سينمائيات ... الجزء الاول

[الــفــيــصــل]

بسم الله الرحمن الرحيم
السلام عليكم ورحمه الله وبركاته ....
اعجبتني شخصيه الاخوان والعريف والضابط والسجين عماره
طبعا شخصية الابطال الاثنين
رشيد اخو زيدان
شارك في البطوله
الضابط = قوقل
العريف = علي عايش الرقيقيض
عماره = اوسكار الهرفي
رشيد صح انت اخوي.. رشيد صح انت سندي وقت الشدايد .. رشيد صح انت عضيدي .. رشيد صح انت سيفي و درعي .. رشيد صح انت المنقذ لي .. رشيد صح انت الباقي لي في الدنيا .. رشيد صح انت نايم و ما تسمعني .. هذا انت يارشيد اذا احتجت لك تسوي نفسك نايم .. انا عارف انك تسمعني بس مو ذنبي اني طلعت الشين .. رشيد ترى بيجي يوم و تحتاجني فيه و بسوي نفسي نايم .. رشيد ترى غرورك هذا بيخرب اخوتنا .. انا اذا شفتك ساحب علي اكثر من كذا بشيل قشي و اشوف لي مكان يتسع لي .. و هنا يا اخوان وقف رشيد و قال و بكل اخوه و محبه : الا وش رايك اساعدك في حزم حقائبك هههههههههه يا اخوي يازيدان .. انا ماني مستعد اتحمل غلطة ابوي و امي طول العمر .. يا اخوي يا زيدان ما عندي استعداد ان التاريخ يحاسبني على انك صرت اخوي .. ما عندي استعداد ادفع ثمن لحظه تهور و طيش من ابوي و امي
ياخي يكفي اني اتحمل الكلام اللي يجينا اذا صرنا مع بعض و اسكت...اجل امس يوم تعزمني في كفي و تمر علينا بنت و تقول لنا حرام كل هذا الجمال يندفن مع الي معاه ... لا واللي قبل امس وحنا واقفين واحد يقولك بالله صوره ابي اخرع فيها اعيالي وقت النوم ..
بس يا رشيد .. بس خلاص يكفي .. كل هذي المدة و انت شايل في صدرك .. طيب صارحني حرام تكذب علي و تمثل علي دور الاخ اللي يحب اخوه .. لكن اسمع يا رشيد .. هذا قدرك ما تقدر تهرب منه .. انا اخوك غصب عنك .. و من اليوم انا قررت احرجك في اي مكان تصير فيه .. بخليك تدور حول نفسك و تهوجس فيني .. و هنا صاح رشيد في زيدان : هيييييييييه انا بدون شي ادور حول نفسي و اهوجس فيك .. ياخي صرت قبل ما ادخل البيت واشوفك اتعوذ من ابليس .. رد عليه زيدان و في صوته كل معاني الحزن : افهم من هذا انك تبي تقطع صلتك فيني .. افهم من هذا انك تبي تنهي اخوتنا .. قال رشيد : صلتنا مقطوعه من يوم طلعت من بطن امك و احتار الطبيب فيك انت طفل ولاخرقه سودا سبق و دخلها ابوي في فم امي و هوزعلان عليها ( وش ذا العائله اللي تكره بعض ) .. ارحمني ياخي ماتعرف انك يوم انولدت صار كسوف وخسوف سوا...لاتعرفني ولا اعرفك زهقتني ياخي ...ياخي اخوتنا منتهيه من يوم مسكتني على جنب مره و سألتني : رشيد الحين جدتي وش تقرب لنا ؟ .. اخوتنا انتهت من يوم شفتك واقف عند جدار و تحك راسك و سألتك وش تسوي قلت لي جالس افكر يعني لو طاح الجدار علي بيمديني انحاش او لا .. ياخي علاقتي فيك انتهت من لحظة ما دخلت عليك في دورة المياه تبي توضى لك ساعتين و انت تفكر وين يدك اليمنى من اليسرى وتقعد تنتف حواجبك .. لا لا يا زيدان وضعك صعب اسمح لي انا بشوف لي اخ ثاني غيرك ..
