سعود (كتابة طلب)

[ياسر حمدان المقبلي]

ب1


س1

اقولكم ابي معروض (كتابة طلب)

بســرعهـ, لازم اسلمه الليله :D

[سعود السرحاني]

وعليكم السلام ورحمة الله وبركاته

أبو حمدان

بس ماحددت طلب آيش بالضبط

ولمين موجه معروضك .؟

لانه يفرق من منصب لمنصب بصيغة المعروض

وابشر ولايهمك

بس حدد لي النقاط اللي تبيها تذكر بمعروضك

واذا تبي آرسلها رسالة خاصة

وابشر باللي يرضيك

دمتى بخير

[ياسر حمدان المقبلي]

ياهلا.. سعود

الطلب (موضوع لمادة الإنشـاء) اي معروض اللي يطري عليك اكتبه هنا.

[سعود السرحاني]

أبو حمدان

مافيه شي آسمه آي طلب


كيف موجه لمين الطلب وشو بالضبط


لاني جد مو فاهم وش تقصد ؟؟

[ياسر حمدان المقبلي]

مني. الى. مدرس.

[سعود السرحاني]

المشكلة أني مو عارف


أيش المضمون



يخص مادة الانشاء



رجاءي حدد لي النقاط المطلوبة


يعني وش تبي بالضبط من المعلم


هل هو تقييم أو نقد أو اقتراح أو طلب بالضبط آيش ؟


لانه الطلب صيغته يبنى على الافكار اللي تتمحور حول الموضوع


مايجي أي طلب بدون صيغة


واقول لك خطوات اللي تتبع بخصوص كتابة طلب أو معروض


في البداية يكتب البسملة


سعادة الاستاذ / الاسم


السلام عليكم ورحمة الله وبركاته


تعلم أن قيمة التعليم كبيرة لدى جميع من يهتم في مجال التعليم وأنت خير من يمثل


هذا المجال وعلى يدك تربية الاجيال في التخصص الذي قد بذلت سنوات كي تحصل على هذه المكانة المرموقة التي أقف بكل الاحترام والتقدير لشخصك الكريم


استاذي الفاضل


( هنا تكتب مضمون ماتريده )


بعدها


تختمها


أنني واثق كل الثقة في وضوح معنى ومضمون ماذكرته بأنه للمصلحة العامة والمصلحة الخاصة للجميع


وهذا طلبي ليس الا نقطة في وسط بحر التعليم الذي في كل سنه في تطور وهذا من فضل الله ثم من فضل دعم حكومة خادم الحرمين الشريفين حفظه الله في مجال التعليم ..


اسأل الله أن يسدد خطاك ويجعل منك قدوة في تأدية الواجب المترتبة على كل معلم واستاذ


ولك مني كل التحية والتقدير


أخوك




هذه مجرد مثال اذا أعجبك أو مثل ماقلت لك هات الافكار وراح أصيغ لك بأكثر وضووح


أتمنى أن قدمت المطلووب


دمت بخير

[ياسر حمدان المقبلي]

يعطيك العافيه هوا ده
هههههههه

لاهنت سعود .

[سعود السرحاني]

الله يعافيك

ماسوينا الا الواجب

دمت بخير