رشيد البلوي
12-03-2005, 03:44 AM
س1
مقدمة المسلسل موسيقى تصويريه
يا راعي البرقع تقصر ابممشاك &&&&& لا تجعل الخطوه برجلك سريعه
يا صاحبي ما شفت مثلك وحلياك &&&&& نشري غلاكم يا الغضي ما نبيعه
7
7
وفي الصوره شاب لابسن له ثوب به ست أزره والقرون على متونه ( شعره طويل )
ومتحيزم بثوبه ومتعيصب بشماغه
ومعه شوزر ( بندق صيد ) وسلقيه وراه ( كلب صيد ) وقاعدن له براس رجم ( جبل صغير )
ويدربل على راعية غنم تحوش غنمها بعجله ( تمشي بسرعه )
وتبدأ الأن أحداث الحلقه الثالثه :
ــــــــــــــــــــــــــــــــــــــــــــــــــ ـــــــــــــــــ
فرسان الشيخ موسى متجمعين حول النار ................ زيدان : يا ترى وش علمك يا رشا وقام يتوجد ويقصد
عديت قمة البرقا
قوقل ما غير يحرث بالنار وألتفت لرشيد وقال : يا خوي حلمت لي حلم البارح عساه يكون خير
رشيد : خير ..... خير ان شا الله
قوقل : حلمت اني طٌبحت لي بغدير وطلعت منه وانا أسحب لي بقره لكن وش بقره ! ! عيونها كبار ووساع
واشوف انها مشت معي شوي وعقب أحرنت وجيت ودي أدفها عشان تمشي وهي ترفسني ذيك الرفسه
وانا أنقز ولني صاحي وما دري وش تفسير هالحلم .
حماد : الله يغربلك يا قوقل كيف لك نفس بالنوم والحلووم وانت مقيد
زيدان : يا حماد خل عنك قوقل وحلومه هذا لو البندق براسه غير ينام ما يهمــم من شي .
عادل العبيلي : شف انا اللي بعلمك الغدير وقعتنا مثل ما انت شايف والبقره الجوال اللي نكبنا
رشيد : وانا اقول ان الغدير زواجك يا قوقل والبقره هي المزيونه خطيبتك وحرنتها تعرفها بعد الزواج
وتتعالى ضحكات الفرسان على هالتفسير
المشهد الثاني
ــــــــــــــــــــــــــــــــــــــــــــــــــ ـــ
بشق الرجال والشيخ ابو اسامه يطالع بوجوه فرسان موسى وقام ينشدهم واحد واحد
عن احوال عربهم
وعدد فرسانهم ومرعاهم وحلالهم ولكن ما بهم اللي اعطاه العلم الوافي
فأحب الشيخ وفائهم لشيخهم وعربهم وقال يا الربع تراني أعجبني وفائكم وأخلاصكم لعشيرتكم
وقررت اني ازوج واحد منكم بنتي العنود على سنة الله ورسوله
وأشر على زيدان وقال وش رايك ؟
زيدان : والله ودي يا بو اسامه ونسبك ما ينكره ........... بس قلبي متعلق بهوى غزالن شاردن من عربنا
وكان الله قسم لنا عوده ما أبدي عليها حليلتن لي .
طيب وانت يا هاذا واشر على قوقل ؟
قوقل : والله يا شيخ اني توني حالمن لي ببقره أتهبل من جمالها وأظنها بديرتنا المزيونه
وانت يا راعي الدباب !
