الناي
06-25-2007, 07:48 AM
أحبتي جميعاً
السلام عليكم ورحمة الله وبركاته
هذه مختارات من قصائد الشاعر (( عيد بن قيضي بن سعيد الوابصي البلوي ))
//
//
...
:: يا مرحبا في ضيفنا ::
...
يامرحبا في ضيفنا يوم جانا = الفا هلا والفين يالله تحييه
اجمل تحايانا تخالط قرانا = من شان لو ينقص قرانا توفيه
وان شح جودي يالله المستعانا = هني من ربه من الشح واقيه
يالله عسى شحنا مع ردانا = عنا الى جا الضيف تبعد محاريه
يالله كما زينتنا في لحانا = انك تزين فعلنا اللي نسويه
يالله ترزق كل من هو نصانا = نجود من جودك علينا ونعطيه
نعطيه من مد الله اللي عطانا = المال له والعبد خليفة فيه
يالله يا ذا الجود يالله عسانا = محنا من اللي عادته رد ناصيه
ان جاه رجالا حداه الزمانا = يقول له مافيه لو حاجته فيه
بالمرجله نمشي على درب ابانا = وجود الفتى من جود خاله واهاليه
...
//
//
...
:: يالله بجودك ::
...
يالله بجودك عن المخلوق تغنينا = مدات جودك على المخلوق مشهوده
ما ودنا احدا من المخلوق يعطينا = نريد جودك وغيرك مانبي جوده
اجعل لنا الرزق من عندك ليادينا = ماني معارض على نقصه ولا زوده
واللي قسمته لنا يارب يرضينا = والعبد ماياخذ الدنيا بجهوده
والناس لو كلهم مخلوق من طينا = ماهم سوى عند عد الاصل والجوده
منهم كما العود غالي بالموازينا = الى احترق فاح ريح الطيب من عوده
ومنهم خوي الكرم بالعسر واللينا = يزود جوده ولونه قل ماجوده
ومنهم الى جيت لي حاجه يحيينا = يبدي لنا الجود والفاقات مجحوده
ومنهم ليا جيت تلقى خاطره شينا = لو حاجتي شوف بين ايديه ماعوده
واليا مشينا نبي الطيب يخاوينا = والا الردي مانبي قربه ولا فوده
...
//
//
...
:: استغفر الله ::
...
اسغفر الله من ذنوب تتالت = نسيتها واللي كتبها كتبها
العبد كم مره تواليه عالت = والنفس ياما زلة ترتكبها
لو انها من دونها سنين حالت = مظمونها في ذمة اللي كسبها
والنفس ياما كم سوت وقالت = من ضعفها داعي هواها غلبها
ياربي الرحمه لك اليوم آلت = شحت من المخلوق محدن وهبها
من غيرك الرحمه علينا استحالت = حرام من غيرك علينا طلبها
والروح تفنى لو ان الروح طالت = هني عبد في سبيلك جلبها
يارب دعواتي لعفوك توالت = ارجو بها توبه على النفس تبها
نار الندامه في ضميري تصالت = ماغير غفرانك يطفي لهبها
نادم وعبراتي على الخد سالت = ارجو بها حسنه عليك احتسبها
...
//
//
...
:: احسنت ظني ::
...
احسنت ظني فيك يا مكوّن الكون = وسلمّت لك شاني وشان الرعيه
عليك تكلاني ومنك اطلب العون = ولا اسوي إلا ما تسويه ليه
ماني لهم هادي ولو هم يضلون = وارزاقهم عليك ماهي عليه
حتى الرسل مايهدوا اللي يحبون = انت الذي تهدي السبيل السويه
ان ردت شيئاً قلت له كن ويكون = وتعرف سر الكاينات الخفيه
يالله كل الخلق فضلك يسالون = وانت الذي مدات جودك سخيه
ارجوك تقبلني مع اللي يلبون = واتضاعف الحسنات واتغفر سيه
صلوا على المختار ياللي تصلون = الرحمه المهداه كل البريه
...
.......