و لم يسكت زيدان لرشيد بأن قال له : حتى انت يا رشيد عندك اخطائك اللي مرات افكر اني اتبرى منك .. قال زيدان : تذكر يوم اقول لك خلنا نروح لبيت عماني و تقول لا ابي اروح لبيت اماراتي فيه انسان صاحي يقول كذا .. قال رشيد : هههههههههههههه ياخي كنت امزح امزح .. رد زيدان عليه : و يوم تقول لي مره في الليل ان الواحد لازم قبل ما ينام يغمض عيونه .. قال رشيد : طيب وين المشكله .. قال زيدان : بالله كيف يعرف الواحد انه مغمض عيونه و هو نايم .. قال رشيد : والله يا اخوي حنا بني الانس الواحد ينام و هو مغمض عيونه .. بس انتم يا الخيال تنامون و عيونكم مفتحه هههههههههه .. اقول شف لك خطأ عليه القيمه .. قال زيدان : رشيد بس بس والله يرحم ثنين خلفوك .. انت كذا ضحكت الجمهور و خسرت اخوك .. بالله عليك وش استفدت من هذا
طيب طيب يا زيدان وش رايك عندي حل لهذا الخلاف بينا ويمكن نتفاوض .. شف يا حبيبي انا المفروض اني انزل موضوع جديد بطولتي .. قال زيدان : طيب انا وش دخلني تنزل موضوع تنزل شحنه تراب في وجه العدو .. ياخي انت ليش تستهتر فيني لهذه الدرجه .. صاح رشيد فيه : هيييييييييييييييييييه انت اسمع وش بقول لاتصير مطفوق .. رد زيدان عليه و قال : طيب طيب كمل خلنا نشوف وش عندك من علوم مع اني خابر ما عندك الا انا حلو انا قوي انا اقدر اسوي كل شي .. هذا اللي نشوفه منك في المواضيع .. وبعدين يخرج القاري بدون فائده .. بس بس يازيدان الناس تمدحها ( هكذا رد رشيد) .. و كان رد زيدان عليه : ماتبسبسش الناس تخدعك و تجاملك علشان فلوسك وجمالك بس .. المهم يازيدان الموضوع هذا بيكون بطولتك انت .. بتكون الكل في الكل .. تسويي فيه اللي تبي .. ابيك تثبت للاخرين انك كفو تصير اخ رشيد .. لك كامل الحريه في اختيار الاحداث و التفاصيل .. لا تخلي شي في خاطرك ما تسويه في الموضوع .. و دمعت عيون زيدان بعد سماع الخبر مثل ما راح تدمع عيونكم من الضحك بعد نهايه الموضوع ( دعاية مجانيه ) .. من جدك يا رشيد تبي تخليني بطل .. تبي تترك كل هذا المجد علشاني انا .. انا اسف يا رشيد اني شككت في اخوتك .. انت اعظم اخ في العالم .. ضمني يا رشيد خلني اكفر عن اخطائي ( يقولون اذا الواحد اخطأ و يبي يكفر عن اخطائه يروح للي اخطى عليه و يضمه حقيقه علميه من صنع خيالي ) .. ما صار شي يا زيدان .. انت بس ارفع راسي في الموضوع .. رد زيدان : ابشر يا رشيد انا الحين بروح اغير ملابسي علشان اجهز نفسي للموضوع .. قال رشيد : يالله الاعضاء ينتظرونك على احر من جمر و قال زيدان بينه و بين نفسه : ههههههه والله يا انت بتكره حياتك بعد هذا الموضوع وسمعها رشيد وبدت الاحداث
اركب يـاالجنط ....اركب يالوووح ... اركب طراااااااااااااااااااااااااااااااخ .. ادعس في بطنه يا عريف علي .. تكفى ابي اشوف عيونه تطلع .. ابي اشوف الامعاء الدقيقه و هي طالعه مع عيونه كيف مهوب شغلي المهم تصرف .. عريف علي انت ما تكره الحكومة و الضباط صح .. حط حرتك في هذا الوقح .. اعتبره الحاكم اعتبره الضابط الوحيد في العالم .. عريف علي ما تبي تاخذ اجازه .. خلاص ابيك تفتح فرع لسجن ابو غريب في زنزانه هذا السجين .. صاح العريف علي : ابشر طال عمرك بس ممكن تقول لي وش اسم الووح هذا .. الووح هذا اسمه زيدان ( اها الحين انا عرفت ليش رشيد سمح لزيدان يصير البطل ههههههههههههههههههههههه )