حماد : والله يا طويل العمر قربك ينشرى بالمال ...... بس انا متزوج لكن كان ودك مسيار تم
الشيخ : مالك لوا يا هالوجه العلوم هاذي ما هي عندنا
واشر على رشيد والغضب بعيونه وقال : شف لو تقول عذر انت الثاني والله والله غير أفرغ هالبندق بروسكم
صدق وجيه فلس ما تنعطون وجه
رشيد بينه وبين نفسه >>>>>>>>> الأمر لله اخذ العنود واللي الله كاتبه يصير
موافق يا شيخ
الشيخ : زين على بركة الله يا ولد يا توصل زكن على العرب الفرح القابله
تواصل : ابشر ياعم
مشهد ثالث
ــــــــــــــــــــــــــــــــــــــــــــــ
بدت العرب اتجهز للفرح اللي انحدر لتبوك يتقضى واللي راح العلا يجيب الطباخين وماطور الكهرب
واللي جلس يحطب واللي ورد يجيب الماء واللي راح يزكن على منيف والاعمى
وفي يوم الفرح نحروا خمس من الابل وثلاثين خروف وتيسين
والحريم يتحفلن للزواج ومن العصر يجن كل ثنتين او ثلاث مع بعض يسمـــــــــــــــــــرن :
يا طويـــــــــــــــــــــــــــب الفـــااااااااااااااا لي
اللي معها اسحله بها سمن واللي بها مريسه واللي بها رز واللي بها لبن
والرجال كلن جاب قويدته معه اللي جاب قعود واللي جاب خروف والي جاب كيس رز واللي جاب كيس
سكر وكلن ما جوده
ومع غيبة الشمس وبعد ما وجهت الرعيان والحلال مرًح وتحوشت المعازيم و بعد ما صلوا صلاة الاخير ( العشاء )
قلطوا الصياني وصحون العشا والشيخ ما غير يلكز رشيد بكوعه : علامك مسرح حي بالناس على العشا
وبعد العشا بدا الرفيحي وينطلق منيف بـــــ : يا لا لا ه ويا لا لا ه &&&& يا لا لاه ويا لا لاه
مرحبن فيكم في حفلة رشيد &&&& مرحبن بمن حضر ومن لفو
مرحبن بالقريب وبالبعيد &&&& مرحـــبن بكم بنقــــرة الجــــــو
رد الاعمى : البقا يا راعي الراي السديد &&&& عجلوا علي بعلومكم عجلو
يا هل الحفل لعله ســـــعيد &&&& باركوا معي لهم باركـــــــو
وبعدها بدا الشباب بالسامري :
يسقيك يا سدرة الغرمول يسقيك &&&& من مزنتن هلت الما عقربيه
وطيت انا الداب واسنانه مشاويك &&&& والله كفاني من اسباب المنيه
واثناء ذلك زهم الشيخ ابو اسامه على بدر الالبد والرقيقيص والجذلي واحمد عبد الله وابن سليما ن
وقال لهم زفوا رشيد الين توصلونه عند خيمة العروس وان عجزكم نادوا له البلدوزر
ويدخل رشيد على عروسه وهي جالسه بوسط الخله>>>>>>> غرفة النوم
ما غير عيونها تلاقط على ضو الفانوس
رشيد مهموم وغصب تطلع الهرجه منه : مساك الله بالخير يا بنت الاجواد
العنود بصوت حنون : مساك الله بالنور
رشيد يتلفت وما يدري وش يقول وطول وهو واقف
العنود : اقول يا الأجودي تكصمت اعظامك وانت مشصب ما ودك تقرب
رشيد : لا أقرب ولا تقربين مني الا أذا .......................
يتبع أن اعجبتكم الحلقه
وسلامتـــــــــــــــــــــــــكم أخوك اوسكار الهرفي
مقدمة المسلسل موسيقى تصويريه
يا راعي البرقع تقصر ابممشاك &&&&& لا تجعل الخطوه برجلك سريعه
يا صاحبي ما شفت مثلك وحلياك &&&&& نشري غلاكم يا الغضي ما نبيعه
7
7
وفي الصوره شاب لابسن له ثوب به ست أزره والقرون على متونه ( شعره طويل )
ومتحيزم بثوبه ومتعيصب بشماغه
ومعه شوزر ( بندق صيد ) وسلقيه وراه ( كلب صيد ) وقاعدن له براس رجم ( جبل صغير )
ويدربل على راعية غنم تحوش غنمها بعجله ( تمشي بسرعه )
وتبدأ الأن أحداث الحلقه الثالثه :
ــــــــــــــــــــــــــــــــــــــــــــــــــ ـــــــــــــــــ
فرسان الشيخ موسى متجمعين حول النار ................ زيدان : يا ترى وش علمك يا رشا وقام يتوجد ويقصد
عديت قمة البرقا
قوقل ما غير يحرث بالنار وألتفت لرشيد وقال : يا خوي حلمت لي حلم البارح عساه يكون خير
رشيد : خير ..... خير ان شا الله
قوقل : حلمت اني طٌبحت لي بغدير وطلعت منه وانا أسحب لي بقره لكن وش بقره ! ! عيونها كبار ووساع
واشوف انها مشت معي شوي وعقب أحرنت وجيت ودي أدفها عشان تمشي وهي ترفسني ذيك الرفسه
وانا أنقز ولني صاحي وما دري وش تفسير هالحلم .
حماد : الله يغربلك يا قوقل كيف لك نفس بالنوم والحلووم وانت مقيد
زيدان : يا حماد خل عنك قوقل وحلومه هذا لو البندق براسه غير ينام ما يهمــم من شي .
