يالله عسى من يشكي الهم مزاح

[محمدسليمان البلوي]

يالله بصبحن غيرعن كل الاصباح
فيه السعدوالانس والبال رايق
الشمس تشرق فيه وتبث الافراح
ويصبح عليل القلب طربان فايق
ويهب نسناس الهوا بعطرفواح
ريحه كما العنبرصعوط النشايق
والغيم ينشا فيه وتسوقه ارياح
في مقدمه برقن للانفاس شايق
ويعم وبله كل ديرة ومسراح
والعشب بعداسبوع بالارض وايق
والذودترعى فيه من بعدمضواح
وراع الغنم ينسى جميع العوايق
ويالله عسى من يشكي الهم مزاح
يمزح بقوله مايقول الحقايق
والطير بالتغريد شايل وصداح
من الفرح يبدع جديد الطرايق
وتصفي نفوس وتتحد فيه الارواح
وننسى شقا كل السنين المضايق
وصﻻة ربي عد ماصاح صياح
على النبي في كل ساع ودقايق


كلمات /محمدسليمان العرادي البلوي

[ثاقب النظره]

صح لسانك وفكرك يابو سليمان فالإبداع حليفك ياشاعرنا ،،

[خالد علي فالح السحيمي]

صح لسانك مليوووووووووووووون ابو سليمان

حروفك تغزو القلب بدون سابق إنذار




ودي و تقديري

[محمدسليمان البلوي]

الله يعطيك العافية ياثاقب على مرورك وكلماتك الجميلة

[محمدسليمان البلوي]

الله يعطيك العافية خالدالسحيمي على مرورك الجميل