الشعر الأصيل

[ثاقب النظره]

للشاعر خليوي الشنوطي



يامن شرى قلبي وانا ابيع واهديه
لو قيل يشرئ قلت ي العين نامي
في قلب فاضي غامي النوم غاطيه
غاطيه عن كل الهواجيس غامي
انشد راسي تالي الليل وارخيه
مشغول بالي والخلايق نيامي
يسري عقاب الليل من وسط راعيه
وتومي به الأرياح شرقا وشامي
وديته المغرب ووديته التيه
وازريت ياقلب العنا لاتسامي
وين الرجال الي مجالسهم ابيه
بيض الوجيه اعدّهم بالأسامي
اللي ليا جاء الضيف يلقى معانيه
لو كان في ليل الدجى والضلامي
راحوا وخلوني على الدار بابيه
*مثل الجريح الي يعض البهامي
اوصيك يا ناصر على علم تمشيه
المرجله تاخذ عليها وسامي
*ووصيك حق الله للإسلام توفيه
*قيم الصلاه وتمّها بالصيامي <br>
ووصيك ترى الجود عسره مراقيه<br>
*ماهو على وقت الرخا .. بالزحامي <br>
والجود جود الله ومن حظ راعيه <br>
لا صار ماهو بالمرا للأنامــي<br>
*الجار هو والضيف خلك بعانيه <br>
ترى لهم عند الرجال احترامــي<br>
*اول ماجوبه قول يالله تحيّيه <br>
عطه التحيه حيث رد السلامـي<br>
*وثاني ماجوبه حيث منك تقهويه <br>
حوف السمين وقدمه له شمامي<br>
*وثالث ماجوبه هات هرج(ن) يسليه<br>
*كلام (ن) احلى من لذيذ الطعامي<br>
*وان جاك واحد حادي الوقت حاديه<br>
*اعطه من الماجود مال الحطامي <br>
ورفيقك الداني خماله تغطيه <br>
شده كم شد الفشق بالحزامي<br>
*وان كان جنب عن طريقك بهاويه <br>
لا صار ماهو للجماعه ليامــي<br>
*ورجل(ن) بليا رجال تقصر هقاويه <br>
لونه على الهقوات صقر(ن) قطامي <br>
و اصحا ترى الدنيا دنيه وتشبيـه<br>
*دنياك جيفه فوقها الطير حامــي<br>
*و اصحا المنافق لا تمرح بواديه<br>
*من قارب المهيوم جاب الهيامي<br>
*ومجلس به الحقران ماينقعد فيه <br>
لو ان خيره كنه الضلع زامــي
*اللي يقود الشر حذرا تداريه
اكوه بمسمار(ن) على الراس حامي
الله يخارج وقتنا من بلاويه
*فيه الحسد والحقد في كل عامي
*الله يزيل الحسد ويزيل راعيه
*لعل بيته دايم(ن) با انهدامــي
وصلاة ربي عد من قال لبيه
ومن طاف بالكعبه عليه الحرامي
على نبيّـ(ن) كل الإسلام تتليه
شفيعنا يوم الحشر والزحامي


للشاعر الأسطورة شاعر النظم والقلطة /
************** خليوي الشنوطي<br>

[محمدسليمان البلوي]

صح لسان الشاعر خليوي الشنوطي
الله يعطيك العافية ياثاقب على نقل هذه القصيدة القيمة

[الرايق]

صح لسانه شاعر كبير ومشكور ياثاقب على النقل الرائع

[ثاقب النظره]

الجميع شاكر مروركم الجميل والرائع

[منتظر]

قصيدة جزله لشاعر كبير

[خالد علي فالح السحيمي]

عز الله انك صدقت من أساطير الشعر

صح لسانه مليوووووووووووووووووووووووووووون و لا تكفي

والله يعطيك العافية يا بناخي على هذا النقل الراااااائع






ودي و تقديري

[منتظر]

الشاعر خليوي الشنوطي شاعر نظم ومحاوره لن أشيد به وامتدحه ... هو أهلا لذلك ولكن أكتفي بكلمتين عندما يكون الحديث عن شاعر مثله ( شاعر لن يأتي مثله ) ومشكور ياثاقب على التقل المميز

[فهيد بن صالح الحمري]

صح لسان الشاعر القدير خليوي الشنوطي وبيض الله وجهك ياثاقب النظر على النقله الموفقه

[ثاقب النظره]

* شاكر مروركم جميعا .... واتمنى من الاداره إنشاء قسم خاص وباسم الشاعر خليوي للشنوطي وسنعمل على توثيق الكثير من قصائده في النظم والكثير من محاوراته ... كتكريم واحترام وتقدير هو أولى به وأهلا له في منتدى قبيلة بلي الرسمي .... يشهد الله انه طلب لا يخفي عنكم الا مبدأ يقول ( أعط كل ذي حق حقه ) .
-------------------------------

[بلي تاج الفخر]

صح لسانه ومشكور على النقل الرائع

[ثاقب النظره]

الجميع شاكر مروركم الجميل والرائع

[المتصفح]

صح لسانه ومشكور على نقل القصيده

[ثاقب النظره]

للرفع مع التحية

[بلي تاج الفخر]

صح لسانه وفعلا اسطوره واسمه سيوثقه التاريخ كشاعر القرن لقبيلة بلي

[معرب الجدين]

صح لسانه ومشكور