اه اه اه عذبتني ياخي .. ابي اعرف وش سويت لكم .. انا انسان مسالم ما عمري تعديت على احد او سويت له شي .. بالعكس الناس تغلط علي و اسكت و اقول لهم جزاكم الله خير انا زيدان ماني رشيد .. يمكن علشان الشبه اللي بينا تحسبون اني رشيد .. وش وش قلت .. ممكن تعيد كلمتك اللي قبل شوي .. شبه ايه يا بو شبه .. انت حتى نفسك مو ممكن يكون بينك وبينها شبه بهذا رد العريف علي .. بس علشان اختصر لك الموضوع و ما تتعبني معك .. انا ما اعرف وش تهمتك او قضيتك .. او اعرف ليش الضابط مهتم بتعذيبك لهذه الدرجه .. و حتى لو اعرف شي ماني قايل لك .. اهم شي اني اخذ الاجازه و انت بقريح يا المدود
كانت تلك الاحداث في السجن حيث يقبع زيدان .. من غير ما يعرف وش تهمته و اسباب دخوله للسجن مع انه داخل الموضوع على اساس انه بطل.. لكن ما حدث خلاف ذلك .. , وبعد كل هذا امر الضابط بوضع زيدان في زنزانه رقم454.. سمع العريف علي رقم الزنزانه و صاح في الضابط : تستتتتتتتتتتتتهبببببببببل .. وش اللي454 انت تدري من اللي فيها .. تدري وش يبي يسوي في زيدان لو دخلت عليه .. قال الضابط : احترم نفسك و لا ترفع صوتك علي لا اتوطى في بطنك و ارميك في454 .. انا عارف وش اسوي و غير كذا هذا امر من السلطات العليا .. قال العريف علي : بلا سلطات العليا بلا سلطات غبييرة .. انا ما اقدر اشترك في الجريمه هذي .. رح وده بنفسك .. قال الضابط : طييييييب طييييييب يا عريييف انا اوريك بس بعدين والله ان تزعل كش عليك ...
اللي ما تعرفونه عن زنزانه رقم 454 ان فيه اشرس سجين في تاريخ البشريه .. اعنف سجين في تاريخ الارض .. العن سجين في تاريخ المجره .. السجين اللي دوخ كل الحكومات في العالم .. السجين اللي كل حياته و هو مطلوب للعداله .. السجين الوحيد اللي يسرق اي بنك و هو جالس في بيتهم .. السجين اللي ما فيه سجن في العالم قدر يحتجزه اكثر من يومين و بعدها ينحاش .. السجين اللي من الممكن انه يكون جيش لحاله .. ما فيه سلاح ما يعرف له .. ما فيه مركبه عسكريه ما يقدر يسوقها .. خطف مليون طياره .. خطف مليون سفينه .. خطف مليون حاملة طائرات .. ما فيه شي ما خطفه .. حتى قلوب العذارى خطفها قبل ما يطلع في الساحه شي حلو وما يخرب سوقه
هذا السجين كان اسمه ( عماره ) .. و سبب هذا الاسم انه يوم كان طفل كان يحب يلعب بالعماير و الفلل .. يعني يشيل عمارة يدمر فيلا .. يحوس عمارة شقق مفروشه و هكذا .. جنن بلدية تبوك .. لعـن خيرها هبل في هيئة تطوير تبوك كل يوم مطلعين خريطة جديدة للمدينة .. و كبر عمارة و صارت هوايته الجديدة تدمير الدول .. اللي قاعد يصير في العالم حالياً السبب فيه عمارة .. لا تصدقون حزب الله و اسرائيل و حربهم .. عمارة هو اللي مسوي كل شي هو اللي يرسل صواريخ على الجنوب اللبناني.
__________________
سأتوقف هنا الان و غدا ان شاء الله سأواصل :rolleyes:

