عبد اللطيف القرعوطي
09-05-2016, 06:46 PM
بعدك عن اللي ما يودك سعاده
يمدحك في وجهك ولاقفيت نصاب
الله هو اللي مبتخص في عباده
وقت(ن) ماتلقى فيه خوه ولا اصحاب
اللي مدح نفسه وناره رماده
المدح ما يفكه من عتاب الاشناب
تلقاه دايم ما يحب الركاده
هرجة كثير يطبطب الهرج طبطاب
خلك بعيد ولا تقرب بلاده
ومن صاحب الخايب يقولون له خاب
خاو الرجال اهل الكرم والسعاده
والصقر ما يرجع على خوة غراب
راع الحسد يبغا عليك النكاده
وان قابلك يضحك من الناب لناب
قلبه عليك اسود قوي(ن) سواده
لكن مثله ماحسبنا له حساب
مثله حقير وعايش(ن) في نكاده
وحضه ردي وبارده فيه الاعصاب
لونه على حسده يحصل شهاده
تلقاه له ديوان وله طبعت كتاب
يمدحك في وجهك ولاقفيت نصاب
الله هو اللي مبتخص في عباده
وقت(ن) ماتلقى فيه خوه ولا اصحاب
اللي مدح نفسه وناره رماده
المدح ما يفكه من عتاب الاشناب
تلقاه دايم ما يحب الركاده
هرجة كثير يطبطب الهرج طبطاب
خلك بعيد ولا تقرب بلاده
ومن صاحب الخايب يقولون له خاب
خاو الرجال اهل الكرم والسعاده
والصقر ما يرجع على خوة غراب
راع الحسد يبغا عليك النكاده
وان قابلك يضحك من الناب لناب
قلبه عليك اسود قوي(ن) سواده
لكن مثله ماحسبنا له حساب
مثله حقير وعايش(ن) في نكاده
وحضه ردي وبارده فيه الاعصاب
لونه على حسده يحصل شهاده
تلقاه له ديوان وله طبعت كتاب