ألامل مثل الألـم ....

[سعودي ماستر]

قصيدة لأخوكم سعودي ماستر اتمنى ان تعجبكم


.................................................. ..
اه من نارا كوت قلبـي قبـل تكـوي أيديـه
والله أني مـا حسبـت حسابهـا ألا بعدهـا
يوم صارالموت حق وغصب مفروض علي يه
كنهـا ساعـة لعمـري قامهـا ولا رقدهـا
وابتدت رحلة عذاب العشق في صحراء ظميه
ولامل مثل الألـم وبروقهـا تشبـه رعدهـا
لا يبل الارض ديـم ولا تظـل الارض فيـه
ولاسرابا يقنـع الظامـي ولا مويـا وردهـا
لايبل الغيث ريـق ولا يغيـث الـروح زيـه
وما يطفـي نـار قلبـي غيثهـا الا بردهـا
شفتها بالعين جانـي وعتـرف انهـا بريـه
من حلاهـا مايميـز مرهـا يشبـه شهدهـا
وشفتها باحلا صورها زهرتا فـي مزهريـه
لابسه تاج الجمال ومالكـه الدنيـا وحدهـا
وشفتها مثل الخيال او حلـم مـدري ادميـه
وماثبت للعين حق ولا طلب قلبـي شاهدهـا
واسكنت مثل شروق وباقيه بالعيـن ذيـه
وشفتها وقلبي قتيل وخنجر الجانـي بيدهـا
ولو بقي لي قلب غيره قـال قلبـي واهنيـه
ليتني مطعون خنجر بس ولامـس جسدهـا
شعر / سعودي ماستر

[محمد العصباني]

الآخ / سعودي ماستر
أرجوا وحفاظاً على حقوقك أن تنشر قصائدك بالأسم الحقيقي خوفاً عليها من السرقه .(وجهة نظر)
قصيده رائعه

[ناصر سليم العصباني]

بالفعل اخي ماستر كارد/كما نصحك العضو محمد عيد حاول النشر

باسمك الحقيقي انت مبدع وقصيده رائعه جداً

وبالتوفيق /العصباني

[سعودي ماستر]

اخي الفاضل محمد عيد كحتان صح بدنك والاروع تواجدك بالقصيدة
والف شكر لك مرورك وحضورك المميز وكلمااااتك الرائعة
ونصيحتك الغالية الله لايحرمني منك ومن الجميع
يارب
اما بخصوص توثيق القصيدة بالاسم الحقيقي حفاظا على الحقوق
بالفعل اخي الكريم
القصيدة موثقه وسبق نشرها باحد الجرائد المحليه بالاسم الحقيقي
مالك الرفاعي الجهني (سعودي ماستر)وبموقع ديوان العرب (بعنوان الخيال )بنفس الاسم الحقيقي
وبموقع قبيلتي الخاص باسم سعودي ماستر بعنوان (السراب)


ولك مني ارقى التحااااايا واعذبها

[سعودي ماستر]

صح بدنك اخوي العزيز ناصر سليم العصباني
تسلم اخوي الفاضل الله لايهينك
حضورك كان اروع من القصيدة وكلمااااتك ابدع
والف شكر لك على مرورك
ونصيحتكم على العين والراس لاعدمتكم
وتقبل تحيااااتي وتقديري
ودمت مع كل الورد