الله أكبرعد ماﻻح برقن في سحاب

[محمدسليمان البلوي]

بسم الله الرحمن الرحيم
السﻻم عليكم ورحمه الله وبركاته
هذه قصيدة كتبتها بمناسبة النصر العظيم لعاصفة الحزم التي تقودها مملكتنا الحبيبة ضد الخونة الحوثيين


الله اكبر عدشمسن مشرقة عقب الغياب
والله اكبر عد مازمجر شديد رعودها

والله اكبر عد ماﻻح برقن في سحاب
والله اكبرعدماسالت سيول الوسم واخضرعودها

نحمد المعبوديامرسي ارضه بالهضاب
ﻻحت بروق النصر كل العيون شهودها

عشت ياسلمان ياعاسفن كل الصعاب
قايدن يشهد له التاريخ ضمن اسودها

ياقوي الباس تقدم عليها ماتهاب
بيض الله وجه قايد زعيم جنودها

فزعتك للجار يوم انتخا وارسل جواب
قلت جاك العون والحرب انا بقودها

قلتها قدم المﻻ شامخن مثل السحاب
يوم بعض الجرب حنت على مفرودها

في دجى ليلن بهيم كدره صوت العذاب
وارعب اللي في منامه غارقن برقودها

ابرقت ثم انتثر وبلها ملح وضباب
واختلط عج العواصف على بارودها

واختفت كل الجراذي واختفى نبح الكﻻب
واصبح الحوت يتوجد على مقرودها

ياملكنا جاهزين الكل شايب الشباب
جاهزين ارواحنا ﻻجل الوطن وحدودها

ياملكنا ياسديدالراي خادم بيته والكتاب
ناصرالمظلوم ناقض شديد عقودها

وشبلك محمد منوخ صعيبات الركاب
هو وزير الحرب كلمة بﻻ مردودها

عنده سياسة وعنده فكر عين الصواب
وعنده الموت الحمرللي تعدى حدودها

شوف يالحوثي غدا حلمكم ماله جواب
بعد شفت الهول في سهودها ومهودها

عندنا مافيه غير السيف الاملح للرقاب
من يعادينا لزوم انه يزور لحودها

وفالنهاية جعل كل الحوث راحو ذهاب
وتنتهي كل الفتن واللي سعى بوقودها

والله اكبر عدشمسن مشرقة عقب الغياب
والله اكبر عد مازمجر شديد رعودها

كلمات الشاعر/محمدسليمان العرادي البلوي

[ثاقب النظره]

الله الله ماشاء الله تبارك الله قصيده جزلة ومعبره .... صح لسانك يابو سليمان حتى ترضى

[الفالح]

صح لسانك وبيض الله وجهك

[منتظر]

صح لسانك قصيده رائعة جدا

[محمدسليمان البلوي]

صح بدنك ياثاقب حتى ترضى والله يعطيك العافية على مرورك وكلماتك الرائعة

[محمدسليمان البلوي]

صحت ابدانكم اخوي الفالح ومنتظر والله يعطيكم العافية على مروركم الجميل

[معرب الجدين]

صح لسانك ملايين يابو سليمان

[محمدسليمان البلوي]

صح بدنك يامعرب الجدين ومشكورعلى المرورالجميل