عادل العبيلي : شف انا اللي بعلمك الغدير وقعتنا مثل ما انت شايف والبقره الجوال اللي نكبنا
رشيد : وانا اقول ان الغدير زواجك يا قوقل والبقره هي المزيونه خطيبتك وحرنتها تعرفها بعد الزواج
وتتعالى ضحكات الفرسان على هالتفسير
المشهد الثاني
ــــــــــــــــــــــــــــــــــــــــــــــــــ ـــ
بشق الرجال والشيخ ابو اسامه يطالع بوجوه فرسان موسى وقام ينشدهم واحد واحد
عن احوال عربهم
وعدد فرسانهم ومرعاهم وحلالهم ولكن ما بهم اللي اعطاه العلم الوافي
فأحب الشيخ وفائهم لشيخهم وعربهم وقال يا الربع تراني أعجبني وفائكم وأخلاصكم لعشيرتكم
وقررت اني ازوج واحد منكم بنتي العنود على سنة الله ورسوله
وأشر على زيدان وقال وش رايك ؟
زيدان : والله ودي يا بو اسامه ونسبك ما ينكره ........... بس قلبي متعلق بهوى غزالن شاردن من عربنا
وكان الله قسم لنا عوده ما أبدي عليها حليلتن لي .
طيب وانت يا هاذا واشر على قوقل ؟
قوقل : والله يا شيخ اني توني حالمن لي ببقره أتهبل من جمالها وأظنها بديرتنا المزيونه
وانت يا راعي الدباب !
حماد : والله يا طويل العمر قربك ينشرى بالمال ...... بس انا متزوج لكن كان ودك مسيار تم
الشيخ : مالك لوا يا هالوجه العلوم هاذي ما هي عندنا
واشر على رشيد والغضب بعيونه وقال : شف لو تقول عذر انت الثاني والله والله غير أفرغ هالبندق بروسكم
صدق وجيه فلس ما تنعطون وجه
رشيد بينه وبين نفسه >>>>>>>>> الأمر لله اخذ العنود واللي الله كاتبه يصير
موافق يا شيخ
الشيخ : زين على بركة الله يا ولد يا توصل زكن على العرب الفرح القابله
تواصل : ابشر ياعم
مشهد ثالث
ــــــــــــــــــــــــــــــــــــــــــــــ
بدت العرب اتجهز للفرح اللي انحدر لتبوك يتقضى واللي راح العلا يجيب الطباخين وماطور الكهرب
واللي جلس يحطب واللي ورد يجيب الماء واللي راح يزكن على منيف والاعمى
وفي يوم الفرح نحروا خمس من الابل وثلاثين خروف وتيسين
والحريم يتحفلن للزواج ومن العصر يجن كل ثنتين او ثلاث مع بعض يسمـــــــــــــــــــرن :
يا طويـــــــــــــــــــــــــــب الفـــااااااااااااااا لي
اللي معها اسحله بها سمن واللي بها مريسه واللي بها رز واللي بها لبن
والرجال كلن جاب قويدته معه اللي جاب قعود واللي جاب خروف والي جاب كيس رز واللي جاب كيس
سكر وكلن ما جوده
ومع غيبة الشمس وبعد ما وجهت الرعيان والحلال مرًح وتحوشت المعازيم و بعد ما صلوا صلاة الاخير ( العشاء )
قلطوا الصياني وصحون العشا والشيخ ما غير يلكز رشيد بكوعه : علامك مسرح حي بالناس على العشا
وبعد العشا بدا الرفيحي وينطلق منيف بـــــ : يا لا لا ه ويا لا لا ه &&&& يا لا لاه ويا لا لاه
مرحبن فيكم في حفلة رشيد &&&& مرحبن بمن حضر ومن لفو
مرحبن بالقريب وبالبعيد &&&& مرحـــبن بكم بنقــــرة الجــــــو
رد الاعمى : البقا يا راعي الراي السديد &&&& عجلوا علي بعلومكم عجلو
يا هل الحفل لعله ســـــعيد &&&& باركوا معي لهم باركـــــــو
وبعدها بدا الشباب بالسامري :
يسقيك يا سدرة الغرمول يسقيك &&&& من مزنتن هلت الما عقربيه
وطيت انا الداب واسنانه مشاويك &&&& والله كفاني من اسباب المنيه
واثناء ذلك زهم الشيخ ابو اسامه على بدر الالبد والرقيقيص والجذلي واحمد عبد الله وابن سليما ن
وقال لهم زفوا رشيد الين توصلونه عند خيمة العروس وان عجزكم نادوا له البلدوزر
ويدخل رشيد على عروسه وهي جالسه بوسط الخله>>>>>>> غرفة النوم
ما غير عيونها تلاقط على ضو الفانوس
رشيد مهموم وغصب تطلع الهرجه منه : مساك الله بالخير يا بنت الاجواد
العنود بصوت حنون : مساك الله بالنور
رشيد يتلفت وما يدري وش يقول وطول وهو واقف
العنود : اقول يا الأجودي تكصمت اعظامك وانت مشصب ما ودك تقرب
رشيد : لا أقرب ولا تقربين مني الا أذا .......................
يتبع أن اعجبتكم الحلقه
وسلامتـــــــــــــــــــــــــكم أخوك اوسكار الهرفي