المساعد الشخصي الرقمي

مشاهدة النسخة كاملة : هذا ماحدث بيني وبين عبدالكريم صويدر(كانت ليله)



عبدالله مناحي منقرة البلوي
11-11-2006, 07:33 AM
تقابلت مع عبدالكريم ليلة26/6/1427

عبدالله مناحي
عبدالكريم طوير لا غاب وش جاب= غير العلوم الاوله والاخيره
انته رجل صادق ولا انته بكذاب= ولا انته بشاوي شغلته في بعيره


................
عبدالكريم صويدر
يا بو علي سولف ترى ان الهوا طاب= ان كان تبغون العلوم السفيره
تبغى علومي جات لا تقفل الباب= يا بدو يا اللي تنطحون المغيره


................
عبدالله مناحي
انته تنّشدني وعارف بالاسباب= لونك خوي لازم تجي فيك غيره
لا تقرب الحيه ولا تقرب الداب= انصحك عنها بس ماهي جريره



................
عبدالكريم صويدر

يا صاحبي حييت ما بين الاصحاب= اقولها بالهّينه والكثيره
بالامس قالوا لي ورى راس مشعاب= واليوم بالديره وسيرتك سيره



................
عبدالله مناحي
شعيل لو يبرك نمسه بمشعاب = سج القدم بالرجل ماهي كسيره
كان اللحى ما جملن سود الاشناب= انته وانا مانستوي للعشيره



................
عبدالكريم صويدر

وشب المطوع تقل بالع له كتاب= صدر حديثاً ما روى ابو هريره
الله يكافينا البلاوي والاسباب= ان طعتني خلك بوسط الحضيره



................
عبدالله مناحي

انا نصحت طوير وطوير ما تاب= ان طار طاح وجعل بالامر خيره
والله لا احاسبكم على الكلمه حساب = حتى الخشير يعاف عشرة خشيره



................
عبدالكريم صويدر

راسي من الافكار يا صاحبي شاب = واللا انت شاعر فالليال الاخيره
الصبح انا ابغى اركبك في ظهر دباب= واللي تبي موتر سواة القطيره



................
عبدالله مناحي

ما شفت لك صوره ليا حضروا اجناب= مغير اخوي منيف نجم الجزيره
تبغى تسفرني يامجرم يا لعاب= وانا من اعمامك وعندي ذخيره



................
عبدالكريم صويدر

الظلم مر وشر مع عيشة غراب= يا الشيخ دور واحداً تستشيره
ما اقولك صادق ولا اقول نصاب= واخوك شاعر ما رضينا بغيره



................
عبدالله مناحي
الملعبه تبغى هواجيس واعصاب= وعبدالكريم طوير غشه ضميره
هذي شهادةحق والحق غلاب=و الُبر بُر ولا يعّود شعيره

.
..............................................

ياسر حمدان المقبلي
11-11-2006, 07:44 AM
اسلم اسلم
العملاقين ابوعلي وابوعاطف
محاورة ممتاز هـ وشيّقه
روووووعة
ا
.

زيدان البلوي
11-11-2006, 08:45 AM
ابوعلي وابو عاطف
الله يعطيكم العافية
محاورة رائعة اجبرتني على قراءتها اكثر من مرة

محمود الجذلي
11-11-2006, 01:09 PM
ابو ع ـــــــــــــــــلي .. ابو ع ـــــــــــاطف.

.

محاورة رائعه .. وليس بغريب عليكم ..

فسلمتو ولا هنتو ..

.

صالح الهرفي
11-11-2006, 02:37 PM
العملاقين ابوع ــــــــــلي وابوع ــــــــــــاطف
محاورة شيقه
ورائعه بروعة العملاقين
ودمت بخير

محمد الرموثي
11-11-2006, 03:39 PM
ماهو غريب هلابداع من شاعرين مبدعين

ابو علي ,,, ابو عاطف

دمتم بهذا الشموخ

عايد السميري
11-12-2006, 01:30 AM
ياسلا .. ياسلام


فرسان ميدان

وهذا ماعرفنا عنكم


يعطيكم العافيه

زننتظر المزيد من محاوراتك يابو علي

لا تبخل علينا

سلطان السميري
11-12-2006, 02:24 AM
ابو علي

تسلم

وصح لسانك ولسان ابو عاطف

عبدالله سليمان الوحيشي
11-13-2006, 03:53 AM
ابوعلي
محاوره رائعه وجميله
مبدعين اثنينكم

لكم المحبه

عبدالله

عبدالكريم الصويدر
11-16-2006, 11:06 PM
اولا- شكرا للاخ الغالي ابو علـــــــــــــــــــــــــــــــــــي
على هذا الجهد والنقل الطيب ولاتعليق اكثر من ذلك ولكن
ان سلمنا يابو علي من بنات الليالي لنا لقاء على موائد المحاورات
انشاء الله وسوف ترى يابو علي مايعجبك وليسى هناك تهديد
ولكن ولكن 00 فلك شكري وتقديري يابو علي ط ش0
ثانيا- شكري وتقديري لكل من بادر بالرد من الاخوه الاعزاء

علينا جميعا والله يرعاكم ولنا لقاء انشاء الله تعالي

نواف النجيدي
11-20-2006, 11:40 AM
أبداع من العملاقين أبداع ليس له مثيل