[علي بن عايش الرقيقيص]

الفيصل يعطيك العافيه على هل اداء الرائع وانتضر الجزء الثاني على احر من الجمر

اخوك العريف:علي بن عايش الرقيقيص

[محمود الجذلي]

الفيصل.

وين الناااااااااااس ياهووة

خخخخخخخخخخخخخخخخ
خخخخخخخخخخخخخخخخخخ
خخخخخخخخخخخخخخخخخخخخ

اما رشيد وزيدان تقول سعيد وسعيييد ,
:eek:

يسلمو وننتظر الجزء الثاني

.,

[ياسر حمدان المقبلي]

خخخخخخخخخخخخخخخخخخخخخخخخخخ
الفيصل
ابداااااااع

<<< مشتري كرتوب بايسن ويتحرى الجزء الثاني

[الــفــيــصــل]

إثبات تواجد ووصول
وتحية تقدير لضيفيوفي


تكملت الموضوع


المهم ان الضابط ( قوقل )مسك زيدان مع يده و راح فيه الى الزنزانه رقم 454 .. وكانت الابتسامه مرسومه على وجه الضابط .. و استغرب زيدان و سأل الضابط : انت اول مرة تدخل مجرم شرس يعشق الدماء مثلي لزنزانته .. ضحك الضابط ضحكه خفيفه و قال ايه صح انت مجرم شرس .. يا ليت انك ما تجرم في خويك اللي في الزنزانه .. ترى الرحمه زينه و انا ضابطك .. قال زيدان : هههه لا تخاف انا قبل ما ادخل السجن غيرت قلبي و حطيت محله قلب ممرضه علشان اكون عاقل في السجن و اطلع بسرعه ( صدق نفسه ) .. كع الضابط ضحك هههههههههههههه ثم قال : ياخي حبيتك بعد سالفه قلب الممرضه .. لكن الشكوى لله فيه ناس تحب لك الخير و الدليل انهم طالبين وضعك في الزنزانه رقم 454... الزنزانه اللي اخذت المركز الاول من حيث الهدوء

وصل الاثنين الى الزنزانه بس الثلاثاء ما بعد وصل ههههههههههههههه ( ايوه اشتغلت المصاله ) .. وصل الاثنين الى الزنزانه .. و مع وقوف زيدان عند باب الزنزانه استغرب من خروج دخان من الزنزانه و قال : والله يا ضابط ما له داعي ذا التكاليف .. وش هو له الذبايح و الشوي اللي في الزنزانه .. قال الضابط : وش ذبايحه وش شوي انت تحسب الدخان دخان الشوي .. لا يا ذكي هذا زميلك في الزنزانه قاعد يدخن .. يالله ادخل الزنزانه و ما ابي اسمع صوتك الا بعد 24 ساعه .. و على فكرة ترى خويك في الزنزانه يحب ان الواحد يمون عليه بسرعه ( يبي يوهقه النذل ) .. قال زيدان : لاتخاف انا بسرعه اندمج في المجتمع .. رد الضابط بصوت خفيف : و بتندبغ بسرعه بعد خخخخخخخخخ .. ثم فتح الباب و دخل زيدان الزنزانه .. و هي كلمه وحده قالها زيدان : السلام .. اي والله يا اخوان قال السلام حتى ما كملها .. الا عمارة قايم من سريره و شايل زيدان و ماحط به على الارض ثم سحب الكرسي و حط راس زيدان بين رجول الكرسي مثل ما يصير في الافلام .. ثم نفث عمارة دخان زقارته في وجه زيدان و قال له : اسمع يا الطيب تبي تعيش بسلام ما ابي اسمع كلمه وحده منك فاهم .. تراني احاول امسك اعصابي علشان ما ارتكب جريمه في السجن و اطلع بدري .. و انا انسان عصبي اقل كلمه تنرفزني .. لو تبتسم في وجهي يمكن اقطعك مليون قطعه .. لو تهوجس انك ترد السلام علي لعنت خيرك

قبل كل شي قل لي اسمك .. قال زيزو بصوت مبحوح و هو يحاول يخفي انه متضايق من دخان عمارة : اخوك الصغير زيدان خادمك طوال فترة سجنك .. و عمارة يرفع الكرسي عن رقبة زيدان .. و زيدان يبتسم و يقوم و هو يقول لعمارة : خخخخ ياخي مزحك ثقيل .. رد عليه عمارة : يعني كلامي اللي قبل شوي راح ادراج الرياح .. ما كني قلت لك ما ابي اسمع كلمه وحده .. ما كني قلت لك ما ابيك تبتسم في وجهي .. ياااخي وش اسوي فيك .. اذبحك .. قال زيدان : اسف اسف .. صاااااااح عمارة : هييييييييه اسكت و لا كلمه تفهم .. قال زيدان : ايه افهم خلاص بسكت .. و نط عمارة على زيدان و جلس يترفس فيه و هو يصيح : اسكت اسكت اسكت و لا كلمة .. و زيدان يرد عليه : طيب طيب بسكت خلاص والله بسكت

