خلوها .....يابن دعيس

[محمدسليمان البلوي]

في منتدانا سﻻم الله عليكم جميع
ياربعنا ياهل المعروف والطيبه
يامسندالوابصي اعرف مكانك رفيع
ماشي على السكه اللي حطها الشيبه

[مسند دعيس القريد الوابصي]

في منتدانا هلا يامرحبا مايضيع
ياربعنا اللي لاشافت جزل تاتيبه
وابن سليمان دايم بالمواقف مطيع
مايعرف العيب جعل العيب مايصيبه

[محمدسليمان البلوي]

مسند صدوف الليالي شيبن الرضيع
والوقت يركض بنا والعمر مقفي به
الذيب ﻻشاف زول الذيب من فوق ريع
يحسب له حساب واﻻ الصبح يغدي به

[مسند دعيس القريد الوابصي]

الوقت ياصاحبي يمضي علينا سريع
متضايق من المرض وش عاد اسويبه
استاذنك يامحمد ودي ارقا الفريع
واقضي الوقت عند عنوز وعتيبه

[محمدسليمان البلوي]

اهب ياوقتنا ياما سمعنا الفجيع
ياما علينا توالت شدة مصيبة
ﻻتترك الدارﻻتجحد كبير الصنيع
والغايب اللي رجع ﻻيكرر الغيبة

[مسند دعيس القريد الوابصي]

ايشيب من صكت الأيام حتى الرضيع
وقت العنا ياكثر شفنا عذاريبه
مانشري الصاحب اللي يامحمد يبيع
وانا كويس ولا بي شكن وربيه

[محمدسليمان البلوي]

مسند سندنا ليا منا بغينا الفزيع
ياقف مواقيف فيها العز والهيبة
الرفقة الطيبةنلقا بذراها نفيع
شرواك يالوابصي نلفي مضاريبه

[مسند دعيس القريد الوابصي]

الله يكفيك من شر الزمان الشنيع
ومحمد اليوم عالي في مراقيبه
موهبتك اشوفها ماهو كلامن صنيع
والشعر اشوفك تعنا ماشي دريبه

[محمدسليمان البلوي]

صح لسانك يامسند والله يعطيك العافية