هبت هبوب الحزم

[وازن أبو شامه]

هبت هبوب الحزم من دار سلمان
ساقت لكل المسلمين البشاره
يوم انتخى به من ورى الحد جيران
قالو دخيلك عن حياة الخساره
شب الفتيل وثارت الأرض بركان
والجيش للميدان صدر قراره
متحزماً بالشرع سنه وقرآن
ماينثني مادام هذا شعاره
بالسلم له مبدى وبالعز له شان
نبراس حق وللمراجل مناره
حكمه وقوة واضحة شوف الأعيان
يسراه سيف وفي يمينه حضاره
واللي يعاند خادم البيت غلطان
يجيه رد العلم بأول نهاره
وصقورنا بالجو وبكل ميدان
كلاً قبل يرمي تحدد مساره
في ربع ساعه أمنو كل الأركان
منـهم عـدو الله زايـد دمـاره
والشعب كله من شماله لجيزان
دون الوطن لا شك رهن الإشاره
يامجازي المعروف والطيب نكران
موقعك بآخر صف خل الصداره
حدك هروج بالقفى وكذبة لسان
ولا فعول الحرب تبغى شطاره

#وازن يحى أبو شامه البلوي

[مسند دعيس القريد الوابصي]

ونعم والله
صح لسااانك
ودام فكرك

[الرايق]

صح لسانك ويعطيك العافيه

[وازن أبو شامه]

الرايق
مسند
لاهنتو يالعزوه عساكم ذخر وصحت أبدانكم
ولا شك أن الوطن يستحق أكثر من ذلك
(وطن لا نحميه لانستحق العيش فيه)

[خالد علي فالح السحيمي]

الله الله

صح لسانك اخوي وشاعرنا القدير وازن ابو شامه


أبيات جزلة من شاعر جزل


أخي الغالي

نتمنى أن لا تبخل علينا بجديدك فالساحة الشعرية تتمنى دوماً تواجد اللي مثلك و شرواك





ودي و تقديري

[سعود السحيمي]

الله ينصرهم يارب


وصح لسانك يالغلا

[محمدسليمان البلوي]

صح لسانك مليااااار على هذه القصيدة الرائعة

[وازن أبو شامه]

خالد
سعود
سلمتو لا عدمتكم ياعزوتي الله يقدرنا على إرضاء ذائقتكم وأبشرو بالخير

[وازن أبو شامه]

صح بدنك محمد الرائع حضورك لا عدمتك