و عمارة مرة يرفس زيدان في بطنه و زيدان يصيح : بطني بطني و عمارة يقول اسكت اسكت .. و مرة عمارة يفر رقبة زيدان و زيدان يصيح رقبتي رقبتي .. و عمارة يصيح فيه اسكت اسكت .. و مرة عمارة يمسك زيدان مسكه مخلبيه و زيدان يصيح راسي راسي و عمارة يصيح اسكت اسكت .. و يقوم عمارة و يمسك رجلين زيدان على شكل اربعه و زيدان يحاول انه يزحف على الحبال و المساجين يصايحون و يصفقون لزيدان علشان يتحمس .. و زيدان يزحف و عمارة متمسك في رجلينه .. و مديرة اعمال زيدان تحاول تدخل الحلبه علشان تساعده بس زيدان يأشر لها يعني تراني اقدر افك نفسي .. ثم اشر زيدان على مديرة اعماله اشاره تعني غطي وجهك تراني اغار عليك وزيدان تحت عماره يقول هييه يالمؤلف يالكاتب يالفيصل اسمع يا حبيبي سالفه دخول مديرة الاعمال ما راح اعترض عليها لكن سالفه غطي وجهك هذي كيف عرفتها ممكن تشرح لي ههههههههههههههه ( طبيت في بطنه ورجعت اكمل الموضوع )

و دق الجرس و انقذ زيدان من جريمة قتل كادت ان ترتكب بحقه .. الجرس اللي دق هو جرس خروج المساجين الى ساحة السجن .. وشي اكيد ان بعد كل هذا زيدان مايقدر يطلع .. و الشي اللى ما تعرفونه عن عمارة انه حساس .. و فيه كمية عواطف لكن الشارع كبتها عن الخروج .. بتقولون وش الطاري بقول لكم وش الطاري الله ياخذ ذا الاشكال اللي ما تخلي الواحد يسولف ههههههههه .. عمارة بعد ما شاف حالة زيدان بعد الدبغ .. عطف عليه و خاف عليه من عقاب مدير السجن لو طلع و حصل زيدان ما طلع للساحه .. قام عمارة و شال زيدان و طلعه من الزنزانه و راح به للساحه .. و شوي و قام زيدان من الغيبوبه المؤقته .. و قال : والله يا انا شبعان نوم .. فكع عمارة ضحك هههههههههههه و قال : ياخي انت رهيب مكنك متسطر قبل شوي .. احيي فيك هذه الخصله النبيله

قال زيدان : نبيله عبيد هه هه .. و ما فيه احد من المساجين في الساحه الا و طمر في بطن زيدان بعد هذه الدعابة الا عمارة كان واقف في نص الساحه و الدهشه مرسومه على وجهه .. و هو يحدث نفسه قائل : المصاله هذي مرت علي قبل كذا .. هذي مهيب غريبه علي .. مستحيل انه يكون اللي على بالي .. هذاك اطخم و احلى من كذا بكثير .. ممكن يكون مركب قناع و منتحل شخصية ثانيه علشان ياخذ مني معلومات عن اللي ابي اسويه بعد ما اطلع .. هو ذكي و يقدر يسويها ليش لا .. طبعا كل هذا الحديث و زيدان يصيح في عمارة يبيه يفزع له و يصيح و يقول : خلاص مو نبيله عبيد .. نبيل شعيل و الناس ترجع تطب في بطنه .. حتى كان فيه سجن نساء قريب من سجن الرجال .. دخلوا السجينات و شاركوا الرجال في هذه المعركة و بعد انتهاء المعركة دق جرس الدخول

بعد ما رجع زيدان و عمارة الى الزنزانه كان عمارة يطيل النظر الى زيدان و يراقب تحركاته .. حركة حركة خطوة خطوة نفس نفس .. و استغرب زيدان من الموضوع .. و استغرب اكثر ان عمارة ما اعترض على سواليف زيدان و لا نكته اللي مثل وجهه .. و فكر زيدان انه يخربها و يقول نكته ماصخه .. فقال : اسمع يا ابو عمرة عندي نكته ) العاده عمارة لو يدلعه احد نفت خشمه كيف عاد اذا صار مع الدلع نكته ماصخه الله يستر ) .. ابتسم عمارة و قال له : قل النكتة اشوف خلنا نوسع صدورنا الواحد ضاق صدره من الجدران و السجان .. و قال زيدان : و الله يلعن رشيد

