المساعد الشخصي الرقمي

مشاهدة النسخة كاملة : قصيده لحامد زيد



خالد الفريعي
08-19-2003, 10:15 AM
من عرفت العلم وانتي يالليالي سرمديه
والوصول أغلى طموحات الفتى بأول شبابه

والمهابه ماتهادت غير لنفوسٍ رديـــــه
ليت في قلب الليالي للفتى قدر ومـهابه

دنيةٍ تجمع صفاتين الخجل والعنـــــجهيه
كنها بنت يزود بحسنها ثقــــــل وذرابه

يومـ جتني تمتحني في زمان الــــجاهليه
جيتها رجلٍ تحلى في تقاليد الصـــــحابه

بالعطا تبخل علي وبالعذاب تمــــوت فيه
عشتها قلب شجاع يكره الـــــضيم ويهابه

بس ابدري وش نهاية وصلها وأخــــر هديه
وهو صحيح ان القصايد للجريح أول عذابـــه

ومن عرف لك يالليالي وانتي اكثر من هويه
ومن تحلف في ترابك مقتنع باللي جرى بـه

من قدر يفرض طموحه في زمــــــــان المعمعيه
مَن مِن الناس يتجرا يتركك وانتي ترابــه

السؤال يعيد نفسه والاٍ جابه مـــــبدئيه
والقلوب اللي تخالف ودها صارت تشـــابه

والخلايق ماتسوي طيـــــــبها جود وحميه
كلنا نضحك بوجــــــهِ مبتسم للغدر نابه

لو يصير الموت راعي .. كلبونا له رعيه
لو زعل نزعل ونرضى لا رضى حضرة جــــنابه

والله اني مانويت اكــــــشف ملفات القضيه
لكن اني شفت شــــــيٍ يفقد العاقل صوابه

ياالحياه انتي غديتي بلغرابيل اجـــوديه
كنك اللي مايميز بالخطا غير ارتكــــابه

ماعطيتي غير جرح ولعنبوها مــــــن عطيه
والله انك ما عطيتي خير للقلب وصـــــوابه

خاينه .. ما انتي عزيزة خافقي ياالاجنبيه
جنبي عني وأجنب من مداهيل الغرابــــــه

وأخذ بدربٍ يدرك للقى روحــــــــــه وجيه
يايموت الدرب ولا بدفن القــــــلب بضبابه

وان ذبحتني تمني رجـــــــعتي وابكي عليه
لين تملين المحاجر بالبكا حزن وكــــآ به

وادفنيني بين ظلك والخيوط العســـــــجديه
لو لقيتي بعد موتي واحد بنــــــفس الصلابه

شاعرٍ قدم قصيده لاغلب أيامــــــــــك ضحيه
بين ناسٍ مايطيقون القرايه والكـــــــتابه

يازماني لو بقى للشعر في صـــــــدري بقيه
بكتبه وارسم خيالي بالورق وأروي ســــرابه

وكان ردت للعناد وعـــــــــــودت للمقدريه
والله أني ما اتنازل لين اعديه الســــــحابه

يازمانٍ مبتلي به وابتلى فيني بلـــــــــيه
لاتلوم اللي يخونك كان له عـــــــقل ولبابه

بقفل القلب المشقى عـــــــن هبايبك العتيه
ودق بابه من بعدها لو قـــــــدرت تدق بابه

الحياه اللي تسمي لعبة الشاطر خــــــــطيه
ماتساوت في عيوني مـــــــع جناحين الذبابه

أذكـــــــــر أني كنت عايش بالليال الاوليه
وأذكر أني كنت عايش وقتها باحضـــــان غابه

ماعرفت إلا عبارة مثلها مثـــــــــل الوصيه
عيش عمرك ذيب تسلم من مخالــــــيب الذيابه

موسى بن ربيع البلوي
08-19-2003, 05:07 PM
صح لسان الشاعر
و يعطيك العافيه يا امير على النقل

البعيد
10-10-2003, 11:19 AM
يعطيك العافيه يامير
فعلااً امير بشاركاتك
اخوك البعيد

عاشقه السهر
11-22-2003, 02:37 PM
السلام عليكم ورحمه الله وبركاته

مشكوووووووور يالامير على هذه المشاركه ولك جزيل الشكر

اختك عاشقه السهر