نعم إن رضى الناس غايه لاتدرك ..؟؟

[ماجد سليمان البلوي]

نعم إن رضى الناس غايه لاتدرك ..؟؟

السلام عليكم
هذه بعض الدلائل البسيطه على صحه عنوان مقالي ..
واللتي استنبطتها من واقع بعض البيوت .. وليس من واقع الحياه ,,,

1 . اذا تزوجت الفتاه وهي صغيره قالوا :
( حرام اهلها ظلموها ما تركوها تستمتع بشبابها )
واذا تزوجت الفتاه وهي كبيره قالوا :
( ما بغت تتزوج .. تحمد ربها والا دهسها قطار العنوسه )..

2 . اذا صارت الزوجه تزور اهلها بأستمرار :
( قالوا شخصيه زوجها ضعيفه وهو مثل الخاتم في يدها )
واذا تأخرت في زياره اهلها قالوا :
( اعوذ بالله منها بنت عاقه تزوجت ونست اهلها )..

3 . اذا سكنت الزوجه في بيت اهل زوجها قالوا :
( يا حرام ماهي باخذه راحتها في بيت اهل زوجها )
واذا سكنت في بيت لوحدها قالوا :
( من قوه عوابتها ما تبي تعيش مع اهل زوجها في بيت واحد )

4 . اذا ولدت الزوجه بعد العرس مباشره بتسعه اشهر قالوا :
( مثل القطوه تولد بسرعه )
واذا تاخرت فالانجاب قالوا :
( اكيد فيها عيب هي او زوجها )..

5 . اذا تزوجت الارمله بعد وفاه زوجها قالوا :
( هذي خاينه ونست عشره زوجها )
واذا لم تتزوج بعد وفاه زوجها :
( قالوا مسكينه مضيعه عقلها من وين لها رجل يحميها ويصرف عليها )

6 . اذا الزوجه لديها خادمه قالوا :
( هذي مدلعه وما تعرف تسنع بيتها وزوجها )
واذا لم يكن لديها خادمه قالوا :
( زوجها بخيل ما جاب لها خادمه )..

7 . اذا كانت الزوجه تكثر من زيارات جاراتها وصديقاتها قالوا :
( هذي زوجه ما تقعد في بيتها ولا تقابل عيالها )
واذا لزمت بيتها قالوا :
( هذي زوجه معقده وغير اجتماعيه وانطوائيه )

8 . اذا كبرت الزوجه ولا زالت تهتم بجمالها واناقتها قالوا :
( يا صغر عقلها تحسب نفسها صغيره الى الان )
واذا تركت الجمال والزينه قالوا :
( المسكينه عجزت وشيبتها دنياها )..

وفعلا ,,, رضى الناس غايه لا تدرك ,,
ولكم تحيات
ماجد البلوي