وضــــع العــرب والله المستعااااااااان

[عيد بن قيضي الوابصي البلوي]

وضع العرب

لا والله الا وضعنا فيـه عاهــــه = في كل حين يزود حجم المعانـاه
الغرب مايعطيه فترة نقاهـــــه = والشـرق فينا الله عليـم بنوايـــاه
والصدق بين الناس ضاع اتجاهه = مايدري اللي يطلبه ويـن يلقــــاه
اقفت ركابـه مع دروب المتاهــه = ما باقيا فـي وقتنـا (إلا) مسمــاه
راي السداد بصفّ راي السفاهه = مدري متى صار اتفاق المساواه
والحق والباطل بوجه النزاهـــه = الحـق لونه بين الباطــل اخفـــاه
حتى الحكيم يصيب عقله بلاهه = مايدري عن الحق هو وين ممشاه
وكلا يريـد الهيمنـه والوجاهــــه = ويـا كثر منهو باع دينـه بدنيــــــاه
والقصد واضح يارجال النباهــه = القصـد هـدم الدين والمال والجــاه
ويالشام مابه (حي) تشدّ انتباهـه = القدس قبلك قالها واااااسلامـاه
قال ( آآه ) لكن مافزعنا لـ آهـه = ستيـن عـام وحقنـا مـاخذينــــاه
وكـلا يدور فزعته من إلآهــــه = والـى ذكرت الله يانعـم باللــــــــه

[حامد بن راشد الوابصي]

صح لسانك يابو كرم

أبيات رائعه تحاكي المعاناة التي نحن فيها


طابت أوقاتك

[رشيد البلوي]

عيد قيضي شاعر اذا حضر شعره يجبر المستمع على الانصات
والقاري على التمعن
وصله شعريه معبره تحاكي الواقع المرير للحاله العربيه
شكراً ابو كرم