المساعد الشخصي الرقمي

مشاهدة النسخة كاملة : محمد السناني و رشيد الزلامي



احمد مصيليح العرادي
06-01-2006, 09:48 PM
لمحبي شعر المحاورة والنقض والفتل هذه محاورة بين شاعرين من عمالقة شعر الرد في السعودية والخليج تفوح بالمعاني التي لا يستطيع ان يحبكها إلا من هم بحجم شاعرينا اتمنى ان تنال اعجابكم :



السناني

هل الطايف عرب منهم تسلسل يوسف الحجاج = نشرله في بـلاد الرافديـن ابيـات مشهـوره

رشيد الله يبـارك فيـه ماحصلهـا مخـراج = وصاحبنا دخيل مافرق بالاصـل والصـوره


الزلامي

طردنا يوسف الحجاج وانته تبغـي المنهـاج = بعد ساعه يبي يضحك عليك مشجـع الكـوره

تعبنا يالسناني مـا لقينـا للمريـض عـلاج = اثر بعض المرض يتعب دمرجيـه ودكتـوره


السناني

ترى التاريخ فيه اثبات ماهو هرجة الهـراج = وأضنك ما دخلته غير بعد عيال اخـو نـوره

منول يالزلامي في يداك الوضع مـا يحتـاج = وهالحينه وراك تدور مستشفـى وشرشـوره


الزلامي

ترى التاريخ واضح في زمان الفتح والمعراج = أخذنـا حقنـا وانتـم بعـد يبغالـكـم دوره

تهاوشتوا على مغراف فول وخبزتن في صاج = عجز يقنعكم الشيخ الكبير ومجلـس الشـوره


السناني

كفو ياصحابنا قـدام ذاك الخـط مـا ينعـاج = وهالحينه من البحر الحمـر ينبـل حنجـوره

حضرت الهوشه الكبرى وقمت تراقب الابراج = لكن شوري عليك تخلي الاوضـاع مستـوره


الزلامي

عسى ربي يعز الشمعه اللي نورهـا وهـاج = ويعين اللي من البحر الحمر مدلك ماصـوره

مدام البر جاك من اليمـن والتمـر بالافـلاج = لا تطمع في هذيك الصره اللي عنك مصروره


السناني

نقول الله يديم اللي وجـوده فالليـال سـراج = يسدد عنك فاتـوره ويلغـي عنـك فاتـوره

تجمعتـوا ثـلاث ايـام فالطيـاره الميـراج = وكبتنها غشيـم ورحلتـه ماهـي بميسـوره


الزلامي

على كلمتك هذي مستحقـن نجمتيـن وتـاج = لكن تقص روس النـاس لواعطـوك دبـوره

انا والله مبيلك بين خلـق الله غثـا واحـراج = لكن انته حدى الركـاب والاحـوال مستـوره


ولكم خالص تحياتي