..
.............................. .................
جا عباس اليوم الثاني..
دق الجرس على حورية..
وعلى غير عادة ما ردت البنت الجامعية..
مشي عباس وراح يمر البقية..
منهم عبير وصفية..
عبير استغربت وسألت عباس وين حورية؟؟
قال:
ماردت..امكن مسكينة قاعدة طول الليل تفكر فيّة..
قالت صفية:
أما هذي يا عباس والله قويّة..
.............................. ................
البنات قاعدين يسولفون مع عباس بكل حرية..
وحط لهم شريط قبل ما يمر شكرية..
وصّل البنات للكلية..
ورجع ياخذهم في الظهرية..
في موقف الباصات..
جاء واحد يسأل:
فين عباس سواق الباص ؟؟
نقز عباس وقال:
أنا سواق الباص..
خير انت ايس يبغى فيّة؟
الرجال صفع عباس كف طيرله الكوفية..
ورد عباس ليه انت يسوي كذا فيّة؟؟؟
أعطاه كف ثاني وضربة راس..وقام مع عباس السواقين..
نواز وعبدالغفار تعاونوا مع عباس على زوج حورية!!!
ضربوه وأوجعوه ..
قهر الرجال أعمى زوج حورية؟
راح يجري لسيارته..
أخذ مفتاح العجل..
ضرب عباس على راسه ضربة قوية..
طاح عباس..
والدم يسيل تحت كفر الباص ..
نقلوه للمستشفى..
وهناك مات عباس بسبب كرت حورية؟؟؟
أماالزوج..
الحين مسجون.. ينتظر الإعدام بسبب إستهتار حورية!!
.............................. .................... ......
هذي قصة عباس بنهايتها التراجيدية..
بس باقي نعرف وش اللي صار مع حورية؟؟
وليه ما ردت على الجرس وما راحت الكلية؟؟؟؟؟
ياترى قالت لزوجها عن الكرت أو إيش اللي صار في الفجرية؟؟؟
حورية بعد ما أعطاها عباس الكرت..
طلعت البيت وقراته وما أخذت الأمر بجدية!!
تغدت مع زوجها وارتاحوا بعد الظهر شوية..
طبعا الكرت الحين في شنطتها اليدوية..
كان مقصدها ترجعه لعباس.. مع كلمتين تهزيئية؟
العادة زوجها يحط مفتاح البيت في شنطتها وهو رايح العمل بعد الفجرية....
تنبه لصورة قلب على كرت مكتوب عليه( من عباس مع التحية)
الرجال غِلي راسه..وراح لزوجته معمي ما يدري وش القضية؟؟
صحاها من نومها بعصبية..
سألها عن الكرت وتلعثمت حورية؟؟
ضربها..
وقال الحمدالله لسه ما جاني منك ولد أو بنيّه..
روحي وانتي بالثلاث طالق..ياحوريّة..
إنهارت حورية..
وصارت تصيح بحالة هستيرية..
الله لا يعيدك يا عباس انت والباص..
وسلامتكم
تحيات
ماجد البلوي