المساعد الشخصي الرقمي

مشاهدة النسخة كاملة : ربعي بلــــــــي



معيض ابراهيم الرموثي
08-26-2003, 12:14 AM
مناسبة هذه القصيده عندما قمت بطلب يد العون والمساعده
من قبيلة(بلي) في حفرالباطن بدفع مبلغ لفرقة ابن عمي
المسجون وقد واجهت ماهيض شجوني من فعل اولاك الرجال
الذين جعلوا الطيب عنوانا لهم في الفزعه والكرم...

ياالله يا لمعبود يا خالق الناس
يامنجي موسى ومنجي خليله

لك الثناءوالحمدمن قلب واحساس
والشكر لك مني بفضلك جزيله

بعض الحمول تزلزل بشامخ الباس
وكم واحدا بمشي وروحه عليله

وبعض الحمول تهد للحيل بالياس
و العاقل تخليه مثل الهبيله

وانا بفضل الله علي ارفع الراس
بااللي مواقفهم مواقف اصيله

ربعي بلي تشفق على كل نوماس
ومن طيبهم يا طيب ذيك القبيله

لقيتهم في مجلس العز جلاس
وقامت رجال وكل رجل يعنيـــله

زادوا هلا وماجود ماقيل لدباس
و مشرعين البيت كل يجي له

شاموا بها والكل كاظم باالاضراس
و ياكن واحدهم على له مليله

لقيت منهم با الكرم طيب الساس
وعطيته والله ما هي قليله

ولقيت منهم طيب ونادر اجناس
ورايه سداد للي يدور دليله

هذاك ابو نواف والعرق دساس
صالح غضيان الشرف والفضيله

هو مسندي والقدوه ودوم نبراس
حر قليل وصعب نلقى مثيله

وهذاك ابو خالد ليا صار لولاس
ابراهيم جريبيع الكرم والوسيله

نور البيوت اللي على غر الاطعاس
هذا هو اسمك و الخصايل جليله

انت الربيع ويمدحك كل عساس
يوم(ن)ولد اللا ش حمله صميله

عا شوا بني عمي ولا عاش الانجاس
و عاشوا بني عمي سنين طويله

وختامها مني على صفح قرطاس
و اللي وقف لا يمكـــن انسى جميله


اخوكم.سالم جازي السحيمي البلوي

موسى بن ربيع البلوي
08-27-2003, 02:18 AM
رائعه جدا القصيده
معاني حلوه
يعطيك العافيه

wateincom
05-19-2004, 10:55 AM
س1
تم التوثيق وشكر الله لك
http://www.bluwe.com/articles.php?articleId=97

ياسر حمدان المقبلي
03-05-2005, 01:30 AM
تسلم على القصيده