المساعد الشخصي الرقمي

مشاهدة النسخة كاملة : قصة فراج بن ريفه القحطاني مع نيله



عايش سالم البلوي
04-02-2006, 12:06 AM
السلاااااااام عليكم ورحمة الله وبركاته


يالله تحي قصر راعين التراث

اليوم طاري علي نسدح هالقصه الى ان شاء الله تحوز على رضاكم واستحسانكم

وهالقصه تبين ان الشخص ماينخدع بمظهر الشخص الاخر ولا يحكم من الظاهر والشكل http://www.eqla3.com/vb/images/smilies/rolleyes.gif

ومثل ماهو معروف ان الرجال مخابر ولا هي مظاهر

مثل مايقول الشاعر :

الفرخ لا يغريك في صفة الريـش***طير الحبارى يا اريش العين قرناس
http://www.eqla3.com/vb/images/smilies/niark.gif

والقصه هي ان كان فيه حرمه تسمع عن شهرة وشجاعه فراج بن ريفه القحطاني واسم هالحرمه نيله http://www.eqla3.com/vb/images/smilies/Copy%20of%20047.gif

وكان وده انه تشوفك يافراج http://www.eqla3.com/vb/images/smilies/S_43.gif ومن شده حرصها على ذلك حطة جائزة بكره من ابلها للي يمكنها من شوفته http://www.eqla3.com/vb/images/smilies/S_45.gif

وفي يوم من الايام جاء فراج ضيف على جماعة نيله

وجاء واحد من عيال الحي وراح لنيله وقال لو مكنتك من شوفة فراج بن ريفه وش الله عطاني منك قالت: ابد انا على

شرطي ولك البكرهhttp://www.eqla3.com/vb/images/smilies/soujojo.gif وعلمها انه ضيف عند البيت الى بضيفتهم فراج

وراحة المره كنها تدور لها شي http://www.eqla3.com/vb/images/smilies/10111.gif وهي ماودها الى بشوفة فراج

ويوم شافته ماجازلها لانه رجال اسمر ومن اوسط الرجال في طوله http://www.eqla3.com/vb/images/smilies/S_43.gif

وهي كانت حاطها في بالها انه رجال طويل واحمر اعطر

فضاق صدرها وطقتها الحسوفه على هالبكره الى راحة على شوفته

وتسرب الخبر في الحي الين وصل فراج بن ريفه وراح نشد عن بيت نيله وراح لها تحت اعين الناس

ويوم قابلها قال هاالابياتhttp://www.eqla3.com/vb/images/smilies/ememail.gif


سـلـم علـى نـيـلـه بـوسـط الجماعـه *** فـأن الـسـلام الجرز مافيه منقـود

يـالـيـتـهـا معنا على الـهـجـن سـاعه *** حتى تعذر وجيهنا لاغـدت سـود

في الليل نسري مثل راعي زراعه *** وباليوم تلفحنا السمايم على القود

حـتى تـمـيـز مـن صـبـي الـشـجـاعـه *** وتشوف اللي كنه السدو ممدود

وتـشـوف خـبـل حـرفته فـي مـتاعـه *** لايـقـضـي اللازم ولاهوب مفقود

وتـشـوف صـمـال بـتـوع ذراعـه *** مـثـل الـفـهد يأتي من الصيد بـضمود

وسلااااامتكم

زيدان البلوي
04-02-2006, 12:19 AM
عايش سالم البلوي
الله يعطيك العافية على اتحافنا بهذه القصة والقصيدة الرائعة
واعتقد ان توجد قصة وقصيدة مشابهه للفارس شليويح العطاوي
شكرا لك ودمت بخير

ابوفالح
04-02-2006, 12:31 AM
القصيدة محل جدال واعتقد انها كما اشار الشاعر / زيدان البلوي تنسب للشاعر الفارس شليويح العطاوي