دار المسنين

[ابو سليمان النجيدي]

يادار يادار المسنين وش فيك
غير عقوق وقطع حبل الوصالي
من غير تنشد نظره العود تغنيك
يقول هذا جزاء المعروف بعيالي
يما سهرنا ياولد لجل ارضيك
ويما حرمت النفس من حر مالي
ذقت المرر وقلت يجي يوم يهنيك
يكبر وينسيك مامضي لك باليالي
واليوم طعت المراه وبعت لجلهاابيك
رميتني وزوت فيني هم وماسي
يارب انا اليوم ياحي يالله راجيك
يطول عمره ويذوق كل ما جرالي


محمد سليمان النجيدي البلوي
29/12/1436

[محمدسليمان البلوي]

صح لسانك يابوسليمان النجيدي

[ابو سليمان النجيدي]

الله يعافيك ويوفقك ابو سليمان
ومشكور وصح بدنك

[سلوى سلوتي]

صح السانك
"ربي اجعلني بارا بوالدي ولا تجعلني جبارا شقيا"

[ابو سليمان النجيدي]

صح بدنك ومشكور اخت سلوي

يارب لا تحرمني ولا تحرم المسلمين من بر ابويهما
اللهم امين