المساعد الشخصي الرقمي

مشاهدة النسخة كاملة : منيف و الاعمى



الحر
05-04-2007, 01:47 AM
بدون مقدمات جايب لكم هالمحاوره التي جرت بين منيف منقره البلوي وعبدالله الذيابي العتيبي (الاعمى ) واتمنى ان تحوز على رضاكم...
منيف منقره البلوي
الليله الليه الاوضاع مختله
كان العمى مايدل الدرب ابا ذله
حنا عرب ما نتعود نقبل الزله
سبحان من يعلم الاسرار سبحانه
الليل تو والسوالف على البال**** والله لوردها حياض المنيه
ان كان باقي علوم علومنا بدري
والسيل لاسال جا يلعب على الكبري
اقول له يالعمى تدري ولايدري
سبحان من يعلم الاسرا سبحانه
ماكل من يركض مع الخيل خيال**** ومشي الولد ماهو سوات البنيه
الاعمى
حنا نبا الوافيه من واحد وافي
واذا وردنا على الما نشربه صافي
لكن مادام علمك باهت عافي
سبحان من يعلم الاسرار سبحانه
باغيت اقدم للك من الكيف فنجال ****والياك راعي ماتحفظ الرعيه
يبن مناحي علومك لاتزودها
محد يقود السريه غير قايدها
ربعي عتيبه تعاند من يعاندها
سبحان من يعلم الاسرار سبحانه
يلي تجيب اعلومك الوان اشكال**** خسران من قدمك قايد سريه
منيف منقره
اخير مافيك كذبك مع دعاياتك
لونك مفتح خمس طعشر مراياتك
حنا عرفنا طبوعك من هواياتك
سبحان من يعلم الاسرار سبحانه
ياعيال عزو صفكم زين ياعيال**** العفن مايستاهل الشاذليه
والله لتوبك عن هالدرب بالمره
واعوفك ذوقة الحلوا من المره
امنيف توه ماجا في خيره او شره
سبحان من يعلم الاسرار سبحانه
ون كان صابك ضيق لبق على جال**** الله نكبك النكبه العالميه
الاعمى
تسمعوا في كلامه يامعزيبي
ماهو بطيب ولا يستاهل الطيبي
الله يقلعك ياشين الهناديبي
سبحان من يعلم الاسرار سبحانه
ابشر بها يالمنقره فال وعقال**** والله لتذبح مثل عيد الضحيه
حنا الرجاجيل بالوقفه نقدرها
وناخذ علوم النشامى من صادرها
ومنيف اشوفه على راسه يدورها
سبحان من يعلم الاسرار سبحانه
ابلشتنا يالمنقره شين الاعمال**** نبا نهديها وزادة شويه
منيف منقره
والله لهزك ولزك واحرق رزك
وليا توازنت فوق الظلع لا دزك
انته رجل منتهي دورك مضى عزك
سبحان من يعلم الاسرار سبحانه
العلم الاول راح وخيالنا خيال**** والقلب فاسد والنوايا رديه
اتمنا ان تنال اعجابكم وان ماحد سبقني بوضع هالمحاورة
تحيــــــــــــــــــــــــــــــــــاتي

عبدالله سليمان الوحيشي
05-04-2007, 03:48 AM
حياك اخوي
الحر
تسلم على نقل
هذه المحاوره لمنيف والاعمى
سلمت ومانعدمك
تقبل
مني كل محبه


عبدالله

ياسر حمدان المقبلي
05-04-2007, 03:03 PM
عملاقين من عمالقة المحاورة

لاهنت يالحر
وفي مقوله للذيابي (يقول ياليت تفتح عيني وشوف منيف مناحي)

الحر
05-04-2007, 05:48 PM
الله يحييكـ اخوي عبدالله

الحر
05-04-2007, 05:48 PM
ولاانت يابوحمدان

قويعاني سكاكا
05-04-2007, 05:51 PM
هذي عادات الحر دايم سباق.


محاورة ممتعة وحماسية

سلمان العرادي
05-04-2007, 05:56 PM
يعطيك العافيه على هالمحاورهـ ..

محمود الجذلي
05-06-2007, 03:32 PM
الحـــــــــــــر

سلمت يمينك .. على هذا النقل

ولك خالص الشكر

الحر
05-08-2007, 12:20 AM
قويعاني سكاكا
ماعليك زود

الحر
05-08-2007, 12:23 AM
سلمان العرادي
ثنكيووو على المرور

الحر
05-08-2007, 12:24 AM
لاهنت محمود على المرور