المساعد الشخصي الرقمي

مشاهدة النسخة كاملة : مجرد أحلام وأماني ..؟؟



ماجد سليمان البلوي
09-12-2015, 05:33 PM
مجرد أحلام وأماني ..؟؟

السلام عليكم
آه لو نقدر نرجع صغار..
لأيام ما كنا نخاف نتأخر على طابور المدرسة..
لأيام شخابيطنا على دروج و حيطان مدرستنا..
لأيام كابتن ماجد وسالي وليدي والسيده ملعقه..
لايام ما كنا نستنى كل اسبوع تنزل مجلة ماجد ونفتحها ونصير ندور على فضولي..
لأيام كنا نرسم العصفور من غير ديل..ونعبر عن حبنا بقلب احمر..
لأيام ندفى بحضن امنا و ايديها بتطبطب علينا..تغنيلنا قبل النوم يلا تنام..

كنا صغار ونفكر انه الكون هو حارتنا...
وما منعرف إيش بصير بالعالم حوالينا..
نلعب بالرمل و نكتب عليه اسامينا ونرجع من محيها بكل عفوية..

كنا نخاف من شوك الورد..
نخاف من غروب الشمس..
نخاف من صراخ الجيران بس يرتفع صوتنا..
نخاف من الريح تسرقنا...

كنا نركض ورا عربية بياع الذرة و نزعل اذا يوم غاب...
كانت كلمة مدح تفرحنا...بوسة خد ترضينا...نظرة شر تبكينا...

لو نرجع لسطح بيتنا العالي ...
نطير طيارتنا الورق...
نربطها بالخيوط ونتركها لتطير وتوصل للغيوم...
ونطير معها باحلامنا الصغيرة..

كنا صغار ...
وكانت النا أحلامنا الصغيرة ...
كبرنا وصارت أحلامنا الصغيره كبيره ..
وآمالنا البسيطه معقدة...
وصارت احلامنا توقع منا متل وراق الخريف ...

حلم ورا حلم..
بس يظل عندنا حلم واحد ما بغيب عن بالنا...
و مخبى بقلوبنا..لما تقسى علينا الأيام ...
وتزيد المشاكل ...نهرب لسطح بيتنا العالي ونخلق لحالنا جناحات أمل...
ونغمض عيونا ...وناخد نفس طويييل..ونسرح بخيالنا...
وبتخطر وقتها أغنية فيروز ببالنا...

طيري يا طيارة طيري يا ورق و خيطان

بدي ارجع بنت صغيرة على سطح الجيران

و ينساني الزمان على سطح الجيران..
ولكم تحيات
ماجد البلوي