حنا بلي

[وازن أبو شامه]

إن كانها بالجود والطيب طبنا
تبذل يدينا ماسعت للمحاصيل
وإن زاد ميزان العطا ماحسبنا
مهما ثقل حمله علينا تساهيل
حنا بلي ياناشد عن نسبنا
وش لك تغوص بحورها تالي الليل
إجمع حطبكم وأبعده عن لهبنا
مالك الى شبت على صلوها حيل
تاريخنا يشهد لنا ماكتبنا
سوالفاً لاجل القصص والتماثيل
لو زان ميراد العرب ماشربنا
نرقى السما نشرب قراح الهماليل
ياما على ظهور الأصايل ركبنا
إمضمره ما والفت للمخاليل
عشنا على عشق المنايا وشبنا
اياتنا من مطلع الجدي لسهيل
نصد من غارات العدو ماتعبنا
حامينها من خيبر لمدفق النيل
واللي يدور فعلنا لا غضبنا
حامت عليه من الطيور الأبابيل
ومن وقتها لليوم ماحد غلبنا
نرمي من أرقاب الرجاجيل ونشيل
حنا بلي طلنا الطويله وجبنا
مجداً يسجل بأسمنا جيل معَ جيل
وبيوتنا في ساحة العز تبنا
مدهل ضيوف وعامره بالتعاليل
واذا عطينا بكيفنا منغصبنا
طبع الكرم بعروقنا كنه السيل
عن حزة الواجب ولا يوم غبنا
من قبل مشرقها تدور الفناجيل
واليوم سبحانه بفضله وهبنا
أمن ورخا عوض زمان التهاويل
صاروا عدانا كنهم من عربنا
روح زمان الحرب والسيف والخيل
وفر علومك وأحترص من نشبنا
مالك بطول السالفه والتفاصيل
لله سبحانه عن الطيش تبنا
نرجيه يغفر مامضى والمقابيل



#وازن ابو شامه البلوي



ملاحظة:القصيدة رد على شخص من احد القبائل حين سألني وسط مجموعة من الرجال من عدة قبائل وبتهكم عن قبيلة بلي ماذا ترجع وماهو تاريخها؟ فأخترت الصمت حينها تقديراً للموجودين فأتته الإجابه لاحقاً من خلال هذه القصيدة؟

[محمدسليمان البلوي]

صح لسانك وبيض الله وجهك ياشاعرنا وازن ابو شامه رد وافي وشافي والله يعطيك العافية

[المتصفح]

صح لساااااانك ويعطيك العافية

[مشعل بن مشحن السرحاني]

صح لسانك وبيض الله وجهك

[موسى بن ربيع البلوي]

صح لسانك وبيض الله وجهك

لا هنت لا هنت

[طلال بن شليويح البلوي]

هههه والله العظيم يكفيه هذا البيت فقط


لو زان ميراد العرب ماشربنا
نرقى السما نشرب قراح الهماليل


وصح لسانك مليون ويسلم فكرك وبيانك على هالابيات الارتجالية اخوي وازن ابو شامه

ولاتحرمنا من هالقصيد الجزل لا هنت

[وازن أبو شامه]

الله لا يهينكم جميع
وقبيلة بلي لا تحتاج القصائد والأبيات لإثبات أمجادها وأفعالها ولكن للجاهل أو بالأصح المتجاهل ومن باب الحمية المشروعه أحببت أن أرد بطريقتي.

لكم مني أعذب وأصدق مشاعر الحب والتقدير
وشكراً على مروركم وإشادتكم

[صقر القبيله]

صصصصح لسسساااااااانك

[بلي تاج الفخر]

صح لسسسسسسسسسسسسسانك

[ثاقب النظره]

إبداع وتميز صح لسانك ونتمنى المزيد من فيض ابداعك الأدبي

[ساره السحيمي]

ررررررائع كان الرد وقوي شاكرين لك اسلوبك الراقي بالرد يعطيك العافيه