هو قال رشيد اول ما قال رشيد .. الا عمارة يصيح و يقول : كشفتك يا مجرم .. اسف صح انا المجرم .. ثم رجع و صاح عمارة : كشفتك يا ضابط .. انت رشيد اللي دمر حياتي .. انت رشيد اللي خرب بيتي .. قال زيدان : لا والله مهوب انا حرام عليك .. لا تظلمني اسمعني قبل ما تحكم علي .. قال عمارة : يالله تكلم هذا انا اسمعك يا الله قل اللي عندك .. ياخي تكلم قبل ما اخنقك .. قال زيدان : طيب نزلي من فوق .. وخر يدك من رقبتي علشان اسولف .. تنحنح عمارة و قال معليش اسف .. يالله تفضل قل لي وش دخل رشيد و ليش تلعنه

قال زيدان : مثل ما رشيد دمر حياتك .. برضوه دمر حياتي و هدم كل احلامي .. قال عمارة : ليش انت مجرم مثلي .. وش تهمتك و ليش دخلت السجن .. قال زيدان : والله ما سويت شي و لا اعرف وش تهمتي و ليش دخلت السجن .. قال عمارة : اجل وش قصتك مع رشيد و ليش دمر حياتك .. قال زيدان ياخي انا اخو رشيد .. و مره اخرى يطب عمارة في بطن زيدان و زيدان يصيح : بطني بطني و عمارة يقول اسكت اسكت .. و مرة عمارة يفر رقبة زيدان و زيدان يصيح رقبتي رقبتي .. و عمارة يصيح فيه اسكت اسكت .. و مرة عمارة يمسك زيدان مسكه مخلبيه و زيدان يصيح راسي راسي و عمارة يصيح اسكت اسكت .. و يخنقه و يشوته على جدران الزنزانه .. و اذا رجع له ثبته على الصدر و شاته على الجدار مره ثانيه .. و طلعت شاشه رقميه فوق تحسب عدد المرات اللي يضرب فيها زيدان الجدار .. الى ان حطم عمارة الرقم القياسي اللي كان مسجل بسم رشيد ( رشيد مدبغ عماره خخخخخخخخخخخخ (

و بعد ما وقف عمارة عن التشويت .. قال له زيدان : ياخي عطني فرصه اكمل لك السالفه .. تراك زودتها .. انا داخل الموضوع علشان اصير بطل مهوب علشان تمسخرني .. قال عمارة : معليش اسف بس تعرف انا عشت طفولة معذبه هي اللي خلتني اصير كذا .. و لا اصلاً حلو وقوي بس الدنيا .. قال زيدان : يا بن الحلال ريحنا وش طفولته انت و وجهك .. اشوا ان امك انجبتك في السجن ريحنا .. قال عمارة : اقول لك كمل السالفه قبل ما احطم الرقم القياسي ثانيه مره و ضعف بعد .. قال زيدان : طيب طيب رشيد هو اخو على الاوراق بس .. لكن في الواقع هو عدو .. دايما ما يحتقرني و يستخف بي .. و يحرجني عند الناس .. و كثيراً ما يعلن انه ما يعتبرني اخوه .. ما يراعي شعوري و لا يحسب بي .. قال عمارة : انا ما الومه صراحه لكن مهما كان انت مثل اخوه خخخخخخخخخخخخخخخخخخ

و اكمل زيدان و لا كأنه سمع تعقيب عمارة اللي مثل وجهه : كرهني في الدنيا .. و كرهني في الحياة .. و بسرعه قال عمارة : ما كرهك بالوطن و الجزيرة بعد هههههههههههههه .. وغصب عنه ضحك زيدان اولاً ان عمارة بيدبغه و ثانياً ان الدعابه حلوه و صراحه اعجبت المؤلف ( الفيصل) هههههههههه .. عاد اقول لك يا عمارة كل يوم و حياتي مع رشيد تصير مستحيله .. قال عمارة : ليش انتم متزوجين .. قال زيدان : وجع كيف متزوجين حنا اخوان .. قال عمارة : عبارتك ما يقولها الا متزوج يتكلم عن زوجته .. قال زيدان : يا ليت تأكل لك كبر راسك و تخليني اكمل .. قال عمارة : الله يلعن البطولة اللي تخليك ترفع راسك علينا يا كومبارس .. يا حليلك يا رشيد على الاقل كان لك حق تشوف نفسك

