القضاعي
12-31-2005, 11:54 PM
من يستحق الفنجال
قـم يا وديـع السين والـدال واعيـــها= يا اللي طوابير المعادي تناحيـــــها
احمـس من البن المنقًى على الغـضا=اوصيك بالتركـــــيد يا للي تسويها
اصــح تحــــرقها فيكـثر ســـــريبها= ولا تـجي نية تمـرر حـــــــلاويـــها
عن الجمر شطرها الى فاح ريحــها=يلزمك يا قـــــوم اولايـد تحاظيــــها
في نجر ماو قـــدر شبرين دقـــــــها=حسه يجيب اللي تكسر عزاويـــــها
لقــــم ببغدادية كــــــــن عنقــــــــها= عنـــق المهـاة المستحسة براميــــها
على بـكـر لقمـها لمن يستقــــــــــها=ولا تــردد للنشـــامى ثناويـــــــــها
من ذي بهذي يا فتى الجــود زلـــها=كثر نظيف الهيل واقصر شمطريها
مع زعفران وعنبر يجلي الصــــدا=عن كبد ممــرور بها المر شاويـــها
من ليف حلوات اثمر صن سبيلــها=حتى يشوف البال بالصين صافيـــها
عده على اللي ينطح الضد لا اعتدى=اللي سيوف الهند بالزند يرويـــــها
وعده على اللي يكرم الضيف لي لفى= ريف الركاب اللي تخوع باهاليــها
وعده على اللي زبن فــك زابنــــــه=الارواح من ماله فنا المال يفديـــها
وعده على اللي ما يخــون الامـــانه=وان جا اللقا بالزلم يشبع حناديــها
وعده على اللي محـــــــرقات دلاله= مثل الخـوير اللي بالميات يشريها
وباقي الدحــوش الخايعة لا تهمــك= تقصــر عن الفنجال جمـلة يمانيــها
الكيـــف يعبا للـرجــال النشــــــامى = ما هــو لناس ما تحسـن مسـاعيـــها
ولا الدعبـــول يصفُر الى الضــــحى= خمـــس الفـرايض كلـها ما يصليــــها
ولا لـمن مـهنته نقل النمايــــــــــــم=هـذيك ماخـذها وهــذيك معطيـــــــها
ولا لمن يمشي على راي حـــــرمته= سلب الى زعلت على ماش يرضيــها
ولا لمن يفــرح الى شب غيــــــــره=يعد الجماعــة حيث يشرب قهاويـــــها
شيب ومــرجلته كثيـر التــــــــــمني= ولا ينفـــع النفس الــرزيلة تمنيــــــــها
من لا يحــــوش المرجلة في شبـــابه=هذاك ثــور زينته مـــع مــواشيـــــــها
قلته وانا مــالي بدنيــــــــــا تغيـــر= خليتــــها للي من النــاس يبغيــــــــــها
تمت وصلى الله على سيد البشـــــر=اعــداد ما فلت طيــور جناحيـــــــــها
قصيدة للشاعر عبدالله بن علي بن صقيه الوهبي التميمي
قـم يا وديـع السين والـدال واعيـــها= يا اللي طوابير المعادي تناحيـــــها
احمـس من البن المنقًى على الغـضا=اوصيك بالتركـــــيد يا للي تسويها
اصــح تحــــرقها فيكـثر ســـــريبها= ولا تـجي نية تمـرر حـــــــلاويـــها
عن الجمر شطرها الى فاح ريحــها=يلزمك يا قـــــوم اولايـد تحاظيــــها
في نجر ماو قـــدر شبرين دقـــــــها=حسه يجيب اللي تكسر عزاويـــــها
لقــــم ببغدادية كــــــــن عنقــــــــها= عنـــق المهـاة المستحسة براميــــها
على بـكـر لقمـها لمن يستقــــــــــها=ولا تــردد للنشـــامى ثناويـــــــــها
من ذي بهذي يا فتى الجــود زلـــها=كثر نظيف الهيل واقصر شمطريها
مع زعفران وعنبر يجلي الصــــدا=عن كبد ممــرور بها المر شاويـــها
من ليف حلوات اثمر صن سبيلــها=حتى يشوف البال بالصين صافيـــها
عده على اللي ينطح الضد لا اعتدى=اللي سيوف الهند بالزند يرويـــــها
وعده على اللي يكرم الضيف لي لفى= ريف الركاب اللي تخوع باهاليــها
وعده على اللي زبن فــك زابنــــــه=الارواح من ماله فنا المال يفديـــها
وعده على اللي ما يخــون الامـــانه=وان جا اللقا بالزلم يشبع حناديــها
وعده على اللي محـــــــرقات دلاله= مثل الخـوير اللي بالميات يشريها
وباقي الدحــوش الخايعة لا تهمــك= تقصــر عن الفنجال جمـلة يمانيــها
الكيـــف يعبا للـرجــال النشــــــامى = ما هــو لناس ما تحسـن مسـاعيـــها
ولا الدعبـــول يصفُر الى الضــــحى= خمـــس الفـرايض كلـها ما يصليــــها
ولا لـمن مـهنته نقل النمايــــــــــــم=هـذيك ماخـذها وهــذيك معطيـــــــها
ولا لمن يمشي على راي حـــــرمته= سلب الى زعلت على ماش يرضيــها
ولا لمن يفــرح الى شب غيــــــــره=يعد الجماعــة حيث يشرب قهاويـــــها
شيب ومــرجلته كثيـر التــــــــــمني= ولا ينفـــع النفس الــرزيلة تمنيــــــــها
من لا يحــــوش المرجلة في شبـــابه=هذاك ثــور زينته مـــع مــواشيـــــــها
قلته وانا مــالي بدنيــــــــــا تغيـــر= خليتــــها للي من النــاس يبغيــــــــــها
تمت وصلى الله على سيد البشـــــر=اعــداد ما فلت طيــور جناحيـــــــــها
قصيدة للشاعر عبدالله بن علي بن صقيه الوهبي التميمي