المساعد الشخصي الرقمي

مشاهدة النسخة كاملة : محاورة بين بوش وبلير&&&لاتفوتكم



محمد عوده بن رفاده
06-16-2006, 03:13 AM
السلام عليكم ورحمة الله وبركاته

أليكم هذه المحاوره بين بوش وبلير ؟؟؟؟؟؟؟؟أرجو أن تنال على رضاكم وأعجابكم





بلير:

الله لايـجـزاك بالخـيـر يـابـوش

ورطتنا فـي حـرب صـدام ورطـه

غرمتني وتقـول بتـرول وقـروش

بس الحقيقه روحتـي معـك غلطـه

بوش:

يابلير رد العلم عن بوش إبن بـوش

الله خلقـنـا للمقـاريـد سـلـطـه

وأبـوي عنـده للرياجيـل دنبـوش

كـم واحـد شلنـا فلوسـه ونفطـه

بلير:

أبوك والنعمين لكـن انـت مربـوش

تمـوت بالبتـرول وتحـب شفطـه

صحيح عندك مال وسـلاح وجيـوش

ميـر اتوقعلـك تدهـور وسقـطـه

بوش:

يابلير كانك خفت يوم إحتمى الهوش

حـرام ماتاخـذ مـن النفـط نقطـه

قبلك ترى شيراك قـد راح مكـروش

شوفه يصـرح كـل يـوم بمحطـه

بلير:

وراك ماتعطـي لشيـراك عرمـوش

تـراه مشغلنـا بشيـلـه وحـطـه

وليا انتهى موضوعنا نرسل طـروش

ونجمـع المبلـغ مـن الربـع قطـه

بوش:

شيراك هذا عنـده الفكـر مغشـوش

فرط علـي بمجلـس الامـن فرطـه

يـدزه اليابـان والصيـن ويطـوش

ومجهـز الفيتـو لتحقيـق شرطـه

بلير:

يابوش انا مرهق وخايف ومدهـوش

وأنت تقول الحـرب خدعـه وخطـه

أسراي واسراك امتلى منهم الحـوش

عزالله أنـه اصابنـي منـك جلطـه

بوش:

ماقلتلك كم فيـه إذاعـات ودشـوش

لاتكشف المعنى وانـا اقـول غطـه

وان قالوا انّا علوج واصحابنا جحوش

ماهمنـا الصحـاف واللـي يحطـه

عبدالله سليمان الوحيشي
06-17-2006, 06:57 AM
الله يدمرهم
كلهم
كل واحد العن من الثاني
ابن رفاده
تسلم على النقل




عبدالله

محمود الجذلي
06-17-2006, 01:11 PM
محمد عوده بن رفاده,,

,

سلمت يمينك ,, يالغالي ,, والله يعطيك لعافية على هذا النقل ,,

,
لك شكري وتقديري,,

نواف النجيدي
08-15-2006, 04:01 PM
الله يدمرهم
كلهم
كل واحد العن من الثاني
ابن رفاده
تسلم على النقل

أبو نهار
08-15-2006, 08:20 PM
اخي / محمد عوده رفاده

الله يدمرهم
كلهم
كل واحد العن من الثاني
ابن رفاده
تسلم على النقل

نورة بلي
08-16-2006, 12:49 AM
الله يرميهم في اعمااااااااالهم

محاوره رااااااائعه

محمد عوده بن رفاده
08-16-2006, 02:52 PM
اشكركم اخواني على مروركم الجميل والرائع***