قال زيدان هذي هي حكايتي مع رشيد .. بس انت ليش حاقد على رشيد .. رد عليه عمارة بعد تنهيده حاره : قبل كل شي انا ارتحت لك حسيتك طيب و احسن من اخوك لا بارك الله في من اخ .. و انا بقول لك سالفتي مع اخوك و بصير صديقك .. قال زيدان : صعبه اقول اني اتشرف بهذه الصداقه تعرف مجرمين ما بينا شرف ههههههههههههه .. و ضحك عمارة و قال والله انك صادق بس ان شاء الله ان صداقتي معك بتغير حياتي و تخليني اعقل .. بس قبل اخلص اخر عملية ثم اترك الاجرام .. قال زيدان : وش هذي العملية .. خير ان شاء الله .. قال عمارة بقول لك وشهي بس خلني اقول لك قصتي مع رشيد

هذا يا طويل العمر كنت اخطر مجرم في التاريخ .. كل دول العالم تبحث عني .. لكن ما احد قدر يصديني او يعرف اي شي عني .. قال زيدان : مثلي ما احد يعرف عني شي ههههههه .. قال عمارة : خخخخ اقول خلني اكمل لك السالفه بلا مصاله صدق انك اخو رشيد ههههههههه .. المهم يا زيزو مع الايام زاد تدميري للعالم و قررت الدول انه تشوف لي واحد اقوى مني يقدر يجيب خبري .. و هذا الخبر وصلني لكن غروري اعماني و ما صدق ان فيه احد اقوى مني .. الا ان دخل اخوك في الموضوع .. و صار يطاردني من دوله لدوله .. من ديره لديره .. كرهني في الاجرام و في الدمار .. صرت اجلس بالشهور ما اطلع من بيتي .. و اذا طلعت صار زوله يلازمني .. وقفت عن الجرايم فتره .. ثم طفرت و قررت ارجع في عملية العمر ثم اعتزل و اهاجر الى مكان لا تصله يد رشيد .. قال زيدان : وين هذا المكان بالله خذني معك

قال عمارة : ما فيه مكان بهذه المواصفات .. اخوك جبار ما فيه شي يصعب عليه .. المهم و انا طالع من البيت ابي اقوم بالعمليه الا اخوك في وجهي و هو يبتسم ابتسامته الساحره و يقول لي بكل غرور : تبي البسك الكلبشه او تعرف تلبسها بنفسك ههههههههههه .. و رماها علي و قال لي يالله تراني احتريت في الدورية لا تتأخر علي خخخخخخخ .. و قال زيدان : و ليش ما انحشت .. قال عماره بأبتسامه تحمل كل انواع المراره : انحاش و رشيد حاطني في راسه .. المهم هذي السالفه بأختصار و هذا انا في السجن .. احتري متى اطلع علشان اقوم بعمليتي الخطيرة اللي ادمر فيها رشيد .. و اعيش طوال عمري غني و ارتاح من الجرايم و همها

قال زيدان : وشهالعمليه ممكن اعرفها و اشاركك فيها .. قال عمارة : لي الشرف تشاركني فيها .. هذي العملية هي اني اعرف طبيب جراج يقدر يغير شكلي و يخليني اشبه رشيد .. و بعد العملية بصير استغل هذا الشبه في الدخول على روؤساء الدول و الملوك و الحكام و السفراء و كل الشخصيات المهمه اللي يعرفهم رشيد و اغتالهم .. و بكذا يصير رشيد مطلوب لكل الدول في العالم و تدمر حياته و افتك منه و اخذ بثاري و ثارك منه .. صاح زيدان : قسم بالله انك مجرم خطير و فكرتك جباره .. هنا يا اخوان اقترب عمارة من زيدان و قال لزيدان : وش هذي اللمبه الحمراء اللي تحت قميصك .. نزل زيدان راسه و طالع تحت و شاف اللمبه و قال : والله مدري توني انتبه لها .. و خلع زيدان قميصه و حصل تحت قميصه جهاز تسجيل .. و هنا صاح عمارة و زيدان مع بعض : لاااااااااااااااااااااااا ااااااااااااا سويتها يا رشيد
















