المساعد الشخصي الرقمي

مشاهدة النسخة كاملة : نصيحه للشاعر حماد عوض التلفيه ( رحمه الله )



المميز
12-09-2006, 05:05 PM
سميت بسم اللي له الخلق ترجيه=يعلم بسر الغيب عدله وميله
كل من الاسلام له يرفع يديه=ومن لا هداه الرب مايهتدي له
مجلس بغير البن ماينقعد فيه=مايونس الجيران واللي يجيله
ان كان ماهومكتلف فيه راعيه=فوته مع الجيران تلقى بديله
والطيب ياللي جاهلآ في معانيه=خوذ الاشاره واعرفه في دليله
القلب تفهم فيه والعين ترعيه=حاضر نظر ماهي سوالف طويله
وابعد عن اللي زود نفسه معديه=وإلا نفوس العز ماهي ثقيله
اللي ابليسه راكب فوق متنيه=حمله ثقيل كان وده يشيله
ان كان شال الشيل لاينحرف فيه=مدت مقيط اللي بتالي رحيله
رجلاً مشى قدام داعيه يدعيه=يومي على كل العزايم شليله
عزالله إنه عيب لاحل طاريه=مالك وماله وأتركه في سبيله
هني قلباً بايع الهم راعيه=ما ينشغل قلبه بيوم وليله
وقلب العنى كثرت عليه مشاحيه=قدام مرسول الامانه يجيله
واليا وتاه الحق هذا الأمل فيه=يرحل وينزل وسط حفره طويله
إما سعيد وبينات شواريه=وإلا شقي النفس واعزتي له
شي تعدا ياملا مبتلش فيه=عليه شارط شرط باهون وسيله
شرطآ لمن يدير راسه لرجليه=علي مطلوبه وياخذ كفيله
ومقعد به الحقران ماني موانيه=والنفس الشريفه ماتعود ذليله
من هام للعليا رقى في مراقيه=ويصيد صيدات الصقور الجزيله
لاتعمل المعروف في غير راعيه=خسران لوإنك فيه تصنع جميله
من حط سكر بالبحر مايحليه=مثل الذي يصب ماه بشليله
والطيب يذكر بين الاجواد طاريه=ناسآ تودي له وناسآ تجيبه
والمدح ماينفع رديآ مخليه=والسب مايقصريدينآطويله
ودرب الردى حلفت له دين ممشيه=لو تجتمع سبع القبايل بليله
لاني ولد عمه ولاني بناخيه=ولايعد جده بالرحم والقبيله
وصلاة ربي كل ماحل طاريه=على نبياً وضح الله دليله

النبع الخالد
12-09-2006, 06:54 PM
جزل المعاني


لك نصيب من اسمك


فقد كانت قصيده جزله

ورائعه

رحم الله قائلها


يعطيك العافيه


لاتحافنا بهذه الروائع


وبانتظار


نزف قلمك المميز

المميز
12-09-2006, 07:14 PM
تشرفة بمرورك العطر

ويعطيك العافيـــــــــــــه

ومشـــــــــــــــــكور

عبدالله سليمان الوحيشي
12-09-2006, 08:16 PM
اخوي جزل المعاني
سلمت وسلمت يمينك
نصيحه
اقل مايقال عنها مسكته

رحم الله قائلها
ولك الموده

عبدالله

المميز
12-09-2006, 11:19 PM
انت الذوق يابوسليمان

ولاهنت ياغالــــــــي

عواد سلامه الرموثي
12-10-2006, 12:24 AM
رحم الله الشاعر

حماد التلفيه واسكنه فسيح جناته

جزل المعاني اسم على مسمى بارك الله فيك

والى المزيد من الابداع

تحياتي

سعود الهرفي
12-10-2006, 02:55 AM
جزل المعاني

الله يعطيك العافية وسلمت يمناك ..

ورحم الله شاعرنا حماد ..

ودمت في خير وعافية

سلمان العرادي
12-10-2006, 10:30 PM
جزل المعاني ..

لاهنت لاتحافنا بهذهـ الجزله التي أطربت ناظرنا بقرائتها

رحم الله الشاعر حماد التلفيه وأسكنه فسيح جناته

سلمان العرادي

المميز
12-10-2006, 11:50 PM
سعود الهـــــــــــــرفي


الله يعافيك ولاهنت


وشرف لي مرورك الكريم

تقبل فائق احترامي

المميز
12-10-2006, 11:53 PM
سلمان العرادي

الله لايهينك وهذا

من ذوقك وجزاك

الله خير

المميز
12-10-2006, 11:56 PM
عواد سلامه الرموثي

الله يجزاك بالخير

وانا تحت امرك

انت ومنتدانا الغالي

ياسر حمدان المقبلي
12-11-2006, 02:47 AM
لاهنت جزل المعاني
على الرائعة
رحم الله شاعرهـا
.

نواف النجيدي
12-12-2006, 02:19 AM
بارك الله فيك جزل المعاني ورحم الله قائلهااا