خالد فهد البلوي
03-05-2014, 04:08 PM
مرثيه كتبتها في جدتي الله يغفر لها ويرحمها ويرحم جميع موتى المسلمين..
حينما تغيب شمسٌ كنت تستمد الدفئ منها ..
حينما تموت آخر شجره كنت تستظل في ظلها..
حينما تموت زهره كنت تنتعش بشذاها وطيب عبيرها..
فقد فقدت لذة الدنيا بأكملها..
***
قالوا توفت طالبه منك دعواك
ماهي بحاجة دمعتك والونيني
سلم على جدتك خفف من ابكاك
هذا قدرها وكلنا راحليني
ياجدتي قومي هنا الناس تبغاك
لا تتركين الناس لا تتركيني
ماتصور الدنيا غلاتي بلياك
ياعزوتي ارجوك لا تفارقيني
الكل يبكي ياغلا الروح فرقاك
ياوجد عين الكل ياوجد عيني
ياليت تفدى الروح لااااقول تفداك
لكن قدر محتوم بينك وبيني
عهدٍ علي منساك منساك منساك
طال الزمن ولا قصر صدقيني
حطوك في قبرك وانا عيني ترعاك
ياكيف افارق روح مني وفيني..!؟
ياليتني تحت الثرى اللي تغطاك
وياليتهم في هالقبر دافنيني
يوم العزى كلٍ ذكر طيب يمناك
ماقصرت يمناك ماضي السنيني
خابرك أنا والكل خابر سواياك
محدٍ يطول أفعال ذيك اليميني
ماعن دروب الطيب ابد تاهت اخطاك
كنتي يدين العون في كل حيني
باب اللقى مغلق ولليل شباك
طلِّي عليْ بالحلم لا تقطعيني
يالله ماخابت نفوسٍ ترجاك
ياواحدٍ مالك بحكمك عويني
في جنة الفردوس يالله ننصاك
يالله تسكنها مع الصالحيني
***
غربتي ياشمسنا بلا إشراق..
رحلتي عنا وتفاصيل ذكراك باقيه في أركان قلوبنا لم ولن نمل منها..
يانبع الطيب يابلسم الجار قبل الدار..
زوريني هناك في ميتم الأحلام ياجدتي..
فقلبي لك ينبض اشتيااااااق.
***
يـــا رب ترحم جدتي وجميع موتى المسلمين.
حينما تغيب شمسٌ كنت تستمد الدفئ منها ..
حينما تموت آخر شجره كنت تستظل في ظلها..
حينما تموت زهره كنت تنتعش بشذاها وطيب عبيرها..
فقد فقدت لذة الدنيا بأكملها..
***
قالوا توفت طالبه منك دعواك
ماهي بحاجة دمعتك والونيني
سلم على جدتك خفف من ابكاك
هذا قدرها وكلنا راحليني
ياجدتي قومي هنا الناس تبغاك
لا تتركين الناس لا تتركيني
ماتصور الدنيا غلاتي بلياك
ياعزوتي ارجوك لا تفارقيني
الكل يبكي ياغلا الروح فرقاك
ياوجد عين الكل ياوجد عيني
ياليت تفدى الروح لااااقول تفداك
لكن قدر محتوم بينك وبيني
عهدٍ علي منساك منساك منساك
طال الزمن ولا قصر صدقيني
حطوك في قبرك وانا عيني ترعاك
ياكيف افارق روح مني وفيني..!؟
ياليتني تحت الثرى اللي تغطاك
وياليتهم في هالقبر دافنيني
يوم العزى كلٍ ذكر طيب يمناك
ماقصرت يمناك ماضي السنيني
خابرك أنا والكل خابر سواياك
محدٍ يطول أفعال ذيك اليميني
ماعن دروب الطيب ابد تاهت اخطاك
كنتي يدين العون في كل حيني
باب اللقى مغلق ولليل شباك
طلِّي عليْ بالحلم لا تقطعيني
يالله ماخابت نفوسٍ ترجاك
ياواحدٍ مالك بحكمك عويني
في جنة الفردوس يالله ننصاك
يالله تسكنها مع الصالحيني
***
غربتي ياشمسنا بلا إشراق..
رحلتي عنا وتفاصيل ذكراك باقيه في أركان قلوبنا لم ولن نمل منها..
يانبع الطيب يابلسم الجار قبل الدار..
زوريني هناك في ميتم الأحلام ياجدتي..
فقلبي لك ينبض اشتيااااااق.
***
يـــا رب ترحم جدتي وجميع موتى المسلمين.