المساعد الشخصي الرقمي

مشاهدة النسخة كاملة : الجيل



ابو سليمان النجيدي
07-18-2013, 02:21 AM
جيلن فنى واليوم بعده ظهر جيل
والجيل الأول مالقينا عوض فيه
يبدون بالمرقاب ثلثآ من الليل
والصبح بعد مراحهم عن مضاحيه
وياما لفو في جايبات المخاييل
والنوم مالجلج عيونهم بطاريه
والجيل هذا برد الحيل
ماينتهض لو انك تشده وترخيه
واستثني اللي يشتغل بالمعاميل
ليا قام ضيفه من منامه يقهويه

‏{مبارك سلامه النجيدي البلوى}رحمه الله.

رشيد البلوي
07-18-2013, 11:55 AM
ابيات جميله من التراث


ذكرتني في قصيدة الشاعر الطاعن بالسن // علي الصيادي الجهني
والشاعر الشاب// معتوق العرفي الجهني


عندما كتب الشاعر علي الصيادي الجهني قصيدة .. يوجه بها النقد واللوم على جيل ذلك الشباب وعلى طبائعهم وتصرفاتهم




حيث قال علـي الصيــادي هذه القصيدة




واحيرتي راحوا كنـوز الرجاجيـل
عوق الطليب مكايـدة كـل علّـة
جيلي غدا وأشوف بعده ظهر جيل
ياجيـل تريـاخٍ مانـي عارفلّـه
إن شفت زيلتهم ولياهم رجاجيـل
وليا بخنت عقولهم شفـت خلّـه
وإن جيت مجلسهم قليل المحاصيل
والكهكهـه لـو ودك الليـل كلّـه
وإن جيت تنصحهم من الصبح لليل
كنـك تـرش الطـور ودّك تبلّـه
وإن كان وص الطير جونا جهاجيل
وإن كان قلت العافية قـال : للّـه







فلما وصلت القصيدة إلى معتوق العرفي الجهني
رد عليه.. وقال



ياعلي علت إنّك على الناس بالحيل
لوزليت في هرجـك ثمانيـن زلّـة
وعميت من صنعاء إلى مترع النيل
لجميع مـا مـن بينهـن تحتملّـه
أنصحك لا تنزل على مدرج السيل
يغضب عليك ليـا نزلـت بمحلّـه
السيل ياخذ قش خطو الرجاجيـل
غافـل وجاتـه مزنـةٍ مستهلّـه
حنا نخيّل يـوم وقـت المخاييـل
وننزل بمنـزل شنذنـا مـا يبلّـه
ياعلي جيلـك راح مـع المفاتيـل
اللي ليا جانا الصـرد مـا نسلّـه
جيلي غلب جيلك بكثـر المعاميـل
يوم إن جيلك ما اعتمل غير دلّـه
الدلّه الذرحـا وشـرم الفناجيـل
ومن شافها يقنع عن الكيف كلّـه
وفي جيلنا ياعلي حطيت لك خيـل
اللي عن الصابـي تغطـى بجلّـه
ينحاك عنا اللي نحا نجمة سهيـل
اللي نحاها الله عـن النجـم كلّـه






رحم الله ذلك الجيل فمن بداهيات الحياة ان كل جيل ينتقص الجيل اللي قبله ولعل تلاحظونه في حياتكم اليومية



ولكن المثل يقول لكل زمن رجاله


ابو سليمان النصراوي شكراً لك

ابو سليمان النجيدي
07-18-2013, 07:28 PM
أخ رشيد وان أشكرك على الرد وعلى الابيات الجميلة لكن الجيل هذا يبقى فيه وللأمانة منهو متمسك بعادات اجداده