غرساً غرسته

[وازن أبو شامه]

غرساً غرسته وأستوى .ماجنيته
ذاق الثمر غيري وأنا ميتاً جوع
كم عام من نبع المحبه ...سقيته
وانهمرت أنهاره ولا ذقت قرطوع
صنته وعن برد الشمالي كسيته
وثوبي من متوني الى الساق مقطوع
مات الأمل وأنهد .حلماً بنيته
وأحلى الليالي مالها نية رجوع
وانا هويته ليتني ماهويته
ماكان عشت من الجفا يوم مفجوع
عمري على ياليت راح وقضيته
تمر ساعات الشقى حسبة اسبوع
على كثر مخلصت واللي عطيته
عطاني أدباله ملامات ودموع
كنت أتحرى فرحته يوم جيته
اثري المواصل بيننا صار ممنوع
انساه!!؟ صعب أنساه والقلب بيته
محتلني كلي وانا جيته بطوع
جرحي عطيب ولو نزف ماشكيته
دام العتب عن جرح الأحباب مرفوع
حاربت عذال الهوى واحتريته
لما غدى شوفه مثل حبة الكوع
ياما نصحت القلب وياما نهيته
واليوم طحت ومابقى صوت مسموع

#وازن أبو شامه

[محمدسليمان البلوي]

صح لسانك ياوازن ابو شامه على هذه القصيدة الرائعة

[خالد علي فالح السحيمي]

ياما نصحت القلب وياما نهيته

واليوم طحت ومابقى صوت مسموع


الله الله


صح لسانك اخوي وازن ابو شامه


شاعر جميل و نتابعك ونحن نقف احتراماً لكل حرفٍ تجود به قريحتك




ودي و تقديري

[وازن أبو شامه]

محمد
خالد

لكم مني كل الود والتقدير على مروركم الكريم وصحت ابدانكم وعسى الله يجملنا معكم ومانزود عليكم فانتم اعلام من أعلام بلي 🌹🌹

[ثاقب النظره]

قصيده تستحق القراءه اكثر من مره ...... صح لسانك يابن العم ... شاعر عملاق ومتميز بأسلوبه الخاص والملفت لما فيه من الابداع والاحترافية ..... نتمنى المزيد من فيض ابداعك الشعري

[معرب الجدين]

إبداع إبداع إبداع وتميز صح لسانك

[وازن أبو شامه]

ثاقب النظرة
معرب الجدين
الله لا يهينكم وصحة ابدانكم لا عدمتك ياعزوتي شهادتكم وسام فخر

[صقر القبيله]

صح لسانك حتى ترضى

[الفالح]

صححح لسااااااااانك

[طلال بن شليويح البلوي]

صح لسانك ويسلم فكرك وبيانك على هالقصيدة الرائعة المعبرة

الحقيقة ابيات جميله لا ياتي بها الى مثلك اعجبني هذا البيت كثيرآ


غرساً غرسته وأستوى .ماجنيته
ذاق الثمر غيري وأنا ميتاً جوع

[بلي تاج الفخر]

صح لسسسسسسسسسسسانك