و في مكان اخر كان رشيد جالس في كرسي دوار و هو يشاهد له تلفزيون فيه صوره زيدان و عمارة :D


وسوف نستقبل المداخلات

علماَ بان القصه خيال في خيال
وارجوا ان اكون وفقت في عمليه الوصف :rolleyes:

مداخلاتكم :D

[الــفــيــصــل]

الفيصل يعطيك العافيه على هل اداء الرائع وانتضر الجزء الثاني على احر من الجمر
اخوك العريف:علي بن عايش الرقيقيص


افهم من هذا ان الموضوع جاز لك :d

افهم انك بترجع .. بسرعه حبيبي انا ما اقوى على فراقك :d

[الــفــيــصــل]

الفيصل.

وين الناااااااااااس ياهووة

خخخخخخخخخخخخخخخخ
خخخخخخخخخخخخخخخخخخ
خخخخخخخخخخخخخخخخخخخخ

اما رشيد وزيدان تقول سعيد وسعيييد ,
:eek:

يسلمو وننتظر الجزء الثاني

.,

افهم من هذا ان صورتي في متحف بلي :D ... .. طيب ممكن ترسلها لي لاعدمناك

ياخي افرح و يتوسع صدري اذا شفتك تضحك مدري ليش .. احس ان العالم يكون سعيد مع ضحكتك خخخخخخخخخخخخخ

[الــفــيــصــل]

خخخخخخخخخخخخخخخخخخخخخخخخخخ
الفيصل
ابداااااااع
<<< مشتري كرتوب بايسن ويتحرى الجزء الثاني

اعتبرني من اليوم خويك وصديقك معقوله تنساني .. :|hart:|


< داخل على طمع ناوي على كرتون البايسون

[محمد حمدان العثماني]

هههههههههههههه صراحه روعه زيدان الله يعينك على رشيد

الفيصل انت نفر خطير

الله يعطيك العافيه

[رضا محمود المعيقلي]

هههههههههه زيداااان ... الله يعينك على رشيد ..

مصيبه ههههههههههههههههههههه
الفيصل .. أبدعت .. وماقصرت

[محمد الرموثي]

الفيـــــــــــــــــــــصل
ابدعت بكل كلمه كتبتها

قصه خطيييييييره

تحيااااااتي

محمد الرموثي,,

[الــفــيــصــل]

هههههههههههههه صراحه روعه زيدان الله يعينك على رشيد

الفيصل انت نفر خطير

الله يعطيك العافيه

تسلم على ااحلى رد.... ومشكور على الطله السريعه ، وأنت ثمره طيبه نفخر بها جميعاً :D
لن ولن اوقف مكتوف اليدين عن الكتابه :p .. حاولت لين شاب شعر راسي .. وعرعرت وجنتاي أحس أني بتسطر على التعبير الي مدري وش يبي .. والله حاولت بس ماطلع معي شي .. المره الجايه بوريك إذا سويت سينما الجزء الثاني :D .. بس الي يضحك بيتسطر

سي يو قايز اند قيرليز

[الــفــيــصــل]

هههههههههه زيداااان ... الله يعينك على رشيد ..

مصيبه ههههههههههههههههههههه
الفيصل .. أبدعت .. وماقصرت


مشكور على هالتواجد وهالكلمات الروعه سلمت ياغلاي

[الــفــيــصــل]

الفيـــــــــــــــــــــصل
ابدعت بكل كلمه كتبتها

قصه خطيييييييره

تحيااااااتي

محمد الرموثي,,

ابداعي لايكمن الا بتواجدكم وتواصلكم معنا :|for you|:

الأجمل كان مرورك
:rolleyes:


لك أعبق المنى ,, والتحايا :|hart:|

[سلمان العرادي]

سينمائيات رائعه ..

الفيصل لك القلب

سلمان العرادي

[الــفــيــصــل]

سينمائيات رائعه ..
الفيصل لك القلب
سلمان العرادي


تحية صادقة لك من القلب الى القلب :|hart:|

لايقف بينها اي حاجز ,, :rolleyes:

[تركي سليم الهرفي]

الفيصل اجـرمت بـزيدان


لكن المجـرم زيـدان ما رد عـلى الموضوع شكـل جمـس بـونـد الهـروف ( رشـيد ) حــاشـره :d

مشـروع كـاتب جـديد أستمـر رعـاك الله يـا بنـي في حلك وترحـالك

فـي انتظار جـديدك......