مع أطيب الأمنيات ،،،
السلام عليكم ورحمة الله وبركاته
هذه مختارات من قصائد الشاعر (( عيد بن قيضي بن سعيد الوابصي البلوي ))
//
//
...
:: يا مرحبا في ضيفنا ::
...
يامرحبا في ضيفنا يوم جانا = الفا هلا والفين يالله تحييه
اجمل تحايانا تخالط قرانا = من شان لو ينقص قرانا توفيه
وان شح جودي يالله المستعانا = هني من ربه من الشح واقيه
يالله عسى شحنا مع ردانا = عنا الى جا الضيف تبعد محاريه
يالله كما زينتنا في لحانا = انك تزين فعلنا اللي نسويه
يالله ترزق كل من هو نصانا = نجود من جودك علينا ونعطيه
نعطيه من مد الله اللي عطانا = المال له والعبد خليفة فيه
يالله يا ذا الجود يالله عسانا = محنا من اللي عادته رد ناصيه
ان جاه رجالا حداه الزمانا = يقول له مافيه لو حاجته فيه
بالمرجله نمشي على درب ابانا = وجود الفتى من جود خاله واهاليه
...
//
//
...
:: يالله بجودك ::
...
يالله بجودك عن المخلوق تغنينا = مدات جودك على المخلوق مشهوده
ما ودنا احدا من المخلوق يعطينا = نريد جودك وغيرك مانبي جوده
اجعل لنا الرزق من عندك ليادينا = ماني معارض على نقصه ولا زوده
واللي قسمته لنا يارب يرضينا = والعبد ماياخذ الدنيا بجهوده
والناس لو كلهم مخلوق من طينا = ماهم سوى عند عد الاصل والجوده
منهم كما العود غالي بالموازينا = الى احترق فاح ريح الطيب من عوده
ومنهم خوي الكرم بالعسر واللينا = يزود جوده ولونه قل ماجوده
ومنهم الى جيت لي حاجه يحيينا = يبدي لنا الجود والفاقات مجحوده
ومنهم ليا جيت تلقى خاطره شينا = لو حاجتي شوف بين ايديه ماعوده
واليا مشينا نبي الطيب يخاوينا = والا الردي مانبي قربه ولا فوده
...
//
//
...
:: استغفر الله ::
...
اسغفر الله من ذنوب تتالت = نسيتها واللي كتبها كتبها
العبد كم مره تواليه عالت = والنفس ياما زلة ترتكبها
لو انها من دونها سنين حالت = مظمونها في ذمة اللي كسبها
والنفس ياما كم سوت وقالت = من ضعفها داعي هواها غلبها
ياربي الرحمه لك اليوم آلت = شحت من المخلوق محدن وهبها
من غيرك الرحمه علينا استحالت = حرام من غيرك علينا طلبها
والروح تفنى لو ان الروح طالت = هني عبد في سبيلك جلبها
يارب دعواتي لعفوك توالت = ارجو بها توبه على النفس تبها
نار الندامه في ضميري تصالت = ماغير غفرانك يطفي لهبها
نادم وعبراتي على الخد سالت = ارجو بها حسنه عليك احتسبها
...
//
//
...
:: احسنت ظني ::
...
احسنت ظني فيك يا مكوّن الكون = وسلمّت لك شاني وشان الرعيه
عليك تكلاني ومنك اطلب العون = ولا اسوي إلا ما تسويه ليه
ماني لهم هادي ولو هم يضلون = وارزاقهم عليك ماهي عليه
حتى الرسل مايهدوا اللي يحبون = انت الذي تهدي السبيل السويه
ان ردت شيئاً قلت له كن ويكون = وتعرف سر الكاينات الخفيه
يالله كل الخلق فضلك يسالون = وانت الذي مدات جودك سخيه
ارجوك تقبلني مع اللي يلبون = واتضاعف الحسنات واتغفر سيه
صلوا على المختار ياللي تصلون = الرحمه المهداه كل البريه
...
.......
مع أطيب الأمنيات ،،،