قصيدة الشاعر / ناصر بن سالم أبن سريحه

[عبــ أبوذراع ــدالله]

( بسم الله الرحمن الرحيم )
وتتواصل مسلسل الإبداع الشعري لشعراء بلي في شهيد الوطن / العميد عودة البلوي , ومن شمال المملكة ومن مكان لايبعد عن الحادثة التي أستشهد فيها الأسد ورفاقه أبى شاعر بلي المخضرم في محافظة القريات
الشاعر / ناصر بن سالم أبن سريحه الرقيقيص إلا أن يسطر للفقيد ورفاقه أبيات شعريه ,,, أترككم مع القصيدة الرائعه


بأسم بلــي نرسـل محبه وتـرحيب
علـى الهواء وتبث عبـر الوسايــل

نشكر جميع الشعب هم والمعازيب
وعمالـقة شعار وأهـل الــرسايــل

باللـي حضر واللـي مكلـف مناديب
ماهـي غريبة ممـلكـتـنا قبايــل

اليد وحـده والتكاتف ماهو عيب
ضد العدو أشخاص تنسى الجمايل

حنا بلي مافيه شك ولا ريب
الله عطانا نحمد الله خصايل

حب الشجاعه والكرم منقع الطيب
ولا نقتنع بالظلم والحق مايل

يوم البشر كفار وعبادة صليب
منا صحابه فوق قبا" أصايل

دايم نقدم بالمعارك مناصيب
يشهد جبل دخان وأضرب مثايل

مادامنا حيين حريمنا تجيب
تنجب نشاما في جميع العوايل


يطلع مثل عوده مصيبه تقل ذيب
جاك يتمشى له مواقف هوايل

شف الشجاعه كيف حول من الجيب
رد العدو في يديه ماهو بسايل

حب الشهادة وأكرمه عالم الغيب
هذي فضيله والخواتم دلايل

راحوا معه جنود ماهي مراعيب
هذولا أهل صبيا وسامطا ومحايل

والجندي المنصاب يا جعله يطيب
ويبرأ العقيد ونحتفل بأبن وايل

الحق يعلوا وراعي الباطل يخيب
الله رمـاهــم بـعيال الحـمـايـل

قضوا على الفتنه رغم الأساليب
طقي لهم زغروت يا أم الجدايل

[محمدسليمان البلوي]

صح لسان الشاعر ورحم الله شهداءالوطن